مشكلة غريبة رعشة بعد الغيار

[hemalotfy]

السلام عليكم


لاحظت حاجة غريبة انهارده لما اجي انقل للتاني وبعد ما انقل خلاص واجي اشيل رجلي من على الدربرياج ورجلي في نص الدوسة كده وقبل ما ادوس بنزين احس ب رجرجة في العربية كلها وكذلك في الغيار الثالث حتى لو مغيرتش لو شيلت رجلي من على البنزين ودوست نص دوسة دبرياج الاقي العربية بتترج

لكن لو نقلت الغيار كده خطف بسرعة ودوست بنزين مبحسش بحاجة
هي مش مقصره في حاجة بس بحس ان في حاجة غلط

مش عارف ده ممكن يكون اسطوانة ولا ايه بس العربية ما شاء الله سحبها حلو وصوتها هادي وبجيب بيها 140

[ahmed_moeaz]

قولى اخبار التعشيق ايه فى الغيارات اللى بتشتكى منها لما تبقى ماسك عصاية الفتيس وبتنقل بتحس ان الغيار عشق ولا بيرد فى ايدك واكشف على زيت الفتيس وزوده ولو فيه دواسة تحت الدبراياج شلها واحد صاحبى كان هيغير طقم دبرياج واتضحلى بمحض الصدفة ان الباشا حاتط دواستين تحتيه فجرب كده وقولى ايه الاخبار

[hemalotfy]

قولى اخبار التعشيق ايه فى الغيارات اللى بتشتكى منها لما تبقى ماسك عصاية الفتيس وبتنقل بتحس ان الغيار عشق ولا بيرد فى ايدك واكشف على زيت الفتيس وزوده ولو فيه دواسة تحت الدبراياج شلها واحد صاحبى كان هيغير طقم دبرياج واتضحلى بمحض الصدفة ان الباشا حاتط دواستين تحتيه فجرب كده وقولى ايه الاخبار

جزاك الله خير لردك

لما بنقل بحس ان الغيار تم بكل سهوله وعشق في مكانه ومبيردش

بالنسبة للزيت فانا كنت حاطط 3 لتر زيت اسو اللي بيجي في علبة بيضاء بس مش فاكر درجة لزوجته كام

بالنسبة للدواسة

في دواسة واحده بس لكن ممكن الغيار يتم بكل سهولة وانا دايس نص الدبرياج فقط عادي (( هل في كده خطورة ))

بص يا سيدي

المكنه والفتيس مسقطهم استيراد في شهر 12 اللي فات المكنه الفتيس اللي كان فيها اربع غيرات غير المارشدير والمكنه القديمة اللي راكبه في العربية كانت 5 غيرات غير المارشدير
فطبعا انا كنت متعود على الخامس علشان انا بسحب وكل جري على الميه وعشرين فحب اريح الموتور واديله الخامس فالميكانيكي اللي كان معايا في بورسعيد طلب من صاحب المحل يحل الفتيس الاربعة ويركب فتيس خمس سرعات وجبنا الموتور والفتيس مفكوكين عن بعض

جينا بقى في الورشة بص على الاسطوانة لقها كويسة والحمد لله وفك البلية بتعت الفتيس وحطها في زيت تقيل كده عامل زي ما يكون زيت بشحم وبعد كده جمعنا وركبنا وكله تمام

وفي النهاية خالص حطينا زيت اسو ابيض كده كل لتر متعبي لوحده في علبة حطينا 3 علب بالضبط

بس مش عارف هو كده كويس ولا ناقص

[ahmed_moeaz]

لما بنقل بحس ان الغيار تم بكل سهوله وعشق في مكانه ومبيردش

طب تمام وتروس الفتيس كده تمام

بالنسبة للزيت فانا كنت حاطط 3 لتر زيت اسو اللي بيجي في علبة بيضاء بس مش فاكر درجة لزوجته كام

مدام مفيش صوت ونة او رجة فى الفتيس يبقى ان شاء الله الزيت مظبوت بس ميمنعش تكشف عليه وزوده مش هتخسر حاجة انا معرفش الفتيس عندك بياخد كام لتر زيت

في دواسة واحده بس لكن ممكن الغيار يتم بكل سهولة وانا دايس نص الدبرياج فقط عادي (( هل في كده خطورة ))

اكبر غلط وكده بتقصفى فى عمر الاسطوانة واكيد الاسطوانة اتاكلت بكل تأكيد ومش بعيد تكون اتأذت فعلاً فانت تروح للميكانيكى وخليه يكشفلك عليهـا وعلى البلية لو محتاجة تتغير برضو

