ظبطت فيوزات العربية ولكن....

[windofchange]

السلام عليكم ورحمة الله وبركاته......الحمدلله غيرت فيوزات العربية ايبيزا99 وظبطت ارقام الأمبيرات لكل فيوز زي المكتوب فالكتالوج لكن بعد ماركبت كابل البطارية لقيت لمبة الكونتاكت اللي هي البطارية والزيت نوروا والطرمبة الكهرباء حضرت بنزين اكني مدخل المفتاح في الكونتاكت وعامله عالتكة الأولي......دي تبقي مشكلة ايه واعمل ايه دلوقت

[karimfahmy99]

انت كل اللى عملتة صلحت قيم الفيوزات بس و دا ملوش علاقة باللى ظهر عندك الا لو كنت ركبت فيوز كان ملغى مثلا او لو فى انذار و معمول مانع دوارة ممكن الكتاوت بتاعة يكون علق او اتهز منك و الله اعلم

[samirayad]

عيب توصيل فى ضفيرة العلبه مش أكتر

حيث لم يقوم الفنى المختص بتوصيل الكابلات الى أماكنها الصح بعلبة الفيوزات

أو جايز تكون دى مش علبة الطراز بتاعك

دا لو كان التوصيل بيتم من خلال فيش للعلبه مباشرة

[ehab_mansour]

عيب توصيل فى ضفيرة العلبه مش أكتر

حيث لم يقوم الفنى المختص بتوصيل الكابلات الى أماكنها الصح بعلبة الفيوزات

أو جايز تكون دى مش علبة الطراز بتاعك

دا لو كان التوصيل بيتم من خلال فيش للعلبه مباشرة

جزاك الله خيرا مهندس سمير علي ردك وهو ده فعلا المشكلة

ضفيرة الكهرباء في هذه السيارة موصلة ومتجمعه كلها علي بوكس مربع عبارة عن connection board وكل مجموعة كابلات بسوكيت مختلف عن المجموعه الاخري وموصلة جميعها علي هذه البوردة والمفروض ان مافيش سوكيت يركب مكان الأخر ولكن مع محاولة الحشر والتركيب بالعافية ممكن تتبدل شيء مكان أخر لذلك أنصحك بمحاولة مطابقة السيارة وتوصيلها مع أخري من نفس الضفيرة والموديل بالضبط ونفس الكماليات كمان و انا متأكد انك مهما رحت لناس متخصصة في الموديلات دي لن يتمكن من معرفة الخطأ سوي بالماطبقة فقط لأني فكيت بنفسي هذا البوكس كاملا بكل السوكيتات وجمعتها مرة أخري ولولا توفيق ربي لوقع خطأ التبديل لأن هناك تشابه كبييييير بين بعض السوكيتات

اخي ايهاب فاكر الفيوز اللي كان مش متركب في مكانه أصلا قبل الضبط ... شيله وان شاء الله تتحل المشكلة
هي عربيتك أساسا نازلة بكماليات ايه بالضبط

[windofchange]

جزاكم الله خير عسرعة الرد هي مااعتقدش فيها كماليات غير 4 زجاج كهرباء وسنترلوك وانذار اصلي وتكييف والله اعلم فابريكة ولا بلدي بس اعتقد انه فابريكة ومرايات كهرباء وزجاج خلفي حراري وتحريك عدسات الكشافات الأمامية فوق وتحت وهجرب اشيل فيوز الكلاكس واشوف لما قلت للكهربائي بتاع عربيات فولكس واسكودا وكده قاللي هات فيوزتها الأصلية من الشهابي فشارع دمشق مقتنعتش بكلامة الصراحة

[windofchange]

اللي حصل كالآتي شلت فيوز الكلاكس وظبطت ولما وصلت البطارية محصلش ان الكونتاكت فتح ومحضرتش بنزين طبعا ده مش حل نهائي وان شاء الله اروح للكهربائي او ااشوف زي مابشمهندس ايهاب قاللي عربية تانية مظبوطة واطابق عليها