رجاء الاهتمام: بنزين 80 والا 90 للعربية دي: تويوتا 1985؟؟؟؟؟؟

[HRH_Sameh]

العربية هي تويوتا كورونا موديل 1985
الموتور بتاعها متغير لـ 4A
المفروض يتحطلها بنزين 80 والا 90 ؟
وهل تفرق في الاداء او تسبب ان جوان وش السلندر يضرب كل فترة بسيطة؟؟؟؟

[ahmedsrs]

حضرتك تقصد ايه ب 4a

[Ahmad Allawy]

لأ خالص..
البنزين مالووش علاقة بحكايةة وش السلندر دي..
وش السلندر غالبا ما بيكون سخونة..
اكيد في مشكلة سخونية عندك..

[hesham70]

نفس السوال العربيه فليشيا 98 ......البنزين 80 او 90.....وشكراً مقدماً

[HRH_Sameh]

قصدي بـ 4a ان ماتورها الأصلي متغير بقى 1600 بس مش عارف امتى؟

و السؤال طيب ايه المشاكل اللي تحصل لعربية المفروض تشتغل ببنزين 80 ويتحطلها 90؟
والعكس برضه؟؟

وشكرا ع الردود

[mmmtm]

الفرق فى نظافة البنزين 90 للموتور الانجكشن و80 للموتور الكربراتير والله اعلى واعلم

[houras1010]

بنزين 80 ملوش اى مشاكل فى العربيات اللى مواتيرها مزوده بكربراتيير وسعه السى سى مش اكتر من 1300 اما فى العربيات الأنجكشن والكربراتيير اعلى من 1300 يعمل مشاكل فى الدواره والسحب والمشى والسخونه والصبابات حسب كل عربيه

[volk]

بصراحه انا بفضل بنزين 90 في اي عربيه الانه هيفرق في السحب و الاداء بشكل عام

لكن استخدام اي بنزين مش هيعمل حاجه في وش السلندر لكن زي ما قال الاخوه الحراره هي اللي ممكن تعمل مشكله

[maged_tours]

السادة الأعضاء: بالنسبة للسيارات الحديثة التي تحتوي علي علبة بيئة(كتاليتيك كونفيرتر) في نظام الشكمان لا يمكن وضع بنزين 80 فيها لانه حيسبب تلف علبة البيئة وانسداد الشكمان وبالتالي سخونة العربية.
كذلك السيارات التي يكون فيها انجكشن البنزين بيأثر علي البخاخات
اما السيارات الكربراتير والتي لا يوجد بها علبة بيئة فليس هناك مشكلة من استعمال بنزين80