فانت كده العملية بانت بالنسبة ليك اكشف على طقم الدبرياج وابقى طمنا وان شاء الله خير

[mrsailor]

السلام عليكم


لاحظت حاجة غريبة انهارده لما اجي انقل للتاني وبعد ما انقل خلاص واجي اشيل رجلي من على الدربرياج ورجلي في نص الدوسة كده وقبل ما ادوس بنزين احس ب رجرجة في العربية كلها وكذلك في الغيار الثالث حتى لو مغيرتش لو شيلت رجلي من على البنزين ودوست نص دوسة دبرياج الاقي العربية بتترج

لكن لو نقلت الغيار كده خطف بسرعة ودوست بنزين مبحسش بحاجة
هي مش مقصره في حاجة بس بحس ان في حاجة غلط

مش عارف ده ممكن يكون اسطوانة ولا ايه بس العربية ما شاء الله سحبها حلو وصوتها هادي وبجيب بيها 140

اكشف على الاتى:
قواعد موتور
قواعد فتيس
ديسك

[ahmed_moeaz]

اكشف على الاتى:
قواعد موتور
قواعد فتيس
ديسك

الكشف على القواعد لو كانت الرجة اثناء الدوارة والحركة انما مش بتظهر معاه فى غيارين هتبقى المشكلة من طقم الدبرياج.

[mrsailor]

الكشف على القواعد لو كانت الرجة اثناء الدوارة والحركة انما مش بتظهر معاه فى غيارين هتبقى المشكلة من طقم الدبرياج.

الرجة مع الغيارات لو ممكن تتخيل معايا اما بتكون بسبب الديسك لانه مش بيبقى حاكم كويس على الاسطوانة اثناء الفصل فيحصل تفويت او زحلقة نتيجة لان الاسطوانة مش بتبقى متبعة على ترس الفيلام .. او بتكون بسبب قواعد لان الرجة عنده صحيح على غيارين بس لكن لو لاحظت انهم الغيارين اللى دايما عليهم الحرق فى اى عربية .. يعنى لو ماشى تالت و هديت بتجيب التانى و تحرق علشان ترجع لسرعتك مرة تانية او لو هديت على الرابع حاتنزل غيار للتالت و تحرق .. او لو طلعت على الاول و جيبت التانى فالمعظم بيحرق شوية علشان يجيب سرعة التالت ..ولو الديسك مش حاكم كويس حاتحصل الزحلقة اللى كنت باقول عليها او لو القواعد مقطوعة او طرية الموتور بيتحرك من مكانه نتيجة العزم بتاعه و بتحصل الرجة .. انما لو العيب اسطوانة فمش حيحصل رجة اللى حايحصل ان العربية مش حاتسحب .. و لو عيب بلية دبرياج فدى حاتعمل الصوت بتاع الخروشة اللى كلنا عارفينة

[ahmed_moeaz]

الرجة مع الغيارات لو ممكن تتخيل معايا اما بتكون بسبب الديسك لانه مش بيبقى حاكم كويس على الاسطوانة اثناء الفصل فيحصل تفويت او زحلقة نتيجة لان الاسطوانة مش بتبقى متبعة على ترس الفيلام .. او بتكون بسبب قواعد لان الرجة عنده صحيح على غيارين بس لكن لو لاحظت انهم الغيارين اللى دايما عليهم الحرق فى اى عربية .. يعنى لو ماشى تالت و هديت بتجيب التانى و تحرق علشان ترجع لسرعتك مرة تانية او لو هديت على الرابع حاتنزل غيار للتالت و تحرق .. او لو طلعت على الاول و جيبت التانى فالمعظم بيحرق شوية علشان يجيب سرعة التالت ..ولو الديسك مش حاكم كويس حاتحصل الزحلقة اللى كنت باقول عليها او لو القواعد مقطوعة او طرية الموتور بيتحرك من مكانه نتيجة العزم بتاعه و بتحصل الرجة .. انما لو العيب اسطوانة فمش حيحصل رجة اللى حايحصل ان العربية مش حاتسحب .. و لو عيب بلية دبرياج فدى حاتعمل الصوت بتاع الخروشة اللى كلنا عارفينة

