زيت كالتكس عايز رايكم بصراحة فيه ؟؟

[elwaworld]

اخوانى محتاج رايكم فى زيت الموتور كالتكس اية رايكم كويس و يستاهل ولا بيعمل مشاكل ارجو الرد السريع و لو كده هو سعره كام ؟؟؟و لو مش حلو افضل انواع الزيت البديلة اية بس تكون اسرعها مش عالية اووى يعنى تكون متوسطة

[SAMEH_FOUAD]

لأ زيت كالتكس مش حلو وبيخلى صوت المكنة عالى
ياريت تقول نوع العربية وحالة الماتور عشان نفيدك اكتر بافضل نوع ليك

[elwaworld]

لأ زيت كالتكس مش حلو وبيخلى صوت المكنة عالى
ياريت تقول نوع العربية وحالة الماتور عشان نفيدك اكتر بافضل نوع ليك

نوع السيارة هيونداى اكسيل موديل 96 كورى 1500 سي سي

[al_manara]

نوع السيارة هيونداى اكسيل موديل 96 كورى 1500 سي سي

انا جربتة كان كويس جدا وكان سعرة حوالي 100 جنية ال 3000 كيلو . زية زي موبيل وشيل . بس شل كان افضل من ناحية صوت الموتور كان اهدا . وبالنسبالي شل احسنهم .

[M.almaghraby]

جرب فيسكو 3000 و ادعيلي

لحد 10 الاف كيلو لو حالة الموتور سليمة

[dr.hazem]

انا بستخدم كالتكس وزيتهم محترم جدا جدا جدا ورائع ما شاء الله
انا حطيت زيت ال 10000 التخليقي والحمد لله كملت عليه لحد دلوقتي 4000 كيلو وماشاء الله زي الفل
ال 10000 عامل 230 بالتغيير وال 5000 ب 100

وعلى فكره
كالتكس تاني اكبر مصنع زيوت في العالم

تحياتي

[zezmograby]

كالتكس جامد جدا جدا الناس بتقارن بالاسعار
بس شل وموبيل ليهم الاولوية

[SAMEH_FOUAD]

زيت كالتكس بيخلى صوت المكنة عالى , زيت بطبيعتة لزوجتة خفيفة مش عالية ى موبيل وشيل

وانا انصحك لماتورك شيل الاصفر 3000 كيلو ب105 جنية بالتركيب لو هتجيبة من البنزينة لو من برة هيبقى ب105 بس غير تمن التركيب شوف انت هتعملة فين

اسن من موبيل xhp ومن كالتكس

بالنسبة لزيت فيسكو انا ماجربتوش الصراحة

[ibrahimsaad]

انا جربتة كان كويس جدا وكان سعرة حوالي 100 جنية ال 3000 كيلو . زية زي موبيل وشيل . بس شل كان افضل من ناحية صوت الموتور كان اهدا . وبالنسبالي شل احسنهم .

امال كالتكس ال ب 38 ج ده ايه ؟

اصلى باستخدمه وبغيره كل 1500 كم

والسياره اكسيل موديل 95

[kar!m]

انا عامل حوالى 9000 كيلو ب فيسكو 3000 (115 جنيه) و جبت جركن جديد و فلتر و هغير انهارده أو بكره ان شاء الله .. و بصراحه زيت ممتاز.

[al_manara]

انا عامل حوالى 9000 كيلو ب فيسكو 3000 (115 جنيه) و جبت جركن جديد و فلتر و هغير انهارده أو بكره ان شاء الله .. و بصراحه زيت ممتاز.

يتجاب منين ؟

[M.almaghraby]

زيت فيسكو بيتباع في محطات كار جاس

[kantoosh]

حاسب من زيت كالتكس ابو 38 جنيه ده الزيت ده من عيوبة انه بيحل مع السخونيه وبيخلى الاحتكاك فى الموتور اعلى علشان كده بتسمع الصوت العالى ده انا كنت باستخدمه ومكملتش عليه 1500 كيلو وفجاه لقيت لمبة الزيت نورت وطلع ان عامود الكرنك اتكسر للاسف ومسكت الزيت وهو سخن لقيته زى الميه المهم فيه زيت موبيل لسه شاريه قريب الجركن 4 كيلو ب 50 جنيه بس ميه ميه فيه ميزه انه بيبقى خفيف وهو بارد ويتقل مع السخونيه وخاصه فى الحر ده وكان صوت الموتور عالى مع كالتكس ودلوقتى بقى كويس والحمد لله نوعا ما بس انا لسه فى التليين يعنى مش قادر احكم بالظبط بس لاحظت الفرق بينه وبين كالتكس وسمعت برضه عن فيسكو ده انه جامد جدا فيه فيسكو 2000 ده بيعمل 5000 كيلو و ب 76 جنيه من محطات كار جاس

[ibrahimsaad]

حاسب من زيت كالتكس ابو 38 جنيه ده الزيت ده من عيوبة انه بيحل مع السخونيه وبيخلى الاحتكاك فى الموتور اعلى علشان كده بتسمع الصوت العالى ده انا كنت باستخدمه ومكملتش عليه 1500 كيلو وفجاه لقيت لمبة الزيت نورت وطلع ان عامود الكرنك اتكسر للاسف ومسكت الزيت وهو سخن لقيته زى الميه المهم فيه زيت موبيل لسه شاريه قريب الجركن 4 كيلو ب 50 جنيه بس ميه ميه فيه ميزه انه بيبقى خفيف وهو بارد ويتقل مع السخونيه وخاصه فى الحر ده وكان صوت الموتور عالى مع كالتكس ودلوقتى بقى كويس والحمد لله نوعا ما بس انا لسه فى التليين يعنى مش قادر احكم بالظبط بس لاحظت الفرق بينه وبين كالتكس وسمعت برضه عن فيسكو ده انه جامد جدا فيه فيسكو 2000 ده بيعمل 5000 كيلو و ب 76 جنيه من محطات كار جاس

الف شكر ياباشا على المعلومه المهمه دى

وفعلا انا عندى صوت المكنه عالى وفيه خشونه

بس انا لسه مغير امبارح بس الزيت

ايه رأى حضرتك تنصحنى اكمل بيه ال 1500 ك وبعدين اجيب موبيل ولا تفتكر اغير دلوقت واتخلص منه ؟

وبعدين انا سمعت ان المواتير الجديده بيبقى لها نوع معين والمواتير القديمه زى بتاعتى مثلا نوع زيت معين

ياريت رأى حضرتك ورأى الخبراء تنصحونى بموبيل ولا ايه وايه افضل نوع يناسبنى

السياره اكسيل موديل 95 والموتور 1500 سى سى

وكمان ايه افضل نوع زيت للفتيس وبيتغير كل كام

والف شكر

[M.almaghraby]

حضرتك ممكن تجيب فيسكو 2000 ب 76 جنيه و يعد معاك من 7 ل 8 الاف كيلو