مشكلة فى وحدة الرفع الولف

[waleed_home]

انا ركبت جهاز انزار و وحدة رفع زجاج امامى من نوع ولف من حوالى شهرين وكانوا شغالين تمام .
المشكلة دلوقت انى لما بقفل السيارة من الريموت ويكون الزجاج مفتوح بيحصل الأتى :
1- السنتر بيقفل عادى
2-الزجاج بيبتدى يرفع للنهاية عادى
3- بمجرد ما الزجاج يترفع للنهاية تشتغل سارينة الإنزار كأن حد بيحاول يفتح العربية و يضىء الإنتظار

اما لو كان الزجاج مقفول من البداية قبل ما اقفل السيارة من الريموت ما بيحصلش حاجة من دى و الدنيا بتبقى طبيعية

يا ريت لو حد يقدر يفيدنى فى الحكاية دى وشكرا لجميع الإعضاء

[M.Zaher]

يبقى معنى كده ان وحدة الرفع مابتفصلش لما الازاز يوصل للاخر

[M.Mostafa80]

روح لحد يراجعلك التوصيلات فى فرده واصله غلط

[max_ziro]

عندى بردو نفس الانزار ووحدات الرفع لما بترفع الازاز بتعمل نفس الصوت كأن حد خبطها مثلا و دة عشان تنبهك ان الازاز كان مفتوح و اللع اعلم ..

[M.Mostafa80]

الأنذار بتاعى وولف ووحده الرفع بردو وولف وما بيعملوش كدا ربنا يستر عليهم هههههههههههههههههه
الظاهر انها فره
زى ما قلتلك التوصيلات فيها حاجه غلط
يأما بقى لو انت مركب زرار للشنطه او الكبوت ممكن يكونو علقو وهو اللى بيخليهم كدا
يأما انت بتبقى سايب نور الصالون مفتوح
او فى زرار من زراير النور بتاعت البيبان بايظه دعبس كويس وانت هتوصل

[waleed_home]

روح لحد يراجعلك التوصيلات فى فرده واصله غلط

التوصيلات ما اتغيرتش من ساعة ما ركبت الإنزار وكان كله تمام بدون مشاكل !

[tamer_a7]

انا عندي نفس الفيلم دا بالملي
القزاز يرفع وهب الانذار يديها ههههههههههههه
اه انا عندي مفتاح شنطه في الريموت

[M.Mostafa80]

التوصيلات ما اتغيرتش من ساعة ما ركبت الإنزار وكان كله تمام بدون مشاكل !

طيب ياريت تراجع على زرار الكبوت والأبواب الأول قبل ما تلعب فى اى اسلاك
انا زارار الكبوت عندى كان بيعمل التهييسه دى
لو تمام
يبقى ياريت تبص جوا وحده الأنذار نفسه هل فى مياه دخلت جواه مع الغسيل من غير ماتاخد بالك
او لوحده الرفع نفسها

[waleed_home]

طيب ياريت تراجع على زرار الكبوت والأبواب الأول قبل ما تلعب فى اى اسلاك
انا زارار الكبوت عندى كان بيعمل التهييسه دى
لو تمام
يبقى ياريت تبص جوا وحده الأنذار نفسه هل فى مياه دخلت جواه مع الغسيل من غير ماتاخد بالك
او لوحده الرفع نفسها

عملت كل حاجة ومافيش فايدة

[ahmedfra]

بص يا سيدى الموضوع ده حصل معايا فى اللانوس قبل كده . و المشكلة كلها حتتحل لو انت خفضت حساسية السنسور شوية . لأنك لما بتقفل بالريموت الأنذار بيشتغل و الزجاج لما بيخبط فى الأخر الأنذار بيضرب ، وطى السنسور و المشكلة إن شاء الله تتحل .

[waleed_home]

بص يا سيدى الموضوع ده حصل معايا فى اللانوس قبل كده . و المشكلة كلها حتتحل لو انت خفضت حساسية السنسور شوية . لأنك لما بتقفل بالريموت الأنذار بيشتغل و الزجاج لما بيخبط فى الأخر الأنذار بيضرب ، وطى السنسور و المشكلة إن شاء الله تتحل .

ان شاء الله اجرب و اقول لك النتيجة

[waleed_home]

بص يا سيدى الموضوع ده حصل معايا فى اللانوس قبل كده . و المشكلة كلها حتتحل لو انت خفضت حساسية السنسور شوية . لأنك لما بتقفل بالريموت الأنذار بيشتغل و الزجاج لما بيخبط فى الأخر الأنذار بيضرب ، وطى السنسور و المشكلة إن شاء الله تتحل .

بعد التجربة

كلام حضرتك صحيح و المشكلة طلعت فى ان الزجاج بيخبط خبطة بسيطة وغير ملحوظة و هى ال بتشغل السنسور

الف شكر على المساعدة

[ahmedfra]

الف شكر و اى خدمة