أفيدوني في عمرة موتور كيا ريو 2001

[أبو صلاح]

السلام عليكم
بداية أنا اتأكدت ان العربية بتطلع دخان أبيض من الشكمان والمكنة بتاكل زيت
المهم رحت للميكانيكي وقلي الموضوع ما نقدرش نحدده الا بعد فتح الموتور من الداخل
لانه بالبلدي عامل زي البطيخة

لكن اللي فزعني انه بيقوله ان الموضوع بيبدأ من 1000 ج حتى 2500 ج

على اي اساس تحدد التكلفة
يعني ايه اللي بيتعمل مرحلة مرحلة ويكلف كام مصنعيات
مع العلم انه قالي ان انا اللي بجيب قطع الغيار

[mohfud]

سقط موتور إستيراد وريح نفسك

[أبو صلاح]

سقط موتور إستيراد وريح نفسك

أنا عندي قلق من الاستيراد ده
خصوصا الحاجات اللي بتبقى مقفلة دي
لانه ممكن يكون مستهلك اكتر من المكنة الحالية

[M.Mostafa80]

أنا عندي قلق من الاستيراد ده
خصوصا الحاجات اللي بتبقى مقفلة دي
لانه ممكن يكون مستهلك اكتر من المكنة الحالية

منتا بتاخده على التجربه

[أبو صلاح]

منتا بتاخده على التجربه

وهل وقت التجربة ده كافي اني أحكم على كفاءة الموتور ؟

وياريت حد يساعدني في مراحل العمرة يمكن الموضوع يطلع بسيط
علشان عمال اسمع فتاوى حلوة من كل ميكانيكي

[أبو صلاح]

مفيش حل ولا ايه ؟

[khaled_sabry]

السلام عليكم
بداية أنا اتأكدت ان العربية بتطلع دخان أبيض من الشكمان والمكنة بتاكل زيت
المهم رحت للميكانيكي وقلي الموضوع ما نقدرش نحدده الا بعد فتح الموتور من الداخل
لانه بالبلدي عامل زي البطيخة

لكن اللي فزعني انه بيقوله ان الموضوع بيبدأ من 1000 ج حتى 2500 ج

على اي اساس تحدد التكلفة
يعني ايه اللي بيتعمل مرحلة مرحلة ويكلف كام مصنعيات
مع العلم انه قالي ان انا اللي بجيب قطع الغيار

الدخان الابيض ده لأن العربيه بتاكل زيت
و ده ممكن لأنها محتاجه طقم شنابر ( نصف عمره ) و ممكن عمره كامله
لو طقم شنابر يبقى حتكلفك فى حدود 500 جنيه لكن لو عمره كامله ممكن توصل زى مابيقول ل 2500

[m_mekkawy]

انا كان عندى ريو 2001 ستيشن من 3 سنين ومشكلة الريو دى بالذات ان قطع غيارها غاليه اضف الى ذلك مش عند اى حد فيه ناس متخصصه عندها قطعها المهم العربيه دى مكينتها فوق الممتازه وسحبها جميل وماروحتش للميكانيكى فى الفتره اللى قعدت معايا فيها وهى 3 سنين الا مرتين مره غيرت البوجيهات وسلوكها ومره غيرت استوانه وديسك
عموما خلينا فى موضوعك
طقم الشمبر من وجهه نظرى احسن من الماكينه الأستيراد لأن المكاين الأستيراد لما بتكون مركونه بقالها فتره هتجيب منك طقم شمبر برضه فى مده اقصاها سنه وعلى رأى الميكانيكى بتاعك المكاينه عامله زى البطيخه المقفوله واعتقد الألف جنيه برضه كتير على طقم شمبر

[M.Mostafa80]

انا كان عندى ريو 2001 ستيشن من 3 سنين ومشكلة الريو دى بالذات ان قطع غيارها غاليه اضف الى ذلك مش عند اى حد فيه ناس متخصصه عندها قطعها المهم العربيه دى مكينتها فوق الممتازه وسحبها جميل وماروحتش للميكانيكى فى الفتره اللى قعدت معايا فيها وهى 3 سنين الا مرتين مره غيرت البوجيهات وسلوكها ومره غيرت استوانه وديسك
عموما خلينا فى موضوعك
طقم الشمبر من وجهه نظرى احسن من الماكينه الأستيراد لأن المكاين الأستيراد لما بتكون مركونه بقالها فتره هتجيب منك طقم شمبر برضه فى مده اقصاها سنه وعلى رأى الميكانيكى بتاعك المكاينه عامله زى البطيخه المقفوله واعتقد الألف جنيه برضه كتير على طقم شمبر

ليه هتجيب طقم شنبر بعد سنه ؟؟؟؟؟؟؟؟؟؟؟؟؟؟؟؟؟؟؟؟؟؟؟

[m_mekkawy]

ليه هتجيب طقم شنبر بعد سنه ؟؟؟؟؟؟؟؟؟؟؟؟؟؟؟؟؟؟؟؟؟؟؟

انا سمعت الكلام ده من ميكانيكيه وليس كلام علمى
ان المكاين الأستيراد لو كانت مركونه لفتره كبيره الفليكسابلتى بتاعة الشمبر بتقل فبيتاكل ودى عن تجربة ناس
وعلى رأى محمود عبد العزيز
سدق العليل ومتسدقش التحاليل :)