لو دوست فرامل والتكييف شغال العربيه بتبطل

[M.Mostafa80]

العربيه عندى لو دوست فرامل والتكييف شغال العربيه بتبطل
الموضوع ده ظهر بعد حاجتين الأول انى زودت شحن الفريون للتكييف
الثانى أضطريت امون بنزين من محطه غير اللى متعود عليها
فاياترى المشكله فين
فى الفريون يكون زياده
ولا عيب بنزين
ولا كدا فى حاجه فى السرفو فا لما بدوس فرامل والتكييف شغال بيسحب الهوى من الموتور فا بتقوم مبطله
مع العلم أنها مابتعملش كدا والتكييف مش شغال

[M.Mostafa80]

ايه ياجماعه محدش عندو تعليق على اى حاجه

[caysersosaih]

دي بتبقي مشكلة في الفاكيوم بس انت قصدك علي عربية نوعها ايه وكاربيراتير ولا انجيكشن؟

[أبومعاذ]

بص هو المهدنس خالد سبعاوي كان اتكلم عن العلاقة بين الفرامل والتكييف قبل كدا بس مش فاكر بالظبط حاول تدور في المنتدى في مشاركاته

[pharonicking]

على الكهربا شوية يمكن تظبط"

[M.Mostafa80]

العربيه بولو مو 98 موتور 1400 سى سى 16 صباب 2 كامه انجيكشن

[M.Mostafa80]

على الكهربا شوية يمكن تظبط"

العربيه ملهاش اسبراتير

[Abody1985]

نفس الكلام بيحصل معايا بس على فترات وبتحصل معايا في اليو تيرن
عربيتي جولف 2 موديل 90 كربراتير

[dramir1]

متابع باهتمام

[M.Mostafa80]

فعلا الحركه دى بتظهر اكثر لو باخد ملف ودوست فرامل نفسى اوصل لسبب
أنا شاكك فى البوابه معتقدش يكون السيرفو لأن لو هو يعملها حتى لو العربيه بدون تكييف
ولا ايه
فينك يابشمهندس سمير انت والمهندس سبعاوى

[SAMEH_FOUAD]

السيارة عند تشغيل التكييف المفروض ان كمبيوتر السيارة يدى امر بتعلية نسبة الهواء والوقود اللى موجودة وذلك لوجود حمل زائد على المحرك

واللى متسبب ليك ان العربية بتفصل مع الملفات او الفرامل دة لان السيرفو بيسحب هواء من المحرك , وكذلك الباور وانت عندك بلف الايدل وحساس الهواء مش قايمين بدورهم كويس عشان كدة العربية بتبطل

يبقى اللى حضرتك هتعملة الاتى :

1: تنظيف بلف الايدل كنترول ب(wd-40)
2: تنظيف الثروتل بودى
3: تنظيف فلتر الهواء
وان شاء الله هترجع زى الاول

[ibrahimsaad]

فعلا الحركه دى بتظهر اكثر لو باخد ملف ودوست فرامل نفسى اوصل لسبب
أنا شاكك فى البوابه معتقدش يكون السيرفو لأن لو هو يعملها حتى لو العربيه بدون تكييف
ولا ايه
فينك يابشمهندس سمير انت والمهندس سبعاوى

انا كمان بتحصل معايا نفس الحركه دى مع الدوران والملف ونفسى اعرف السبب

[M.Mostafa80]

السيارة عند تشغيل التكييف المفروض ان كمبيوتر السيارة يدى امر بتعلية نسبة الهواء والوقود اللى موجودة وذلك لوجود حمل زائد على المحرك

واللى متسبب ليك ان العربية بتفصل مع الملفات او الفرامل دة لان السيرفو بيسحب هواء من المحرك , وكذلك الباور وانت عندك بلف الايدل وحساس الهواء مش قايمين بدورهم كويس عشان كدة العربية بتبطل

يبقى اللى حضرتك هتعملة الاتى :

1: تنظيف بلف الايدل كنترول ب(wd-40)
2: تنظيف الثروتل بودى
3: تنظيف فلتر الهواء
وان شاء الله هترجع زى الاول

طيب هو المفروض انى نضفتها امبارح بس منضفتش الأيدل بالف عمتا انا عندى بوابه تانيه هركبها وهشوف الدنيا فيها أيه

[SAMEH_FOUAD]

طيب هو المفروض انى نضفتها امبارح بس منضفتش الأيدل بالف عمتا انا عندى بوابه تانيه هركبها وهشوف الدنيا فيها أيه

ياباشا نظف الايدل وكل شىء هيتظبط ان شاء الله

[M.Mostafa80]

ياباشا نظف الايدل وكل شىء هيتظبط ان شاء الله

هو المشكله ان الأيدل بلف دا متركب فى خرطوم ومسدود فى الخر بمسمار مش واصل لحاجه