العربيه بتدور واما اجي ابطلها ما تدورش تاني

[drhegab]

عندي مشكله رخمه قوي
انا بدور العربيه اخرج بيها لو بطلت ما تدورش تاني وشوفت السيلك اللى طالع من البوبينه داخل على الاسبراتير لاقيته مش بيطلع شراره واسيبها شويه وبعدين ادور تاني تشتغل يعني بحالات جيت اروح للميكانيكا وقولته على اللى حصل قالى بطل العربيه كدا شوفها هتدور ولا لأ لاقيتها دارت والمره دي ما بطلعتش والميكانيكي معرفش السبب فين ؟
ف انا مش عارف موضوع تعليقة الكهربه دا من ايه ؟
العربيه فليشيا 99

[samirayad]

وشوفت السيلك اللى طالع من البوبينه داخل على الاسبراتير لاقيته مش بيطلع شراره

لو مش بيطلع شراره وأنت بتدى مارش

يبقى العيب بوبينا بتسخن منك

فلما تعمل كده تانى معاك وتعاكسك فى الدواره

حاول تبرد البوبينا بفوطه مبلوله ومعصوره

لو دارت فور تبريد البوبينا

يبقى أشتريلك بوبينا تانيه وأنت مطمن

[ahmed_h_g]

موبينه أنا قولت كده برضه

[drhegab]

طيب هو ممكن يكون من السيلك اللى بيوصل بين الموبينه والاسبراتير ممكن السلك دا يعمل كدا؟

[samirayad]

هو الموضوع شبه محسوم

أنه عيب بوبينا

عموما مش حتخسر كتير أوى

غيرلك طقم سلوك الأول وجرب

جايز تكون نهايات السلك ده مش مظبوطه وملمسه فقط مع السلك

[drhegab]

يعني الموضوع دا فعلا بيتكرر مع عيوب البوبينا
لاني كل اما اشيل السلك واحطه تاني بتدور على طول بعديها
وهيا البوبينا بتاعت الفليشيا بكام؟
وشكرا جدا والله لاهتمام حضرتك

[samirayad]

لاني كل اما اشيل السلك واحطه تاني بتدور على طول بعديها

أنت كده شككتنى فى السلك الواصل من البوبينا للأسبراتير

معلش تعالى على نفسك شويه

وغير طقم كابلات الأول

حتلاقيهم مش غاليين قوى

بتاع 50 ج بكتيره

وخللى البوبينا على جنب حاليا

لو تغيير الكابلات مجبش نتيجه

وكويس أوى كده على العربيه الكابلات اللى فيها

11 سنه