انا زهقت والله العظيم من 128

[mahshahin]

العربية كانت بترزع وتخبط روحت للعفشجى وغيرت اربع مساعدين جبتهم مونرو قطعوا 850 تقريبا وغيرت علبة الدركسيون وبارات ميزان وكوتش كل حتة فى العفشة وجوز مقصات خلفى صرفت حوالى 1500 جنيه المشكلة بقى انى ولا اكنى عملت حاجه فرقت بس فى المساعدين فى فرق شويه الصراحه بس بردو بترزع وتخبط خصوصا من ورا وفى الطرق الغير ممهدة ولو الاسفلت مش مستوى بردو بتخبط ........من الاخر العربيه مخلعه خالص السؤال ايه الى يخلى العربيه مخلعه كده خصوصا انى مغير العفشه .....ياجماعة انا بصرف على العربيه ومش بحس بفرق ودى اكتر حاجة تضايق ....ارجوكم تقولولي اعمل ايه تانى عشان متخبطش كده.....انا ناوى اروح اربط العفشه تانى يمكن العفشجى ماربطش حلو يمكن

[windofchange]

انت مركب علايات او صدادات لو مركب اعتقد الأفضل تشيلهم العربية عالية بما فيه الكفاية وشوف اخبار السوست ايه سليمة ولا معووجة والله اعلم

[mkhalifa73]

انتظر شويه لما تعمل عدد كيلوات العفشه تريح وهتحس بفرق ان شاء الله

[mkhalifa73]

وممكن يكون فى كسور فى العربيه او الكبوت عايز يتلحم بالسيلكون

[mohamed2002]

روح للعفشجي اللي انت روحت له وجرب معاه العربية

[mohamed9999]

متااااااااااااابع باهتمام وشوف القنطره اللى شايله الماتور عشان لو مش متربطه كويس هتحسسك ان العربيه ماشيه نصين

[robeir]

عربيه اخويا كده برضوا بيصرف عليها و مفيش اى فرق

[bode_mw_2005]

عربيه اخويا كده برضوا بيصرف عليها و مفيش اى فرق

وانا كمان نفس الشىء ولا كأنى بدفع فلوس وبرضه بحس انها بترزع من كل حته وغيرت مساعد برضه وظبطت علبه دركسيون ولحمت كل حته فيها :(

[robeir]

يار ريت لو قدرت توصل لحل تعرفنا او لو فى حد عالج الوضوع ده يشاركنا

[Eng_Mostafa_89]

ال 128 هى بطبيعتها من ورا نشفة لانها على سوست ورق زى النص نقل كدة
السوست الورق ميزتها انك لو معلى العربية تحمل برحتك ومتنزلش ولا تحك وحلوة طول ما انت محمل
انما لو ماشي لوحدك العربية بتبقى نشفة بغباء وبتدب وترزع

ممكن لو انت حمولتك مش كتير توطى العربية من وار شوية وهى هتبقى تمام ان شاء الله

وحاجة كمان شوف العجل ممكن يكون منفوخ زيادة عن اللزم
انا بخلى العجل عندى على 28 وبتبقى العربية حنينة شوية

ومعلش سؤال كمان شوف عندك كام ورقة سوستة ورا

[mahshahin]

انا روحت ربط العشفة تانى وبردو زى ما هيا شكلى كدة هارضا بهذا الوضع .....انا لو بعيتها هاخسر فيها جامد.......ربنا يتوب علينا ويعملوا مشروع احلال الملاكى

[cyborg_ift]

قص السوست شويه وده كلام ثقه وعن تجربه وياريت تروح لعفشجي تاني وتجربه

[mohamed9999]

انا روحت ربط العشفة تانى وبردو زى ما هيا شكلى كدة هارضا بهذا الوضع .....انا لو بعيتها هاخسر فيها جامد.......ربنا يتوب علينا ويعملوا مشروع احلال الملاكى

يا ريييييييييييييييييييييييييييييييييييييييت