أرجو المساعدة مع جين 2 2007

[weeja]

السيارة :جين 2 2007 أوتوماتيك
عدد الكم : 35000 كم
المشكلة : استهلاك بنزين عالي جدا بيوصل من 120:140 كم فقط في الصفيحة و أقل من كده كمان
أنا العربية شاريها مستعملة عاملة 23 ألف كم فقط ومن يومها والاستهلاك كده وعملت كل حاجة

1-غيرت فلاتر وبوجيهات في التوكيل
2-نظفت رشاشات بالالتراسونيك بره التوكيل و كانت حالتها كويسة ومش محتاجة
3-ثرموستات الرادياتير ماكانتش راكبة ركبت الأصلية في التوكيل
4-كشفت على العربية أكتر من مرة بالكمبيوتر والحساسات كلها سليمة والعربية على طول وهي واقفة مظبوطة على 850 rpm ومفيش دخان من ورا
5-في حاجة قالولي عليها في التوكيل :
ان الرادياتير فيه لحامات
وان جوان وش السلندر متغير بره التوكيل ومش أصلي

هل لحامات الرادياتير ممكن تأثر على كفاءته مع العلم ان المياه مابتنقصش والحرارة مظبوطة ؟؟؟
هل جوان وش السلندر اللي مش أصلي ممكن يوسع غرفة الحريق ويزود الاستهلاك بالشكل ده ؟؟؟ ولو هو فعلا السبب أتأكد منين ان هو ده السبب ؟؟؟؟
هل ممكن يكون في مشكلة في ال ecu ولو في مشكلة فعلا أعرفها منين و أحلها ازاي ؟؟؟

[elewey]

استاذى كل اللى انتا بتقوله كويس اوى طبعآ الردياتير ملهوش اى علاقه ما دام التبريد تمام بس مش غريبه عربيه ماشيه 23 الف كيلو مغيرة جوان وش سلندر اعتقد دة اللى غريب شوية

[aYaBooY]

لا يا ملك جوان وش السلندر مش هو السبب لوحدة
واضح كدة انك عندك مشكلة في طقم الصباب يعني العربية سخنت و الدنيا باظت الاخ الي باعلك مجرد عمل قشط و غير الجوان بس انت محتاج كدة تفك الوش و تراجع عليه كاملا من صبابات و دلايل و اويل سيهات
تقدر تعمل اختبار الجوان انك تدور العربية و هيا باردة و انت فاتح غطاء القربة او غطاء الريدياتير و تشوف المياه هاتنطر برة و لا لا لو الجوان بايز المفروض تنطر
كان عندي نفس الموضوع و العربية كانت بتعمل 200 كم في الصفيحة بالعافية و في الطوالي و من غير تكييف و بعد ما عملتة بقت بتعمل 280 و 290 في نفس الظروف و مكنتش مصدق نفسي
طيب لو مش جوان يبقي عندك مشكلة حساسات و الي يخلي العربية تفتري بنزين هو حساس الماف

[weeja]

استاذى كل اللى انتا بتقوله كويس اوى طبعآ الردياتير ملهوش اى علاقه ما دام التبريد تمام بس مش غريبه عربيه ماشيه 23 الف كيلو مغيرة جوان وش سلندر اعتقد دة اللى غريب شوية

ماهو ده ياباشا اللي هيجنني

لا يا ملك جوان وش السلندر مش هو السبب لوحدة
واضح كدة انك عندك مشكلة في طقم الصباب يعني العربية سخنت و الدنيا باظت الاخ الي باعلك مجرد عمل قشط و غير الجوان بس انت محتاج كدة تفك الوش و تراجع عليه كاملا من صبابات و دلايل و اويل سيهات
تقدر تعمل اختبار الجوان انك تدور العربية و هيا باردة و انت فاتح غطاء القربة او غطاء الريدياتير و تشوف المياه هاتنطر برة و لا لا لو الجوان بايز المفروض تنطر
كان عندي نفس الموضوع و العربية كانت بتعمل 200 كم في الصفيحة بالعافية و في الطوالي و من غير تكييف و بعد ما عملتة بقت بتعمل 280 و 290 في نفس الظروف و مكنتش مصدق نفسي
طيب لو مش جوان يبقي عندك مشكلة حساسات و الي يخلي العربية تفتري بنزين هو حساس الماف

شكرا ياباشا على الرد بس اعذرني أنا خبرتي قليلة هو كذا ميكانيكي قالولي لو الجوان سمكه كبير ممكن يوسع غرفة الحريق ويزود الاستهلاك مامدى صحة الكلام ده ؟؟؟
بس الجوان سليم والعربية مابتسخنش ومابتنطرش مياه
ولو في حاجة فعلا في الصبابات والدلايل زي ماحضرتك بتقول مفيش طريقة أعرف بيها قبل مافك الليلة دي كلها ؟؟؟
وهل الصبابات والحاجات دي لو فيها حاجة عايزة تتغير هل ممكن يركب حاجة بتاعة عربية تانية ولا لازم نفس الموديل ؟؟
وحساس الماف ده ممكن مايظهرش في الكشف بالكمبيوتر عشان أنا كشفت اكتر من مرة والحساسات كلها سليمة ؟؟؟