إعـــــــلان

Collapse

.

,
See more
See less

مشكلة مع بيجو

Collapse
X
 
  • Filter
  • الوقت
  • Show
Clear All
new posts

  • مشكلة مع بيجو

    السلام عليكم
    انا معايا بيجو 206 موديل 2001 و عندى مشكلة غريبة شوية و هى ان جزء من الشكمان محتاج يتغير و بيسموه (زور الشكمان) المهم الجزء ده مش موجود فى مركز الخدمة اللى فى الأسكندرية او حتى اللى فى القاهرة ..المهم قاللى هنبعت نجيب الجزء ده من فرنسا على اساس ان فيه شحنة قطع غيار هتييجى من فرنسا فيجيبوا الجزء ده معاها .. الكلام ده كان يوم 2 سبتمبر 2007 و لحد النهاردة مفيش اى حاجة وصلت .. شهرين و نص و مفيش حاجة وصلت ..و لما بروح مركز الخدمة بيحلفولى ان هم بلغوا الطلبية للقاهرة و المفروض ان القاهرة بلغت فرنسا و التأخير من فرنسا لسبب لا يعلمه إلا الله و محدش فى ايده حاجة يعملها
    فقلت انا لازم اتصرف لإنى كنت خلاص زهقت دخلت على موقع بيجو و بعت شكوى ليهم بالقصة كاملة ..الكلام ده كان يوم 4 فبراير 2008
    و كان الرد طبعآ انهم بيستنكروا المشكلة دى و انهم هيشوفوا حل للموضوع ده و طلبوا رقم الشاسيه و شوية بيانات عن العربية ة بالفعل بعتلهم كل حاجة و كمان رقم تليفونى
    و الرد كان طبعآ فى اوله الدباغة البايخة اللى هى شكرآ لثقتكم و كلام فاضى كده و قالوللى انهم هيخلوا حد من خدمة العملاء فى مصر يكلمنى و عشان يفهم الموضوع أكتر و يقدر يحل المشكلة و الكلام ده كان يوم 6 فبراير
    و لحد دلوقتى محدش عبرنى بأى تليفون و لا حتى email.. رحت باعت تانى لبيجو و قولتلهم ان محدش أتصل بى و مركز الصيانة هنا بيقولى ان هم مفيش فى ايديهم حاجة يعملوها و ردوا علي برد لا ينفع و لا يضر و ان بما معناه ( اصبر شوية صدعتنا )
    انا خلاص زهقت تمامآ و بقيت مش عايز اسوق العربية لإن صوتها عالى و سحبها تعبان و بتطلع اصوات غريبة

    و المشكلة ان الناس فى مركز الصيانة ناس محترمة و مؤدبين جدآ و علاقتنا بيهم كويسة و فعلآ واضح ان هم مش عارفين يعملوا حاجة و بيحلفوا ان عندهم عربيات واقفة تمامآ فى انتظار قطع الغيار و لحد دلوقتى مفيش حاجة وصلت

    و على فكرة انا رحت بالعربية لمركز المأمون اللى فى ازريطة و قاللى انا معنديش حد بتاع شكمانات و قاللى بلاش توديها لحد بره عشان ممكن يبوظلك حاجة تانية و خليك ورا التوكيل و البالمناسبة انا دافع 450 جنيه تحت الحساب عشان محدش يقول انى بطلب حاجة مش دافع جزء من تمنها

    أنا آسف على الإطالة بس لو حد عنده حل للموضوع ده يقوللى أكلم مين؟ و لا أعمل إيه؟؟ يا ريت تلحقونى من القرف ده

    و شكرآ جزيلآ

    ...................
    تم النقل
    الإدارة -3
    [B]عمرو مختار[/B]
    [CENTER]
    [/CENTER]

  • #2
    اسف علي الرد .. العربيه موديل 2001 و قدمت .. يعني مافيش ضمان و لا بتاع .. خد العربيه و عند اي حد بتاع هيدرز و الكلام ده يعملك الشكمان من الاول للاخر .. استني مع مركز الخدمه 10 سنين كمان و محدش هايتصل بيك و لو قعدت سنه كمان ..
    احسن حاجه .. شوف احسن واحد بتاع شكمانات و هيرز و الكلام ده .. و اقف فوق دماغه و هوه بيعمل العربيه .. و اقرفه قولله حاسب و اوعي العربيه و عيش عليه .. مش عيب .. بس تاخد حاجه صح .. و يا سلام لو حل القديمه و عمل زيها بره و رجع ركبها ..
    و ارجع التوكيل و قولهم هاتو فلوسي مش عاوز منكم حاجه .. ده الحل ..

