رحلة انهاء مأساة الـepc

[ahmedyehia515]

مساء الخير

زة ما حضرتكم عارفين، العربية عندى لمبو الepc بتنور و بتسبب انو العربية تقلب توكتوك، يعنى مفيش حاجة اسمها سحب و لا سرعة و أقصى سرعة ممكن تجيبها بتكون 100 ده لو الطريق فاضى خالص لمدة 10 دقائق كده من غير ولا فرامل. ساعات بتكون لمبة فرامل محروقة او الشكمان عايز يتنضف فكانت بتنور شوية و بعد حل المشكلة تطفى تانى بس بقالها فترة منورة بس انا كنت مشغول و دلوقتى فضيتلها كام يوم كده و لازم أحل الموضوع بمساعدة ربنا و مساعدتكم ان شاء الله.

دلوقتى العربية عاملة 305 ألف كم و حعملها صيانى ال60 ألف قريب بس عايز أحل الموضوع ده قبل الصيانة.

منطقياً الحاجة اللى ممكن تسبب ضعف فى سحب العربية و العربية تفصل على السلانسيه و فى الدوارة تحس العربية مش قادرة تقوم ( بعد حذف فلتر الهوا و البنزين و البوجيهات و البطارية عشان كل ده تم تنضيفع و معملش أى فرق) هى الشكمان. فى ناس قالت انو علبة البيئة عمره الافتراضى 250 ألف كم و بعد كده بتبتدى تتسد و تعمل ضغط على الموتور بيسبب الخنقة ده و فى ناس قالت انو حساس الشكمان اللى جوه علبة البيئة هوا اللى فيه المشكلة فأنا قلت أول حاجة أشيل علبة البيئة و أحط مكانها ماسورة بفلانجتين عشان هى عمرها خلص و عشان لو مش هى السبب أكون شلتها من دائرة الاتهام. أنا عارف انو احسن واحد فى موضوع الشكمانات ده هو أبو اليزيد بس مش عارف هو بيعمل الموضوع ده ولا لأه ( موضوع استبدال علبة البيئة بماسورة ) بس انا معرفش مكانه و الموضوع ده هيتكلف قد إيه وقت و فلوس. أو لو فيه حد برده كويس و أسعاره كويسه يكون أقربلى منه

فممكن حد يوصفلى ازاى أروحله من مصر الجديدة نقول مثلاً من صلاح سالم و مواعيد شغله عشان انا ناوى أروحله بكوه ان شاء الله

و لو حد عنده تعليق على موضوع الepc يا ريت يقوللى عشان انا فعلاً غلبت مع الموضوع ده

و شكراً

[ehab_mansour]

أولا شوف الموضوع ده

http://www.nilemotors.net/Nile/112235-epc.html

ثانيا :-
ياريت تجري عملية تنظيف كامل لبوابة الانجيكشن وفك حساس المانيفول وتنظيفه وان شاء الله تروح المشكلة
بوبة الانجيكشن هي البوابة اللي راكب عليها سلك الأكسيراتير اللي بيزود بنزين وهي المسئولة عن التحكم في كمية الهواء الداخل المحرك

[ahmedyehia515]

أولا شوف الموضوع ده

http://www.nilemotors.net/nile/112235-epc.html

ثانيا :-
ياريت تجري عملية تنظيف كامل لبوابة الانجيكشن وفك حساس المانيفول وتنظيفه وان شاء الله تروح المشكلة
بوبة الانجيكشن هي البوابة اللي راكب عليها سلك الأكسيراتير اللي بيزود بنزين وهي المسئولة عن التحكم في كمية الهواء الداخل المحرك

شكراً على رد حضرتك بس المشكلة انو لو حساس المنافول اللمبة بتفضل منورة على طول و مبتروحش ، يعنى من أول ما تدور لحد ما تطفى العربية، الموضوع عندى شوية مختلف بس برده انا مستبعدتش حساس المنافول من الأسباب، هوا بس العربية عامله 305 و بنفس الشكمان اللى جايه بيه و نفس علبة البيئة و انا عارف انها هتتغير قريب فقولت ابتدى بيها و أشوف إيه اللى هيحصل و المشكلة اللى عندى انى مش لاقى حد كويس يكشف بالجهاز على العربية و يقوللى العيب فين، كله بيقول نفس الكلمة، فى مشكلة فى كهربا العربية و لازم كهربائى يبص عليها ( لو حضرتك تعرف حد كويس فعلاً تبقى عملت فيا جميل كبير أوى) حساس المنافول عندى موجود فى بعض المحلات فى الحرفيين و أقل تمن ليه كان 400ج فكان قرارى انى مش هغيره لحد ما فعلاً أتأكد انو هوا سبب المصايب ده.

