مشكلة في دوارة 128

[bassem.naguib]

امبارح طلعت بالعربية .. ومشيت بيها حوالي 20 أو 25 كيلو .. يعني سخنت تمام .. ودخلت بنزينة علشان أمون .. قلت أبطل العربية وأدورها تاني بسرعة وأشوف أيه النظام .. لاقيتها دارت عادي ولا أكن فيه حاجة قفلت ودورت تاني عتلت بسيط قوي بس دارت تاني بسهولة مش عارف بقى أيه النظام .

الكلام ده إن دل على شيء يدل على أن 128 فيها أوبشن بيصلح الأعطال من غير أي تدخل وتظبط نفسها بنفسها .. على العموم حتابع وأشوف اخرتها أيه

[mohamed9999]

ايوه يا عم هو انت فاكر ايه دى 128......................... يعنى قمة ال........التكنولوجيه الحمد لله

[bassem.naguib]

دى حتجه اسمها جلب المارش عباره عن قطعتين نحاس بتمسك الممحور المارش من الناحيتين لما العربيه بتسخن الجلب دى بتتمدد بالحراره وبتقفش على قلب المارش
انت هتفك المارش وتعمل الجلب ع المخرطه او تشتريها جاهزه
الموضوع كله مش هيتكلف 20 او 30 جنيه

الكلام طلع مظبوط .. زي ماقلت وزي ما رجح سمير بك عياد .. واللي خلاني ميال للموضوع ده أن كهربة العربية مفيهاش حاجة .. يعني لا بتسقف ولا بترقص ولا أي حاجة من الحاجات دي .

المهم رحت للكهربائي وفك المارش ووداه لمخرطة واتخرطت الجلب .. ودور يا عم تمام أحسن من الأول بكتير ومن نص تكه كمان .. بس حاسس أن فيه مشكلة .. بعد ما أدور بحس بصوت ونه بسيطة كدة في المارش (مش متأكد موجودة ولا تهيأت) وخايف ليكون فيه تعليقه في المارش تحرقه على المدى البعيد .

التكلفة 50 جنية شاملة كل حاجة .

الأخ أبو هاشم .. روح لكهربائي .. احتمال كبير يكون اللي عندك مارش .. لأني اللي خلاني أفضي نفسي للعربية وأروح أصلحها ومطنش .. أنها وهي واقفة وباردة خالص .. بقت تعتل في الدوارة بشكل قاتل

[mohamedrabia]

الله ينور علي المعلومات

[ahmed_moeaz]

الكهربائى اللى قالك كوندسنر ده متتعاملش معاه تانى ويا ريت ميكونش هو اللى حل ليك المارش وصلحه اما الصوت اللى بيطلع من المارش ده احتمال يكون الترس مش مظبوت ولا حاجة نتيجة للفك والتركيب يا ريت تكشف عليه قبل ميفوت.

[bassem.naguib]

الكهربائى اللى قالك كوندسنر ده متتعاملش معاه تانى ويا ريت ميكونش هو اللى حل ليك المارش وصلحه اما الصوت اللى بيطلع من المارش ده احتمال يكون الترس مش مظبوت ولا حاجة نتيجة للفك والتركيب يا ريت تكشف عليه قبل ميفوت.

هو فعلاً نفس الكهربائي .. وهو على قده شوية ، يعني على ما تفرج وهو كان أقرب واحد ساعة ما تفاقمت المشكلة وكنت خارج ومفيش وقت أني أروح لحد تاني .. بس الشواهد اللي كانت ظاهرة كانت متداخلة فعلاً لدرجة أني شكيت في الموبينة أو سلوك البوجيهات .. إلخ وكنت بسمع صوت المارش عادي .
انا المشكلة اني مبخرجش بالعربية كتير .. حجرب واشوف ايه النظام مع المشي .. وربنا يستر

[mohamed9999]

باسم انت اون لاين كلمنى

[cyborg_ift]