متخيل معاك وفكرت زيك خصوصاً فى تثبيت الفتيس للموتور لانه زى مقال مغير الفتيس وموفقه للماكينة والعربية كلها بترج معاه لكن هو قال برضو صوت الرجه بيروح لو داس بنزين جامد فى النقلة فالعربية بتمشى معاه فلو مش متثبتين كويس وداس كده المفروض تظهر معاه اكتر
عامة مش هيخسر حاجة لما يكشف على تثبيت الموتور والفتيس ويجرب ويا ريت تطلع المشكلة منهم بدل ميدخل فى موال هو غنى عنه
وكنت عايز اقول لصاحب المشكلة برضو جرب كده متنقلش من الاول للتانى على طول يعنى بعد الاول مور وبعد كده دوسة بنزين وانقل للتانى وهكذا للتالت وقولى ايه النتيجة معاك.

[hemalotfy]

اكشف على الاتى:
قواعد موتور
قواعد فتيس
ديسك

انا بشك ممكن تكون قواعد الموتور

علشان الصنايعية اللي عن الميكانيكي وهم بينزلو المكنة في الحوض الجنزير اتزحلق فامكنة مالت على احد قواعد الموتور فعصته وحسيت كده انه اتقطم فلما رفعو المكنة تاني رجعت القاعدة دي مكانها بس للاسف مشفتهاش ان كانت سليمة ولا اتقطعت ولا حصل فيها حاجة .

جزاك الله خير لردك ومتابعتك

الكشف على القواعد لو كانت الرجة اثناء الدوارة والحركة انما مش بتظهر معاه فى غيارين هتبقى المشكلة من طقم الدبرياج.

شكرا يا استاذ احمد على متابعتك وجزاك الله خير

هكشف على القواعد الاول واشوف يارب يكون العيب منها

الرجة مع الغيارات لو ممكن تتخيل معايا اما بتكون بسبب الديسك لانه مش بيبقى حاكم كويس على الاسطوانة اثناء الفصل فيحصل تفويت او زحلقة نتيجة لان الاسطوانة مش بتبقى متبعة على ترس الفيلام .. او بتكون بسبب قواعد لان الرجة عنده صحيح على غيارين بس لكن لو لاحظت انهم الغيارين اللى دايما عليهم الحرق فى اى عربية .. يعنى لو ماشى تالت و هديت بتجيب التانى و تحرق علشان ترجع لسرعتك مرة تانية او لو هديت على الرابع حاتنزل غيار للتالت و تحرق .. او لو طلعت على الاول و جيبت التانى فالمعظم بيحرق شوية علشان يجيب سرعة التالت ..ولو الديسك مش حاكم كويس حاتحصل الزحلقة اللى كنت باقول عليها او لو القواعد مقطوعة او طرية الموتور بيتحرك من مكانه نتيجة العزم بتاعه و بتحصل الرجة .. انما لو العيب اسطوانة فمش حيحصل رجة اللى حايحصل ان العربية مش حاتسحب .. و لو عيب بلية دبرياج فدى حاتعمل الصوت بتاع الخروشة اللى كلنا عارفينة

تحليل ممتاز وشكرا لردك ثاني ولمتابعتك
جزاك الله خير للمتابعة

وكنت عايز اقول لصاحب المشكلة برضو جرب كده متنقلش من الاول للتانى على طول يعنى بعد الاول مور وبعد كده دوسة بنزين وانقل للتانى وهكذا للتالت وقولى ايه النتيجة معاك.

شكرا يا باشا على الاقتراح ده هجرب واقول لحضرتك ان شاء الله

بس انهارده الصبح وانا بدور العربية بتدور وكله تمام ومفيش اي رجة بس لقيت العربية كده زي ما تكون متلته في تقطيعة من الشكمان لكن لو زوت بنزين التقطيعة دي بتورح نهائيا

الميكانيكي كان موطي السلانسية جامد (( للاسف معنديش عداد ار بي ام )) فمعرفش اذا كان واطي ولا لا بس صوت الموتور بيكون واطي ومفيش فيه اي رعشة

رحت انا جايب مفك وعليت السلانسية لحد ما التقطيعة دي راحت ولما مشيت بالعربية حسيت ان الرعشة اللي كنت بحكي عليها فوق قلت كتير ويمكن تكون انعدمت

عموما مبدأيا هكشف على القواعد ممكن يكون فيها حاجة وبعد كده الدسك بس انا حاسس ان الرعشة خفت بعد ما عليت السلانسية

[firstgenral]

متابع لنفس المشكلة ومن الزقازيق بردو
ياريت حضرتك تبلغنا عند الاصلاح

[kasten]

متـــــــــابع