العربية بتدرفت منى فى الملفات ؟؟!!!

[SiGmAa]

كل اما اجى اخد ملف على الضيق شوية(يعنى طبيعى مش على الواسع ) وبسرعة لا تتعدى ال 30 -40كم العربية بتعمل دريفت جامد اوى (بتعوم من ورا) وبترد تانى على طوول لوحدها وبسمع صوت الكاوتش بيفرك فى الارض اكنى بعمل دريفت بالظبط بس غصب عنى مش بمزاجى والموضوع دة بيحصل اما اكون دايس بنزين وانا بلف انما لو ممور مابيحصلش حاجة او اما اخد الملف على واسع اوووووى مابحصلش حاجة برضو دة عيب اية ؟؟!!
ممكن يكون عيب مساعدين ؟؟! مع انى لسة مغيرهم من شهرين وجايب مساعدين بتوع نص نقل يابانى مش فاكر اسمهم بس لسة جداد وناشفييين جدا لدرجة انى لو محمل خمسة ورا العربية مابتنزلش الا حاجات بسيطة اوى
ممكن يكون دة العيب عشان ناشفين كدة مابيخدووش ويدو معايا فى الملفات ؟؟!! ولا اية بالظبط
ومعلش سؤال تانى فى فى طريقى كوبرى فى الطلعة بتاعتو حتة مكسرة كدة شبة مطب بس على صغير اما باخد الحتة دى بسرعة بحس ان العربية بتنط من ورا (بتنط بمعنى الكلمة ) بحس للحظات كدة انى ماشى بالعجل اللى قدام بس وبحسها فى صوت الموتور بيعلى كدة للحظات مع انى مابزودش ياترى دة عيب اية برضو ؟؟! معلش اسف طولت عليكو بس دة عشمى فى منتدى رائع زى دة

[ahmed_moeaz]

وجايب مساعدين بتوع نص نقل يابانى مش فاكر اسمهم بس لسة جداد وناشفييين جدا لدرجة انى لو محمل خمسة ورا العربية مابتنزلش الا حاجات بسيطة اوى

ممكن يكون العيب منهم فعلاً ويكونوا رافعين ومبيريحوش ودى تعوملك العربية من ورا ، خصوصاً ان زى مبتقول مبتاخد مطب كان العربية بتنط كان بالظبت مفيش مساعدين لامتصاص الاهتزاز فانت شوف لو مركب سوست او رافع العربية او المساعدين دول مينفعوش يركبوا عندك لانك كده بتأزى العربية من كل النواحى شاسية وعفشة والجر وكل العربية

[SiGmAa]

ممكن يكون العيب منهم فعلاً ويكونوا رافعين ومبيريحوش ودى تعوملك العربية من ورا ، خصوصاً ان زى مبتقول مبتاخد مطب كان العربية بتنط كان بالظبت مفيش مساعدين لامتصاص الاهتزاز فانت شوف لو مركب سوست او رافع العربية او المساعدين دول مينفعوش يركبوا عندك لانك كده بتأزى العربية من كل النواحى شاسية وعفشة والجر وكل العربية

اولا الف شكر ياباشا على الرد ثانيا انا فعلا اول ماشتريت المساعدين كانو اوطى شوية من الاصلى ف الراجل ركبلى علايات بتاع 2-3 سم وبقت اعلى من الاصلية شوية حتى انا لاقيتها عالية اوى قولتلو لا وطيها شوية قالى لا دة كل ماتعلى تديك ثبات اكتر مارضيتش اقاوح معاة واول ماركبهم جيت اجربهم انى ادوس على الشنطة واشوف المساعد بياخد ويدى معايا ولا لأ لاقيتو خشن جدا وقولت للراجل دة ناشف اووى قالى ماهو كدة احسن وبعدين حيريح منك مع الاستعمال وللاسف ماريحش حتى الان فلو عيب مساعدين فعلا الاقى نوع تانى لعربيتى يكون طرى شوية عشان مش لاقى بتوعها او اوفقلها جوز مساعدين مع العلم المساعدين اللى عندى اللى هما حلقتين واحدة فوق وواحدة تحت ؟؟!

[ahmed_moeaz]

منا قولتلك لو مركب سوست هيكون العيب منهم ، هما فعلاً ممكن يريحوا معاك بس ده على حسب استخدامك انت وعدد الركاب معاك ومدة ركوبهم معاك انما لو سبتها كده استحالة هتريح
طيب ممكن كحل مؤقت يخليه يوطيلك السوست دى شوية لانه كده زى ميكون لاغى المساعدين بالظبت "مفرودين على طول" فاحنا منقدرش نحكم على المساعدين ولو العربية مظبتتش معاك خليه يشيل السوست خالص وجرب كده وربنا يوفقك

[waelfarid]

