كده اعمل طقم شمبر ولا هتخش فعمره

[sweetheart_]

بصوا يا جماعه انا معايا عربيه فيورا وادأها حلو وكل حاجه بس بلاقى تعريعة زيت على على وش السلندر وكمان مش بركب الفايز وانا شاريها وهى كده والزيت ممكن يكون بينقص بس حاجه بسيطه اوى وانا قولت يمكن لان فى ترشيح فالكرتيره فممكن بينقص من كده وميكنش الموتور بياكل زيت المهم فانا بفكر اعمل طقم شنبر بس مش عايز ادخل فى عمره انا حاسس انها طقم شنبر بس عشان العربيه كويسه وسرعتها حلوه والموتور صوته كويس وعايز حد ياكدلى انها ان شاء الله شنابر بس ويا ريت تقولولى هتكلف كام واحد بيقلى اعملهالك ب 350 بالمصنعيه ايه رأيكو؟

[sary005]

لو تغير طقم الشنابر 350 جنية كلو على بعض و الراجل دة صنيعى كويس اتكل على الله السعر كويس

[sweetheart_]

شكرا على الرد افهم من كلامك انك ترجح ان حالة العربيه مش هتخش بيا فى عمره لو فتحت الموتور

[sary005]

الكلام دة يتوقف لما يفتح الماتور و يبص على الشيميز هو كدة اللى يحدد اذا كنت تخش فى عمرة ولا يغير شنابر بس خير ان شاء الله المهم انك تروح عند صنيعى كويس

[SAMEH_FOUAD]

تعريقة زيت على وش الشلندر يبقى من جوان غطاء التاكيهات عايز يتغير

اما بالنسبة لمعرفة ان الماتور خفيف ولأ فاولا شوف خرطوم الفايظ اللى فى الماتور لو لقيتة بيعرق زيت يبقى طقم شنبر ,وشوف حالة البوجيهات
وبعد كدة اقرص كدة على الماتور شوية وشوف هيطلع دخان مائل الى اللون الازرق يبقى كدة بردة الماتور خفيف
او وجود زيت على حرف الشكمان نفسة

[sweetheart_]

الف شكر على التوضيح وان شاء الله هروح لميكانيكى وشوف

[sweetheart_]

ممكن حد يقولى هى الشنابر والجوانات دى انواع ولا نوع واحد واجيب انهى نوع لل 27 ولو تعرفوا السعر والمكان ياريت وشكرا

[kasten]

مـتــــــــــــابع

[aYaBooY]

معلش لو خرطوم الفايز مش بيدخن ابيض يبقي الموتور كويس و يفضل لو هاتعمل شنبر او عمرة انك تعملها في جو برد مش اليومين دول

[sweetheart_]

ايه رايكوا اعمل ايه

طاب معلش هو الفرق ايه فى حكاية البرد والحر دى هتفرق كتير يعنى تستاهل انى استنى انا اصلاً حالة العربيه مش وحشه ومفيش زيت عند الشكمان ومفيش دخان ملحوظ لان لو فيه كنت خت بالى هى بس بتعرق عند غطا التكيهات ومرشحه زيت عند الكرتيره دا حتى سحبها مش وحش بس انا كنت هعمل حاجه فى الفتيس فقولت بالمره اعمل طقم الشنابر لان الميكانيكى كده كده هيخدله مبلغ وقدره فى تطليع الموتور وسبب انى عايز احل الفتيس ان فى صوت خشونه لما ببقى ماشى سريع ومور وملوش دعوه بالدبرياج ياريت حد يشاركنى بارائه اعمل ايه امشى على الفتيس كده لحد الشتاء واعمل الاتنين ولا اعمل التنين دلوقتى ولا اعمل الفتيس بس وكده هبقى محتاج اعمل الموتور بعد كده ؟؟؟؟؟؟؟؟؟؟؟؟

[sweetheart_]

فين ارأكم يا جماعه

[SiGmAa]

فى فرق اما تعمل العمرة او طقم الشنبر فى الصيف او الشتاء ؟؟؟؟!!!!! انا اول مرة اسمع الحكاية دى ياريت حد من الاعضاء يفيدنا ؟

[heshamzaky]

فى فرق اما تعمل العمرة او طقم الشنبر فى الصيف او الشتاء ؟؟؟؟!!!!! انا اول مرة اسمع الحكاية دى ياريت حد من الاعضاء يفيدنا ؟

بص يا باشا المدرسة القديمة بتقول ان احسن عمرة تعملها فى الشتاء مش بالصيف علشان و انت بتلين العربية ما تسخنش منك جامد و تلين براحتك فطبعا فى الشتاء الجو بارد انت ذات نفسك مش حا تتسلق من الحر الى بقينا فية على طول و الله الواحد بيتنفس بالعافية من الحر و بقينا عايشين على خط الاستواء و بالنسبة للعربية الشميز و البساتم حا تطبع مع بعض فى جميع الاحوال سواء صيف ام شتاء بس الشتاء أرحم للعربية و لنفسك ( بص انا معرفش حاجة علمية للنظرية دى بس لراحتك انت و للعربية )

[heshamzaky]

طاب معلش هو الفرق ايه فى حكاية البرد والحر دى هتفرق كتير يعنى تستاهل انى استنى انا اصلاً حالة العربيه مش وحشه ومفيش زيت عند الشكمان ومفيش دخان ملحوظ لان لو فيه كنت خت بالى هى بس بتعرق عند غطا التكيهات ومرشحه زيت عند الكرتيره دا حتى سحبها مش وحش بس انا كنت هعمل حاجه فى الفتيس فقولت بالمره اعمل طقم الشنابر لان الميكانيكى كده كده هيخدله مبلغ وقدره فى تطليع الموتور وسبب انى عايز احل الفتيس ان فى صوت خشونه لما ببقى ماشى سريع ومور وملوش دعوه بالدبرياج ياريت حد يشاركنى بارائه اعمل ايه امشى على الفتيس كده لحد الشتاء واعمل الاتنين ولا اعمل التنين دلوقتى ولا اعمل الفتيس بس وكده هبقى محتاج اعمل الموتور بعد كده ؟؟؟؟؟؟؟؟؟؟؟؟

بالنسة لصوت الخشونة الى بتسمعة و انت ماشى بالعربية و ممور أكشف على بلى العجل ممكن يكون خشن و عامل صوت ( ورة ) كدة

[sweetheart_]

شكرا على الردود وبالنسبة لصوت الخشونه انا متاكد من انه جاى من الفتيس عشان رفعت العربيه على كوريك وجرينا العجل وسمعنا الصوت جاى من الفتيس ومش عارف اطنشه ولا اعمل ايه عشان بتاع الفتيس قالى لازم يتحل ويرحله