صوت نقر

[gbgeorge]

ياجماعة انا عندى فيات 132 باسمع صوت نقر و خبط زى صوت صاج فى بعضة ناحية العجلة اليمين و الصوت بيبقى مسموع لما العربية تمش فى طريق غير مستوى لكن لو فية حد قاعد معايا فى الكرسى الامامى بجوار السائق الصوت بيروح شوية ياترى اية سبب المشكلة دى مع العلم انى مغير العفشة كلها من شهرين

[samirayad]

روح للعفشجى تانى

يطمن على الرنجات الكاوتش اللى بتبقى تحت وأسفل سوست التعليق

لاتكون واحده وقعت أو أنقطعت أو مش راكبه أساسا

وبرضه يراجع على تثبيت الركبه من داخل حوض العربيه بمساميرها المخصصه للتثبيت

[gbgeorge]

الكاوتشة موجودة انا شوفتها بس الركبة دى بتكون فين فى العربية ووضيفتها اية

[gbgeorge]

يابشمهندس سمير اية الحل

[mohamed9999]

ياجماعة انا عندى فيات 132 باسمع صوت نقر و خبط زى صوت صاج فى بعضة ناحية العجلة اليمين و الصوت بيبقى مسموع لما العربية تمش فى طريق غير مستوى لكن لو فية حد قاعد معايا فى الكرسى الامامى بجوار السائق الصوت بيروح شوية ياترى اية سبب المشكلة دى مع العلم انى مغير العفشة كلها من شهرين

نفس الصوت عندى فى الفيات 128

[gbgeorge]

طيب اية الحل و المشكلة دى سببها اية

[samirayad]

مع العلم انى مغير العفشة كلها من شهرين

طيب أيه اللى غيرته فى العفشه

وهل غيرت بيض الدركسيون وغيرت المقصات بالبيض بتاعها

[gbgeorge]

غيرت بيض الدركسيون وبيض المقصات كلها و التيش

[samirayad]

وبرضه يراجع على تثبيت الركبه من داخل حوض العربيه بمساميرها المخصصه للتثبيت

لما تفتح الكبوت

حتشوف مكان رباط البطاحات على الكرتيرات

[gbgeorge]

يعنى المشكلة من البطاحات ولو كدة اية الحل واعرف منين