التزوير فى العداد هل يمكن اكتشافة

[elgentel]

صباح الفل على الكل

قدامى عربية فيرنا 2006 عاملة 31000 كيلو بس حالتها من برة و من جوة تقول انها عاملة اكتر من كدة بكتير
فهل لو اخدتها التوكيل ممكن يكتشفو ان صاحبها صفر العداد
او ان اهلاك الماتور لا يناسب عدد الكيلو مترات
او اى حسب تانية تاكد او تنفى اللعب فى العداد
او لو حد عندة طريقة تانية يا ريت يقولى
لانى عاوز عربية مش ماشية كتير و خايف اتدبس

و هل فى التوكيل -فيرنا- بيكشفو على كل حاجة
موتور
عفشة
صاج
تكيف
كل حاجة ولا سلق بيض
يعنى الواحد لو دفع المبلغ المطلوب فى الكشف وقالو تمام يشيل و يطمن
ولا ارفعها فى بنزينة
انا بمشى بالمثل اللى بيقول ادى العيش لخبازة لو اكل نصة
بس المثل د من زمان دلوقى حتى لو اديت العيش لخبازة يطلع غبور و ياكله كله

ياريت خبراتكم فى الكام نقطة دول

[lanos_power]

بص و الله انا هقولك على حاجة
بالنسبة ان فى مراكز تشكفلك على العربية فطبعا فى مراكز تعمل كدة و بتديك تقرير كامل عن حالة الموتور و العفشة و كل حاجة بس انا هقولك على حاجة انت ممكن شكك يكون صح و ممكن لا لان فى ناس مش محافظ العربية بتتبهدل معاهم بشكل كبير فى فترة قليلة جدا بس برضة هقولك فى حالة ان الواحد لما يشترى عربية مستعملة لازم يشك فى اخوة مش اللى بيبعلة العربية و التجارب مع الناس اللى هنا فى المنتدى كتيرة


________________________

يرجى مراعاة الدقه فى كتابة لفظ الجلاله بشكل صحيح


مشرف الورشه

[m_mekkawy]

وممكن تكون مغيره كمبيوتر لان العدادات اللى بتقرا الكيلو متر دجيتال بتكون متخزنه على كمبيوتر العربيه مش فى العداد
وممكن يكون صاحبها مهمل برضه بس الأرجح الكمبيوتر متغير

[mrsailor]

صباح الفل على الكل

قدامى عربية فيرنا 2006 عاملة 31000 كيلو بس حالتها من برة و من جوة تقول انها عاملة اكتر من كدة بكتير
فهل لو اخدتها التوكيل ممكن يكتشفو ان صاحبها صفر العداد
او ان اهلاك الماتور لا يناسب عدد الكيلو مترات
او اى حسب تانية تاكد او تنفى اللعب فى العداد
او لو حد عندة طريقة تانية يا ريت يقولى
لانى عاوز عربية مش ماشية كتير و خايف اتدبس

و هل فى التوكيل -فيرنا- بيكشفو على كل حاجة
موتور
عفشة
صاج
تكيف
كل حاجة ولا سلق بيض
يعنى الواحد لو دفع المبلغ المطلوب فى الكشف وقالو تمام يشيل و يطمن
ولا ارفعها فى بنزينة
انا بمشى بالمثل اللى بيقول ادى العيش لخبازة لو اكل نصة
بس المثل د من زمان دلوقى حتى لو اديت العيش لخبازة يطلع غبور و ياكله كله

ياريت خبراتكم فى الكام نقطة دول

روح اكشف على كبس الموتور .. هو ده الفيصل .. لانه مؤشر كويس للعربية عاملة كام كيلو .. يعنى لو الموتور طلع مثلا 65% حاتبقى عاملة مش اقل من 150000كم .. ده بفرض الاستخدام العادى .. و احسبها نسبة و تناسب .. و حتى لو العداد سليم و هو مبهدلها على الاقل حا تطمن على حالة الموتور

[elgentel]

شككككككراااااااااااااااااااا

[Eng_Nissan]

هو مفيهاش حاجه مباشره بالظبط تقدر تحددلك العداد اتلعب فيه ولا لأ , بس زي ما الرجاله قالت بتبص على الحاله العامه للعربيه و اهمها كبس الموتور طبعا , اما على قصة العداد ففي حاجه بس مش اكيد 100% ان الفني يبص عالعداد وممكن يعرف اذا كان اتفك ولا لأ من حالة مسمار مثلا انه ملعوب فيه او او .

