الموتور عندي مبخر !!!

[gomangy]

من كام يوم كده لقيت العربيه عماله تسقف جامد رحت للميكانيكي لاقها ماشيه بتلات بوجيهات بس والبوجية مسود جامد وعلية زيت فقلي المكنه خفيفه
المهم ركب البوجيه والعربيه بقت نوعا ما كويسه وقالي خلي خرطوم العمه ده من بره عشان ميكتمش العربيه ووديتها امبارح للميكانيكي بتاعي قالي سيبها احنا هنعملها شنبر
فكنت عايز اهل الخبره يدلوني هي كده فعلا عايزه شنبر ؟؟
العربيه لادا 2105 موديل 95
وشكرا واسف علي الاطاله

[m_mekkawy]

كلام الميكانيكى صح
فعلا عايزه شمبر طالما بتنتر زيت ع البواجى
بس انت قدامك حل مسكن لو كانت الظروف مش سامحه انك تعمل عمره الوقتى
انك تركب بواجى سن قصير او تركب كرسى تحت البوجيه اللى بينتر زيت
بس ممكن تفتح فى حاجه تانيه متعملش كده الا اذا كنت متطر قوى

[khaled_sabry]

كلام الميكانيكى صح
فعلا عايزه شمبر طالما بتنتر زيت ع البواجى
بس انت قدامك حل مسكن لو كانت الظروف مش سامحه انك تعمل عمره الوقتى
انك تركب بواجى سن قصير او تركب كرسى تحت البوجيه اللى بينتر زيت
بس ممكن تفتح فى حاجه تانيه متعملش كده الا اذا كنت متطر قوى

كلام سليم
ده انتا عندك اوضح الاعراض لتلف الشنابر الشنابر

[gomangy]

مشكور جدا لمروركم واهتمامكم بموضوعي وجاري الان عمل شنبر للعربيه عند الميكانيكي
وده اللي الواحد متعود عليه من نايل موتورز

[khaled_sabry]

ابقى قولنا الاخبار واتكلفت كام

[samirayad]

متنساش تعمل روديه بالمره

وغير كاوتش الصباب

لأن ممكن يكون الزيت منه برضه

[gomangy]

انا الحمد لله اخدت العربيه امبارح من الميكانيكي
وما شاء الله اختلفت تمام في النعومه والاداء ونصحني اني مقرص علي العربيه قالي خليك حنين واخرك 60 لان انا مشواري تقريبا 30 كيلو متر يوميا من البيت للشغل
وقالي يومين كده ولا حاجه وابقي تعالي نظبط تاكيهات ونغيرلك طقم سرفيس للعربيه
وانا كده امشي بيها 100 كيلو ولا حاجه وهروح اغير زيتت وفلتر
هل في نصايح تانيه ممكن اقوم بيها ويشوروا عليا بيها اخواتنا في المنتدي اكون شاكر ليكوا جدا
وبالنسبه للتكلفه طلبات بحوالي 320 جنيه +150 مصنعيه بعد الفصال طبعا اجمالي 470 جندي