موتور 1600 بس العدادات مختلفة

[windofchange]

السلام عليكم اجدع ناسسسسسسس.....سؤال غريب الصراحة موتورين الأتنين 1600 واحد كوده alm والتاني كوده aee والأتنين 75 حصان....اللي نازل في الإيبيزا عداداته 220 كيلو و7000 rpm واللي نازل في البولو 200 كم و6000 rpm طيب هما ليه ماوحدوش العدادات والجولف3 نفس الموتور بكود مختلف 200 كيلو و7000 rpm سؤالي ليه ماوحدوش العدادت؟

[windofchange]

انا بقول ان الفرق في الrpm والكيلومتر ده بسبب وزن العربية والله يارجالة السؤال ده لكي يطمئن قلبي لأن في حوار تسقيط وكده وان شاء الله مش مضيعة وقت ياريت تشاركوني ارآئكم

[caysersosaih]

أكيد زي ماقلت عشان اختلاف الوزن وممكن اختلاف مجموعه الفتيس والدبرياج

[ehab_mansour]

اخي الفاضل الابيزا والبولو تقريبا زي بعض في الوزن ويمكن الابيزا تكون أتقل شوية عشان اكبر واعرض لكن اختلاف العدادات مع نفس المحرك مش شرط يكون لاختلاف السرعات ومحتمل يكون تغيير للشكل فقط واحد حابب شكل ده عن ده او لأي سبب أخر

[SAMEH_FOUAD]

كل شركة وليها اسلوبها وماعتقدش يعنى ان شركة سيات وشركة فولكس فاجن بالرغم من انهم مع بعض بس لازم يعملوا بعض الاختلافات مابين سياراتهم
بالنسبة للسرعة فبتبقى متحددة على حسب الفتيس يعنى ممكن يكون فتيس الابيزا اسرع من فتيس البولو عشان كدة هيفرق فى العزم وهيفرق فى السرعة القصوى بعكس البولو

[windofchange]

علي فكرة البولو اللي بتكلم عليها بشنطة بيسموها بولو كلاسيك واتقل من الإيبيزا يجي 80 كيلو,ايهاب باشا لا لأ مش الناس اللي مغيرة هنا في مصر ممكن لكن انا شفت صور عالنت للعربيات فابريكة مش متعدلة فيها الأختلاف ده مع ان الموتور واحد 75 حصان,استاذ سمسم يعني لما rpm يزيد العزم والسرعة يزيدوا انا افتكرت لما يكون اقل العزم يزيد؟,سيزر باشا اختلاف مجموعة الفتيس والدبرياج من ناحية ايه؟ وجزيتم خير

[SAMEH_FOUAD]

شوف ياباشا العزم لما عدد لفات الماتور تزيد طبعا بيبقى احسن واقوى بس اللى بيفرق فى حكاية السرعة والعزم

ان كل مالعزم يزيد السرعة القصوى بتقل , وكل مالعزم يقل السرعة القصوى بتزيد

عشان كدة الديزل عزمة قوى لكن مابيوصلش لسرعة عالية

والفكرة كلها فى موضوع العزم ان الماتور بيبقى عزمة كام عند عدد لفات قد اية يعنى لو هنفترض ان العربية عزمها الكلى
20 كجم بتوصل للعزم دة عند مثلا عدد لفات 4 الاف وهية اصلا اخر عدد لفاتها 6 الاف يبقى العربية دية نقدر نقول انها متوسطة المستوى لكن السيارات العالية زى البى ام مثلا بتوصل لاقصى عزم فى الماتور عند من 1500 لفة بس طبعا دة قوة ماتور رهيبة وتخليك تحس بالقوة اللى تحت رجليك

[windofchange]

مش عارف الصورة دي تفيد ولا لأ دي صورة عداد مكنة تربو ديزل 2000 سيسي بتنزل في ايبيزا


Uploaded with ImageShack.us
العدادت 5000 RPM معني كده ان العزم شديد لأن اللي فهمته لما ال RPM يزيد العزم يزيد والسرعة القصوي تقل في حاجة ناقصة؟! وجزاك الله خير ياسمسم انت عارف اصل الموتور اللي ادامي في نص البولو السيدان دي عداداته زي ال1000 سي سي اللي راكب عندي وفوت وكده انا عارف ان التسارع اكيد هيكون احسن بس نفس الموتور في ايبيزا 220 كيلو و7000 RPM فممكن ابدل مع الراجل بالمكنة دي مع ان اللي في النص شكلها انضف من اللي عالأرض عنده الميكانيكي اللي هيحكم طبعا

[windofchange]

علي فكرة البولو اللي بتكلم عليها بشنطة بيسموها بولو كلاسيك واتقل من الإيبيزا يجي 80 كيلو,ايهاب باشا لا لأ مش الناس اللي مغيرة هنا في مصر ممكن لكن انا شفت صور عالنت للعربيات فابريكة مش متعدلة فيها الأختلاف ده مع ان الموتور واحد 75 حصان,استاذ سمسم يعني لما rpm يزيد العزم والسرعة يزيدوا انا افتكرت لما يكون اقل العزم يزيد؟,سيزر باشا اختلاف مجموعة الفتيس والدبرياج من ناحية ايه؟ وجزيتم خير

طلعت اتقل من الإيبيزا ب35 كيلو مش 80 زي اللي في البولو السيدان 100 حصان ياريت متفتكروش الموضوع مضيعة للوقت يارجالة لأني ممكن اسيبله الموتور ال aee اللي في النص بس آخد كل اللي فالنص واجيب موتور ِalm 1600 بس ال220 كيلو 7000 rpm من عالأرض معتقدش هيقول لأ هي هي بس انا عربنته