انا فعلاً كنت بنضف الانجكشن و كان بيجيب نتيجة بس بقاله فتره مبيجبش نتيجة و ده اللى خلانى ابتدى أدور على سبب تانى. بالمناسبة مفيش عندى سلك اكسراتير و من ضمن عوارض المشكلة انى لما أدوس بنزين العربية ساعات مش بتتأثر خالص ( يعنى سلانسيه و مدور و ادوس بنزين و لا الهوا ، لا صوت يعلى و لا أر بى أم يلعب و لا أى حاجة)

شكراً لوقت و مجهود حضرتك و يا ريت متنسانيش لو تعرف حد بيعرف يستخدم الجهاز اللى بيكشف على العربية، أنا كنت أعرف واحد فى الحرفيين اسمه كهربائى الكوربة و كان مهندس شاطر بس مش لاقيله لا عنوان و لا رقم تليفون

[M.Mostafa80]

مشكلتك بتتلخص فى حاجتين
ياما السويتش كنترول بتاع دواسه البنزين بيغنى اودعك أو حساس المنفول بردو بيغنى أودعك
موضوع علبه البيئه يكتم العربيه لكن ما ينورش لمبه الأيه بى سى
ولو عايز تيشلها ابو اليزيد بيركب علبه بديله ليها بتعمل 200ج وبتبقى زى الفل ابو اليزيد موجود فى المللك الصالح وفى أكتوبر وفى شبرا وفى العباسيه
لو تقدر تجيلى الهرم أحطلك العربيه على جهازى الخاص اللى جايبو لعربيتى انا تحت امرك بس هتضرب مشوار للهرم
بس سؤال من فضلك لمبه الأتشيك مش منوره هى كمان

[ehab_mansour]

مشكلتك بتتلخص فى حاجتين
ياما السويتش كنترول بتاع دواسه البنزين بيغنى اودعك أو حساس المنفول بردو بيغنى أودعك
موضوع علبه البيئه يكتم العربيه لكن ما ينورش لمبه الأيه بى سى
ولو عايز تيشلها ابو اليزيد بيركب علبه بديله ليها بتعمل 200ج وبتبقى زى الفل ابو اليزيد موجود فى المللك الصالح وفى أكتوبر وفى شبرا وفى العباسيه
لو تقدر تجيلى الهرم أحطلك العربيه على جهازى الخاص اللى جايبو لعربيتى انا تحت امرك بس هتضرب مشوار للهرم
بس سؤال من فضلك لمبه الأتشيك مش منوره هى كمان

+1
وياريت لو تقدر تروح الهرم و اخونا الفاضل محمد مصطفي جزاه الله خيرا صاحب هذا الرد يحطهالك علي الجهاز عنده وربنا المستعان
عايز أقلك اني غيرت الشكمان كامل ( العلبتين الوسطي والخلفية من عند ابو اليزيد في عربيتي وكويسين ولكن مش عجبني بردهوللأسف البديل لعلبة البيئة ده ركبته في عربية نوبيرا بتاعت زوج اختي وبرضه عامله صوت نعره غبي جدا فخايف تغيره ومش هيعجبك وتأكد ان لو العلبة مكتومة حتي مش هتدي العيب ده والله المستعان وياريت تعرفنا أخبارك دائما وصلت لايه

[M.Mostafa80]

+1
وياريت لو تقدر تروح الهرم و اخونا الفاضل محمد مصطفي جزاه الله خيرا صاحب هذا الرد يحطهالك علي الجهاز عنده وربنا المستعان
عايز أقلك اني غيرت الشكمان كامل ( العلبتين الوسطي والخلفية من عند ابو اليزيد في عربيتي وكويسين ولكن مش عجبني بردهوللأسف البديل لعلبة البيئة ده ركبته في عربية نوبيرا بتاعت زوج اختي وبرضه عامله صوت نعره غبي جدا فخايف تغيره ومش هيعجبك وتأكد ان لو العلبة مكتومة حتي مش هتدي العيب ده والله المستعان وياريت تعرفنا أخبارك دائما وصلت لايه

راجعهم تانى فى العلبه المفروض بيبقى فى ضمان على الشغل ودا حصل عندى ورجعتلهم ظبطوها وانتهت المشكله وهما بيسمو العلبه اللى بتكلم عليها دى الرنان

[ahmedyehia515]

