ملء الكاوتش

[mrwho1982]

السلام عليكم اولا

انا جات في دماغي فكرة بس مش عارف هي صح ولا لاء

ايه اللي يحصل لو حطيت جوة الكاوتش حاجة غير الهواء

بمعني اصح لو حطيت فوم داخل الكاوتش

يعني بدل ما الكاوتشة فيها هواء هيبقي فيها فوم وكده بقي مافيش اخرام

هل تنفع

مستني الاراء والمقترحات

[Adham]

الفوم هش و ضعيف و مايستحملش وزن السيارة


زمان و انا طفل كان عندي بسكليتة كنا جيبينها من روسيا

كان الكاوتش بتاعها مصمط

يعني مليان كاوتش كلة

دي عمرها ما اتخرمت طبعا ههههههههههه

لكن اعتقد حاتكون قاسية و ناشفة الفكرة دي انها تتطبق في اطارات السيارة

لازم هواء ليعطي مرونة للاطار و ليمتص تفاصيل الطريق (حلوة تفاصيل الطريق دي) يعني لو الكاوتش مصمط حايبقى كانك ماشي عالمطبات و الظلط بدون عفشة و تلاقى العربية بتدب من اي حصوة عالطريق

بالضبط كأنك نافخ الكاوتش على 60 او اكتر

[mrwho1982]

طيب ماهي الفكرة دي اللي موجوده في العربيات النقل

والاوناش

[Adham]

طيب ماهي الفكرة دي اللي موجوده في العربيات النقل

والاوناش

لا ازاي

اللي اعرفة ان المعدات دي اطاراتها هواء

طيب استنى انا حاسأل واحد صاحبي شغال في شركة بترول بكرة الصبح و ارد عليك

[Ahmed Hassan]

حتى المعدات التقيله بيكون الكاوتشات فيها منفوخه هواء.
فيه بعض المقطورات (زي الكساحات كده) بيكون فيها عجل صغير مصمت و مفيهوش هواء... بس دي لازم تمشي بسرعه بطيئه جدا و مشيت بيها بسرعه العفشه و الشاسيه نفسه ممكن يتضرر

[Eng_AmrAllam]

انا اعرف اللي جوا اطارات الجرارات بتبقي ماية
مش عارف الكلام دة صحج ولاا ية؟

[Ahmed Hassan]

ساعات بيحطوا ميه مع الهواء علشان يتقلوا الجرار... لكن في النهايه الكاوتش بيكون مليان هواء و الهواء هوه اللي متحمل الضغط

[ahmed1981]

كاوتش بعض الأوناش الشوكة بيكون كاوتش مصمت
وهذا بسبب وزنها الثقيل جداً على عجل حجمه صغير
ثانياً سرعتها في المشي لا تتعدى 10 أو 20 كلم/س

بالنسبة لوجود مياه في كوتش بعض الجرارات
هذه الحركة تقوم بها بعض الشركات المصنعة للجرارات الزراعية
حيث يتم وضع بكل كوتش مقدار معين من الماء مثلاُ 10 لتر
ثم يتم نفخه بالهواء عادي جداً

والهدف من ذلك هو لو حدث أي إنقلاب للجرار وهو سهل الإنقلاب جداً ينفجر الإطار ويقلل من إحتمال حدوث حريق

[mrwho1982]

كاوتش بعض الأوناش الشوكة بيكون كاوتش مصمت
وهذا بسبب وزنها الثقيل جداً على عجل حجمه صغير
ثانياً سرعتها في المشي لا تتعدى 10 أو 20 كلم/س

بالنسبة لوجود مياه في كوتش بعض الجرارات
هذه الحركة تقوم بها بعض الشركات المصنعة للجرارات الزراعية
حيث يتم وضع بكل كوتش مقدار معين من الماء مثلاُ 10 لتر
ثم يتم نفخه بالهواء عادي جداً

والهدف من ذلك هو لو حدث أي إنقلاب للجرار وهو سهل الإنقلاب جداً ينفجر الإطار ويقلل من إحتمال حدوث حريق

دي معلومة جديدة علي

[Adham]

اعتقد ان المياة في كاوتش الجرار (الكبير) فايدتها ان تعمل مركز ثقل في كاوتش الجرار من اسفل و بالتالي لا ينقلب بسهولة (لخفض مركز الثقل)

انما الجرار لو انقلب لن ينفجر الكاوتش لانة سرعتة بطيئة

[ahmedyehia515]

السلام عليكم اولا

انا جات في دماغي فكرة بس مش عارف هي صح ولا لاء

ايه اللي يحصل لو حطيت جوة الكاوتش حاجة غير الهواء

بمعني اصح لو حطيت فوم داخل الكاوتش

يعني بدل ما الكاوتشة فيها هواء هيبقي فيها فوم وكده بقي مافيش اخرام

هل تنفع

مستني الاراء والمقترحات

لو حضرتك قصدت الفوم اللى هوا StyroFoam فنظرياً الموضوع ممكن لأن الفوم خفيف و مرن، طبعاً مش زى الهوا ، بس أحسن من المياه عشان أخف بس برده هيكون ليه تأثير على العفشة و هيكون تقل زيادة على العفشة, و برده الفوم المكون الأساسى له هوا البنزين و تحت درجات حرارة و ضغط معين بيبتدى يخرج البنزين ده و ده حاجة فى منتهى الخطورة عشان لو فى مادة سائلة فى الكاوتش اتزان و ثبات العربية هيروح فى داهية لو انت ماشى على سرعة عالية و عشان تصور لو لا قدر الله الكاوتش فرقه هيرش البنزين على العربية.

كان فى بحث من كام سنة عن اختبار لحل موضوع الخروم ده عن طريق انهم يملوا الكاوتش غاز ( بصراحة مش فاكر بس كان حاجة من الغازات النبيلة زى الهيليوم كده ) و يحطوا معاه نسبة صغيرة من ماده غازية من مميزاتها انها لحظت اصطدامها بالهوا بتتحول لمادة صلبة يعنى أول ما الخرم يحصل و يبدأ الغاز يتسرب ، تتحول المادة ده عند مكان الخرم لمادة صلبة تسد الخرم بس على حد علمى الموضوع مازال تحت الدراسة و لسه مالوش نتائج مبهرة.

[Ahmed Hassan]

اعتقد ان المياة في كاوتش الجرار (الكبير) فايدتها ان تعمل مركز ثقل في كاوتش الجرار من اسفل و بالتالي لا ينقلب بسهولة (لخفض مركز الثقل)

انما الجرار لو انقلب لن ينفجر الكاوتش لانة سرعتة بطيئة

بصراحه انا كمان فاهم كدا