    Comment


    • #3
      المشاركة الأصلية كتبت بواسطة Xpert مشاهدة المشاركة
      اسف علي الرد .. العربيه موديل 2001 و قدمت .. يعني مافيش ضمان و لا بتاع .. خد العربيه و عند اي حد بتاع هيدرز و الكلام ده يعملك الشكمان من الاول للاخر .. استني مع مركز الخدمه 10 سنين كمان و محدش هايتصل بيك و لو قعدت سنه كمان ..
      احسن حاجه .. شوف احسن واحد بتاع شكمانات و هيرز و الكلام ده .. و اقف فوق دماغه و هوه بيعمل العربيه .. و اقرفه قولله حاسب و اوعي العربيه و عيش عليه .. مش عيب .. بس تاخد حاجه صح .. و يا سلام لو حل القديمه و عمل زيها بره و رجع ركبها ..
      و ارجع التوكيل و قولهم هاتو فلوسي مش عاوز منكم حاجه .. ده الحل ..
      +111111111111111111111

      Comment


      • #4
        انا هستنى لحد نهاية الأسبوع ده لو مفيش اى حاجة حصلت هشوف حد يخرط الجزء ده و خلاص

        لو حد يعرف ورشة خراطة محترمة و موثوق فيها فى الأسكندرية يا ريت يقوللى

        و فى انتظار المزيد من الردود
        [B]عمرو مختار[/B]
        [CENTER]
        [/CENTER]

        Comment


        • #5
          طب ما تجرب تشوف القطعه ديعند تجار قطع غيار الاستعمل ممكن تكون عندهم

          Comment


          • #6
            انا مع حازم برده ماتجيبها استيراد و تريح دماغك يا اما هتروح لحد بتاع شكمنات و يفصلك لجزء الي انت عايزه

            Comment


            • #7
              المشاركة الأصلية كتبت بواسطة hazem_khidr مشاهدة المشاركة
              طب ما تجرب تشوف القطعه ديعند تجار قطع غيار الاستعمل ممكن تكون عندهم
              رحت فعلآ صلاح الدين عندنا و هى مركز قطع الغيار فى الأسكندرية فيها الجديد و الإستعمال و ملقتش ولا حاجة ليها
              مشكلة العربية دى ان مفيش ليها حاجات كتير فى السوق خصوصآ الميكانيكا بتاعتها

              بس هو خلاص الحل بتاع التفصيل ده أعتقد هو اللى كويس و ان شاء الله قريب هروح أعمله

              الواحد محبط جدآ من رد بيجو فرنسا كنت متخيل رد أكثر إيجابيآ من كده و حل فورى للمشكلة بس واضح انهم مش مهتمين خالص
              [B]عمرو مختار[/B]
              [CENTER]
              [/CENTER]

              Comment


              • #8
                كنت عايز اعرف الخراطة دى هتاخد وقت اد إيه؟
                [B]عمرو مختار[/B]
                [CENTER]
                [/CENTER]

                Comment


                • #9
                  ياعمى انزل بورسعيد هتلاقى كل حاجه او الحرفين

                  Comment


                  • #10
                    لاء صعب حد يفكها من علي مكنه .. هوه الحل زي ما قلتلك كده ..و مافيش مانع تعملك هيدرز كامل ... بس خد بالك حاجه افتكترها برضه .. اتاكد ان عندك حساس شكمان ولا لاء .. لو عندك حساس خد بالك احسن يروح كده ولا كده .. و اوعي بتاع الشكمان يكسره .. و خيه يركبه مكانه و اتاكد انه موصول زي الاول .. و نظف الفيشه بتاعته و ركبه تاني ..
                    حد بتاع شكمان فاهم .. مش كفتجي ..

                    Comment


                    • #11
                      الحمد لله رحت عملتها عند واحد معرفة و بقت تمام اوى و رجعت زى الأول

                      ألف شكر على الردود
                      [B]عمرو مختار[/B]
                      [CENTER]
                      [/CENTER]

                      Comment


                      • #12
                        بركه ... العفو يا حج و خللي بالك عشان عربيتك عيب فيها قطع الغيار مش متوفره قوي ..

                        Comment

                        Working...
                        X