مشكلتك بتتلخص فى حاجتين
ياما السويتش كنترول بتاع دواسه البنزين بيغنى اودعك أو حساس المنفول بردو بيغنى أودعك
موضوع علبه البيئه يكتم العربيه لكن ما ينورش لمبه الأيه بى سى
ولو عايز تيشلها ابو اليزيد بيركب علبه بديله ليها بتعمل 200ج وبتبقى زى الفل ابو اليزيد موجود فى المللك الصالح وفى أكتوبر وفى شبرا وفى العباسيه
لو تقدر تجيلى الهرم أحطلك العربيه على جهازى الخاص اللى جايبو لعربيتى انا تحت امرك بس هتضرب مشوار للهرم
بس سؤال من فضلك لمبه الأتشيك مش منوره هى كمان

و الله أنا مش عارف أشكر حضرتك ازاى، و لأ لمبة الاتشيك مش منورة.

أنا للأسف لسه شايف الردود ده دلوقتى، أنا لسه راجه من عند م/تامر فى الحرفيين و حط العربية على السكانر و قاللى انو المشكلة فى حساس الكامة، و هوا شال الerror و نصحنو انو استنى يومين لو رجع تانى يبقى اروح اشترى الحساس و أروح لميكانيكى كويس يركبه، و لو منورتش تانى يبقى الموضوع كان مشكلة كهربا بس.

و انا راجع اللمبة منورتش خالص رغم انى كنت نشغل التكييف و الطريق واقف تماماً. انا شاء اللى بكره عندى مشوار لحد القليوبية حيكون فيه القرار الأخير.

بخصوص موضوع علبة البيئة، أنا دلوقى مش عارف اعمل فيها إيه، هى عامله 305 ألف كم بس المشكلة مطلعتش منها فهل أغيرها بما انى بعمل صيانة ال60 عشان يبان على العربية و لا أسيبها لما تبتدى تسبب مشاكل.

متهيألى أنا حعمل صيانة ال60 و المفروض العربية تفوق جامد بعدها بس لو حسيت ان العربية لسه مخنوقه حبتدى أشوف علبة البيئة و علبة الشكمان.

مستنى اى أراء أو اقتراحات

شكراً تانى على وقت و مجهود حضراتكم

[ahmedyehia515]

للأسف اللمبة نورت تانى و نفس الأعراض ، إن شاء الله حروح لتامر يكشف عليها تانى و لو طلع برده حساس الكامة يبقى حشترى واحد و أركبه و أجرب.

حد عنده فكره مين ممكن يكون عنده الحساس ده، أنا دورت فى شارع دمشق ملقتش و كل الناس قالت فى الحرفيين بس أنا معرفش محل كويس هناك و معرفش سعر الحساس ده بيكون فى حدود قد إيه، فيا ريت لو حد يعرف محل بيبيع حاجات سكودا فى الحرفيين و مضمون يقوللى مكانه .

[ehab_mansour]

انا رأيي طالما هتروح لتامر ورشاد يبقي لما تتأكد من العطل اسأله وهو هيدلك تجيبه منين
وبعدين قبل ما تاخده لف لفة علي كل تجار قطع غيار فولكس واسكودا وسيات في الحرفيين وشوف سعره كام لأن صعب تلاقيه عند حد معين عشان كده احتمال تلاقيه استيراد فقط كمان مش جديد

وربنا يوفقك

[ahmedyehia515]

هوا حصل حاجة غريبة، زى ما كنت قلت فى موضوع تانى انو لمبة البطارية نورت و لفيت و كده و طلع انو فى فيوزات كتيرة ضاربة فى علبة البطارية و بعد تغيير الفيوزات ده لمبة الepc بقالها يومين مختفية تماماً مع العلم انى معملتش حاجة خالص فى العربية غير تغيير البطارية و فيوزات البطارية

حد عنده تفسير

[M.Mostafa80]

عندى التفسير دى حاجه أكيد ليها علاقه بالبوابه أو سويتش الفرامل عشان كدا اللمبه كانت منوره ومأثره على العربيه فا لما ظبطت علبه الفيوزات زال سبب العطل والدنيا ظبطت معاك

[ehab_mansour]

اخي الفاضل اي مشكلة او عطل في دائرة كهرباء السيارة لابد انه يؤدي الي تأثير سلبي علي كل مكونات السيارة وخاصة انها controlled system والأنظمة دي اي مشاكل في الكهرباء او الجهود في اي جزء من النظام بيؤثر بالسلب علي حالة النظام عامة

وربنا يستر وتكون دي نهاية المشكلة