منظف البساتم اللي بتحط مع البنزين؟

[FASTER]

عندي العربية أحيانا بتنتش في السلانسيه راجعت علي دائرة الكهرباء وغيرت بوجيهات وبرده العيب موجود نصحني ميكانيكي أني أجيب حاجة أسمها cleanerبيتحط مع البنزين وفي مشوار يكون طويل وقاللي أنه بينظف الكربون اللي بيكون علي البساتم وبينظف أيضا الرشاشات .
أيه رأيكوا في الكلام ده ؟؟؟؟؟؟؟؟؟؟؟؟؟؟؟؟؟؟

[moudy2002]

بص يا باشا الى قصدك علية اسمة منظف رشاشات وهتلاقية فى اغلب محطات البنزين
انا عن نفسى لسة حطه امبارح من بنزينة موبيل . وبالمرة غيرت بنزين من 90 الى 92
انا حطيتة من هنا والعربية بقيت زى الفل .. سحبها كويس وصوت الموتور بقى انعم من الاول كتير
على عموم حضرتك ممكن تجرب مش هتخسر حاجة سعر المنظف حوالى 18 جنية من موبيل وحضرتك تحتة على نص التنك وبعدين تفول ونتشوف النتيجة اية ...
اخوك
محمد

[FASTER]

شكرا لردك السريع يا محمد باشا بس كان ليا أستفسارين يعني ايه احطه علي نص التنك وبعدين أفول هو لازم يتحط علي كمية بنزين معينة؟
وهل لازم أحطه وبعدين أسافر بالعربية علشان التنظيف يكون علي اكمل وجه؟
وشكرا جزيلا

[eng_mkhalaf]

هو مش وحش بس متكترشى منة يعنى كل 8 -10إلف كيلو كويس خالص وفى أنواع كتير غير موبيل زى Stp ,وغيرة

[moudy2002]

انا قصدى حضرتك تحت منظف الانجيكشن لما يكون التنك فى النص مش مفول علشان تقدر تستفيد من المنظف دة. وبعدين تفول العربية فول تنك وتمشى
دية احسن طريقة انا اعرفها وعملت معايا نتيجة .
مش لازم سفر ولا حاجة امشى بيها عادى . بس حاول متفولش تانى الا لما تخلص التنك الى محطوط فية المنظف علشان تستفيد منه قدر الامكان . يعنى لما تحس ان التانك بقى فية 10 لتر ولا حاجة فول تانى وان إن شاء الله تظبط معاك .

[FASTER]

الف شكر وجزاك الله كل خير وأنشاء الله أجربه ونشوف النتيجة