انت لما نشفتها قوي بقت زي العربية الكارو بدون سوست لو العربية فاضية وبتجري في مطبات حتلاقيها بتتنطط دي عايزة تكون دايما محمل وسايق بتعقل لحد ما تريح وعذرا وعفوا علي التشبيه بس دي الحقيقة وفي الغالب موديل عربيتك عندك السوست الخلفية ورقية زي البولونيز وال125 فميزة السوست الورقية ان الاحتكاك بينها وبين بعضها بيقوم بعمل المساعدين كخامد للاهتزازة بالاضافة لكونها سوستة ولو حضرتك شفت العربية الحنطور حتلاقيها بسوست ورقية دوبل امام وخلف بدون مساعدين لرفاهية وراحة الركاب الحل ان سيادتك تشيل ورقة سوستة من الجنبين او تحط مساعدين اضعف شوية علي الوضع ده والحتة بتاعة كلما زاد العلو ثبتت ده غلط لان مركز ثقل العربية حيعلي ويقل اتزانها في الملفات بس الميزة الوحيدة انها مش حتاكل مطبات وخالص تحياتي

[kasten]

انت لما نشفتها قوي بقت زي العربية الكارو بدون سوست لو العربية فاضية وبتجري في مطبات حتلاقيها بتتنطط دي عايزة تكون دايما محمل وسايق بتعقل لحد ما تريح وعذرا وعفوا علي التشبيه بس دي الحقيقة وفي الغالب موديل عربيتك عندك السوست الخلفية ورقية زي البولونيز وال125 فميزة السوست الورقية ان الاحتكاك بينها وبين بعضها بيقوم بعمل المساعدين كخامد للاهتزازة بالاضافة لكونها سوستة ولو حضرتك شفت العربية الحنطور حتلاقيها بسوست ورقية دوبل امام وخلف بدون مساعدين لرفاهية وراحة الركاب الحل ان سيادتك تشيل ورقة سوستة من الجنبين او تحط مساعدين اضعف شوية علي الوضع ده والحتة بتاعة كلما زاد العلو ثبتت ده غلط لان مركز ثقل العربية حيعلي ويقل اتزانها في الملفات بس الميزة الوحيدة انها مش حتاكل مطبات وخالص تحياتي

+11111111111111111

[Eng_Mostafa_89]

جرب وطى العربية شوية وشوف لان الارتفاع الزيادة عن اللزوم دة هو اللى يعمل كدة

[gazzar91]

الراجل ركبلى علايات بتاع 2-3 سم وبقت اعلى من الاصلية شوية حتى انا لاقيتها عالية اوى قولتلو لا وطيها شوية قالى لا دة كل ماتعلى تديك ثبات اكتر

ده صنايعي خنتاريش و بيعيش!!!
إزاي لما تعلى تثبت.. من إمتى يعني؟؟؟.... إن شاء الله يدخل التوبيك حد من اللي دارسين Aero-dynamics يشوفولك الموضوع ده...
في رعاية الله...

[SiGmAa]

انت لما نشفتها قوي بقت زي العربية الكارو بدون سوست لو العربية فاضية وبتجري في مطبات حتلاقيها بتتنطط دي عايزة تكون دايما محمل وسايق بتعقل لحد ما تريح وعذرا وعفوا علي التشبيه بس دي الحقيقة وفي الغالب موديل عربيتك عندك السوست الخلفية ورقية زي البولونيز وال125 فميزة السوست الورقية ان الاحتكاك بينها وبين بعضها بيقوم بعمل المساعدين كخامد للاهتزازة بالاضافة لكونها سوستة ولو حضرتك شفت العربية الحنطور حتلاقيها بسوست ورقية دوبل امام وخلف بدون مساعدين لرفاهية وراحة الركاب الحل ان سيادتك تشيل ورقة سوستة من الجنبين او تحط مساعدين اضعف شوية علي الوضع ده والحتة بتاعة كلما زاد العلو ثبتت ده غلط لان مركز ثقل العربية حيعلي ويقل اتزانها في الملفات بس الميزة الوحيدة انها مش حتاكل مطبات وخالص تحياتي

الله ينور عليك بس اعرف ازاى اذا كانت على سوست ورقية ولا لا ولو مش على سوست ورقية تبقى على اية ؟! عشان مش عايز اروح للراجل دة تانى ويشتغلنى عايز اروح اقولو اعملى كزا كزا كزا

[gazzar91]

الله ينور عليك بس اعرف ازاى اذا كانت على سوست ورقية ولا لا ولو مش على سوست ورقية تبقى على اية ؟! عشان مش عايز اروح للراجل دة تانى ويشتغلنى عايز اروح اقولو اعملى كزا كزا كزا

السوستة الورقية أو قنطرة السوستة أو النابض الصفائحي أو Leaf spring
بتبقى موجوده بالشكل ده و متعلق فيها الدفرنسيه (Live Axle)

أرجو أكون أفدت حضرتك.. والله أعلم...
في رعاية الله..

[waelfarid]

والله يا عم جزار انت 100 100شرحت فوفيت الصورة تغني عن اي كلام