الموتور متلت

[abokoko]

لانى قليل الخبره ومع اهتزاز مفاجئ ناحيه الفتيس
تخيلت ان المشكله فى حامل الفتيس او الفلنشه
واخذت رأى صديق واخبرنى انها حمالة الفتيس

لكن الميكانيكى على طول قال العربيه متلته ( شغاله 3 سلندر )
وغير البوجيه وراحت الاهتزازه

بس السؤال البوجيه المستبدل كان عليه زيت
والميكانيكى قال انه بسبب عدم حرق البنزين كويس

هل ده خطير وهل هو مؤشر على شيئ سيئ بالموتور

؟؟؟؟؟

[abokoko]

ارجو الرد وتطمينى على موتور العربيه

[mo7a_mo7a]

السلام عليكم
اعتقد ان الاجابة لا!
وان موتورك الحمد لله كويس والا مكنتش العربية اتظبطت بعد تغيير البوجيه
اعتقد ان اللي حصل كالاتي

1- حضرتك غيرت طقم بوجيهات وكان فيه بوجيه به عيب صناعة
2- بعد فترة البوجيه قطع تيار نهائي وتوقف عن العمل
3- العربية تلتت وتوقف الحرق في السلندر ده
4- تراكمت ابخرة البنزين والزيت علي البوجيه (شئ طبيعي)

السؤال دلوقتي هو... طب اعمل ايه؟

تراقب الموتور كويس وتلاحظ الاتي
1- استني شوية حوالي 4 او 5 الاف كيلو وخلي الميكانيكي يكشفلك تاني علي البوجيه اياه ويتاكد ان مفيش اي زيوت عليه علشان نتاكد ان الشنابر سليمة
2- راقب الدوارة في الصباح جيدا للتاكد من عمل البوجيهات وكبلات الكهرباء جيدا
3-في اقرب فرصة لما يجي ميعاد اول صيانة انصحك بالكشف علي كبلات البوجيهات ولما تيجي تغيرهم غير الطقم كله ومتسبش البوجيه اللي انت غيرته علشان يكونو عمر واحد


تحياتي

[أحمد كمال]

بوجيه عليه زيت = موتور مفوت ..... لان المفروض البوجيه في غرفة الاحتراق بعيد عن الزيت اصلا ....... روح قيس حبك الموتور بجهاز خاص لكده في بنزينة

[mo7a_mo7a]

بوجيه عليه زيت = موتور مفوت ..... لان المفروض البوجيه في غرفة الاحتراق بعيد عن الزيت اصلا ....... روح قيس حبك الموتور بجهاز خاص لكده في بنزينة

مش شرط ان اللي شافه العضو علي البوجيه يكون زيت موتور
ابخرة البنزين لما تتكثف داخل الغرفة باستمرار مع شوية كربون حيدوك نفس المظهر بتاع الزيت وده طبيعي خصوصا ان السلندر كان مبيحرقش خالص

[abokoko]

مش شرط ان اللي شافه العضو علي البوجيه يكون زيت موتور
ابخرة البنزين لما تتكثف داخل الغرفة باستمرار مع شوية كربون حيدوك نفس المظهر بتاع الزيت وده طبيعي خصوصا ان السلندر كان مبيحرقش خالص

ربنا يطمنك زى ما ارحتنى نفسيا بان الموتور كويس
حاليا مش وقت عمره ولا حتى شنبر

انا هراقب الموتور وفى اقرب فرصه هبقى اغير البوجيهات

بالنسبه لسلك البوجيهات الميكانيكى قال كويسين

النهارده العربيه كويسه باستثناء التنتيشه على خفيف
ودى من الاول وحسب كلام الميكانيكى ده عيب كربراتير
وهو عايز يفكه وانا لحد دلوقتى مش راضى خوفا على الكربراتير

رغم انى منطق الميكانيكى نفك الكربراتير وان اتصلح خير
وان لم يتصلح بيها وبلاها هو عايز تغيير!!!!!!

شكرا للرد

[tananybasha]

معلشى بوجيه معرق زيت
شنبر خفيف و بيهرب زيت
هو ركب بوجيه سن قصير صح و لا بوجيه عادى
لو كده فكه و شوف
حرق البنزين يهبب البوجيه انما ميبخرش عليه زيت

[abokoko]

معلشى بوجيه معرق زيت
شنبر خفيف و بيهرب زيت
هو ركب بوجيه سن قصير صح و لا بوجيه عادى
لو كده فكه و شوف
حرق البنزين يهبب البوجيه انما ميبخرش عليه زيت

=====

هو ركب بوجيه عادى والى الان العربيه الى حد ما ماشيه كويس

[tamer_a7]

كلام الاخه مظبوط بوجيه عليه هباب يبقي ما بيحرقش
بوجيه عليه زيت يبقي مشكله في الشنبر بيهرب زيت
يا عم ما تخفش انا مشيت بالمتور مفوت اكتر من سنتين وكل الموضوع كان معايا بوجيهات ومفتاح بوجيهات اللي يعرق يتشال ويتحط مكانه هههههههههههه مغامر بقي اللي مشجعني كان السحب العبيط بتاع الماتور لما يبقي مفوت واللي فهمت بعد كده انه ناتج عن عدم احكام الشميز حول البستم

[abokoko]

انا غيرت البوجيهات ب 3 شمعه دنسو

ولقيت نفس البوجيه عليه زيت خفيف فى القلاووظ
ويمكن مهبب شويه على السن ( انا مش خبير )

بس على فكره الزيت عندى مش بيقل
وكمان سلك البوجيه اياه لما فصلته وقربته من الاسبراتير ودورت مرش طلع
شراره وشديده كمان حسب اللى كان معايا بيساعدنى

؟؟