[mdfd5]

صعب انك تعرف ان العداد اتلعب فيه ولا لأ
لأنه ممكن يفصل سلك السرعة من الفتيس فالعداد مش هيعد
في ناس بتعمل كده في العربيات الجديدة عشان لما تتباع تجيب سعر حلو

[samirayad]

صعب انك تعرف ان العداد اتلعب فيه ولا لأ
لأنه ممكن يفصل سلك السرعة من الفتيس فالعداد مش هيعد
في ناس بتعمل كده في العربيات الجديدة عشان لما تتباع تجيب سعر حلو

فعلا ده اللى بيتم

وأختبار الكبس هو اللى بيبين وضع المكنه صح

وللأخ : صاحب التوبيك

متفرحش بالموديل ولا بأنخفاض السعر المطروح للعربيه

قدامى عربية فيرنا 2006 عاملة 31000 كيلو بس حالتها من برة و من جوة تقول انها عاملة اكتر من كدة بكتير

وأكشف عليها كويس وبراحتك

علشان من الممكن أن تكون العربيه دى كانت بتطلع أيجار

وحالتها بالبلاء

وتبص تلاقى نفسك رميت فلوسك على الأرض

فالتروى والكشف الصح ( على كل حاجه )

مطلوب فى حالة شراء المستعمل

ومتستعجلش وتقول على حاجه أنها فرصه ( علشان موديل ورخيصه )

فالعربيه حاله ..........مش موديل

فلن يصيبك إلا نصيبك

فخد راحتك ونقى صح

وأصرف صح وقت النقاوه

تاخد عربيه أستعمال آخر حلاوه

[elgentel]

شكرا للاخوة اللى جاوبونى
فعلا لازم الواحد يتروى

بس ممكن مادام الحل الوحيد اسمة كابس الماتور

بس انا معرفش بيتعمل ازاى او فيين على فكرة انا من اسكندرية
هل الكبس د بيتعمل فى البنزينة ام فى التوكيل
و هل هو زى كشف الكمبيوتر العادى ولا لا

بكدة اكيد الاجابة هاتكتمل و اللى هاتقولو علية هاعملة على طول
انا كنت فاكر هاكشف بالكمبيوتر و تبقى المواضيع خلصت

[aYaBooY]

روح اكشف على كبس الموتور .. هو ده الفيصل .. لانه مؤشر كويس للعربية عاملة كام كيلو .. يعنى لو الموتور طلع مثلا 65% حاتبقى عاملة مش اقل من 150000كم .. ده بفرض الاستخدام العادى .. و احسبها نسبة و تناسب .. و حتى لو العداد سليم و هو مبهدلها على الاقل حا تطمن على حالة الموتور

اولا شكل العربية مهم جدا يعني عربية بالمواصفات بتاعتك موتورها مغيرش زيت غير 3 مرات و كبسة لا يقل عن كبس الزيرو 16 مليبار او ممكن نتسامح شوية و نقول 15 مليبار او بلغة اخرى لا يقل عن 87 % و ده علشان العربية ديه بالرقم ده متحركتش
ثانيا العربية ماشية مسافة قليلة في مدة طويلة يبقي الفرش بتاع كرسي السواق الاصلى و يكون بحالة ممتازة يعني مش مريح من النص
ثالثا الطارة بتاعت الدركسيون المفروض شكلها يكون زي الزيرو و ميكنش فيها اي حتة مبصمة و خصوصا الحتت بتاعت الكلاكس

شكرا للاخوة اللى جاوبونى
فعلا لازم الواحد يتروى

بس ممكن مادام الحل الوحيد اسمة كابس الماتور

بس انا معرفش بيتعمل ازاى او فيين على فكرة انا من اسكندرية
هل الكبس د بيتعمل فى البنزينة ام فى التوكيل
و هل هو زى كشف الكمبيوتر العادى ولا لا

بكدة اكيد الاجابة هاتكتمل و اللى هاتقولو علية هاعملة على طول
انا كنت فاكر هاكشف بالكمبيوتر و تبقى المواضيع خلصت

المفروض لما تروح التوكيل تلاقي سجل للعربية من يوم ما طلعت لحد النهارده و متسجل كل صيانة كانت يوم كام عند كام الف كم

صباح الفل على الكل

قدامى عربية فيرنا 2006 عاملة 31000 كيلو بس حالتها [gdwl]من برة و من جوة تقول انها عاملة اكتر من كدة بكتير [/gdwl]

طبعا مع الكلام الي قلتة و الكلمة بتاعتك رد كافي
رابعا نصيحة تمن الفيرنا و اللانوس متقارب جدا انصحك باللانوس و ابعد عن الهيونداى

[د.محمود صلاح]

للأسف لا يمكن اكتشافه تأكيداً وربنا يرحمنا من اصحاب الضمائر الخربانة