لسه كان عندي نفس الموضوع وكانت المشكلة في المارش

[bassem.naguib]

المارش رجع يعتل تاني .. وشكلي حروح للكهربائي أظبطه قبل ما يظبط المارش

[H_Daim]

المارش رجع يعتل تاني :_alshmokh08[1]:.. وشكلي حروح للكهربائي أظبطه قبل ما يظبط المارش

طيب افدنا يا باشا عملت ايه في المارش ثم الكهربائي

[bassem.naguib]

والله تقدر تقول أني متعايش مع المشكلة لغاية دلوقتي .. وساعات بيشتغل كويس وساعات بيعلق .. والمشكلة أني مش فاضي أعمل سرفيس كهربا للعربية لأني شاكك أن المشكلة في كهربا العربية

[m_mekkawy]

سدقنى اللى فكلك المارش ماهو الا جحش (حط تنوين على الشين) صغير
معنى ان المشكله راحت ورجعت يبقى المارش باظ تانى
انا عندى حل وهو انك تجيب مارش استيراد سريع وده بيفرق انه على 4 كاربون برش وبلى مش جلب
هوه ده اللى هيظبطلك الدنيا كلها

[bassem.naguib]

سدقنى اللى فكلك المارش ماهو الا جحش (حط تنوين على الشين) صغير
معنى ان المشكله راحت ورجعت يبقى المارش باظ تانى
انا عندى حل وهو انك تجيب مارش استيراد سريع وده بيفرق انه على 4 كاربون برش وبلى مش جلب
هوه ده اللى هيظبطلك الدنيا كلها

هي شكلها كدة يا مكاوي بيه .. بس مستني اظبط كهربا .. لأني مش فاضي فعلاً أبص على العربية أو أصلحها .. ولو خرجت بيها ببقى متعايش مع المشكلة .

الميكانيكي بيبقولي مشكلة مارش وبينصحني زيك بشراء واحد استيراد .. وكذا واحد ومنهم الكهربائي اللي عملت عنده قالولي تظبيط كهربا .. المشكلة فعلاً أني مش قادر أحدد صوت التعتيلة دي من المارش ولا ضعف كهربا .. لما بقيت خلاص

ومتشكر جداً لاهتمامك في المشاركة

[Khaled_Nowaihy]

انا حصل معايا نفس المشكلة .... وبعد تصليح المارش بشهر رجعت المشكلة تانى
تعرفوا ليه ؟؟؟
عشان الواد بلية لما ركب المارش تانى بعد تصليحه كان مشبطه بس (قلة ذمة وضمير)
رجعت للكهربائى تانى قرط على الصواميل وثبته كويس
شوف يمكن هو ده السبب
عشان مكان المارش مقرف قوى للبهوات الميكانيكية والكهربائية وبيكسلو ا يركبوا كل حاجة مكانها صح

[khaled_sabry]

على فكره مع احترامى لكل الاراء و الاحتمالات دى جرب تغير الابلاتين و الكوندنسر
لأنى من كام شهر كده كانت العربيه بتتأخر معايه فى الدواره و كانت بتعمل معايا شغل عفاريتي على الاخر
يعنى مثلا كل يوم الصبح لما ادور الاقى العربيه تشتغل مارش و ماتدورشى و بعد كده اقوم افتح الكبود و افصل سالب الموبينه و اوصله تانى تشتغل (ولازم ابقى قافل الكونتاكت لو موصله ماتشتغلشى ) والكلام ده كان فى الصبح بس ولما انزل من الشغل تشتغل عادى
و فى الاخر غيرت الابلاتين و الكوندنسر و طلع المشكله منهم
فيفضل انك تغيرهم الاتنين على بعض ب 16 جنيه
احتمال بسيط يطلع العيب منهم بدل ماتدخل فى تكاليف و دوشه مالهاش لزمه و خدم بالك الميكانيكي لما بيفك حاجه احتمال يبوظلك حاجه تانيه