العربية مش عايزة تدور

[khaled_sabry]

السلام عليكم .
انا معايا bmw e30 مو 90 الموقف كالتالى وانا ماشى بالعربية على 20 بطلت منى قولت عادى جيت ادور تانى مرديتش الفكرة ان صوت المارش عادى يعنى هو هو نفس الصوت اللى قبل الدوران المهم حاولت ازقها وارميلها مارديتش تدور ... قولت ممكن فصلت بنزين و مؤشر البنزين معلق مع ان المؤشر على 25 لتر . روحت جبت بنزين و برده مفيش فايدة .. رحت راكن العربية فى المكان اللى عطلت فيه و طبعا الوقت متأخر انى اجيب ميكانيكى قولت اسأل هنا يمكن حد يفيدنى .. ملحوظة غربية حاولت ادور كذا مرة ولما نزلت من العربية كان فية رائحة بنزين ظاهرة جدا بس بصراحة معرفتش هيا منين بصيت تحت العربية مفيش اى حاجة .. ملحوظة اخرى . كهربة العربية شغالة كويس جدا يعنى الكاسيت و الزجاج و السنتر شغال مفيش مشاكل ودة يدل ان البطارية سليمة لأنى كمان لسة مغيرها من اسبوع منتظر ردودكم وانشاء الله نوصل لحل

شكرا

حصلت معايا الاسبوع اللى فات
و كان حلها بمنتهى البساطه انى غيرت الكوندنسر و اشتغلت بعد كده زى الفل
وموضوع ريحة البنزين دى علشان اكيد العربيه شرقت من كتر ما بتدوس بنزين و مش بتدور

فانتا اعمل كالاتى : اشترى ابلاتين و كوندنسر لأن العيب في واحد منهم (الاتنين ب 20 جنيه على بعض ) و غيرهم باللى راكب عندك و بعد كده دور عادى ولو شكيت ان العربيه شرقانه من كتر دوس البنزين فاضغط للأخر على الدواسه و انتا بتدور و استنى ثانيتين او تلاته و انتا فاتح المارش . حتلاقى العربيه دارت باذن الله

[amr_paolo]

بص يا باشا أنا حصل معايا نفس الحركة ديه وكانت العربية ماشية تمام التمام وفجأة بطلت ومش عاوزة تدور نهائياً وعملت كل اللي الاخوة قالوه ده وطلع كل شيء سليم في الكهرباء والموبينة
روحت للكهربائي وكشف على طرمبة البنزين ولما فكها ونظفها دارت العربية وبقت تمام ولكن رجعت تاني زي الأول قطعت ومش عايزة تدور . طلع ان طرمبة البنزين بتعلق تشتغل شوية وتفصل تاني
روحت مغيرها واشتريت واحدة جديدة ماركة بوش الألماني وركبها وبقت العربية تمام التمام زي الأول
فأكيد ديه طرمبة البنزين
شوف كدة وابقى قولنا ايه الأخبار عشان نطمن
مع العلم عربيتي سيات قرطبة مو97

[bassam266]

بص يا باشا أنا حصل معايا نفس الحركة ديه وكانت العربية ماشية تمام التمام وفجأة بطلت ومش عاوزة تدور نهائياً وعملت كل اللي الاخوة قالوه ده وطلع كل شيء سليم في الكهرباء والموبينة
روحت للكهربائي وكشف على طرمبة البنزين ولما فكها ونظفها دارت العربية وبقت تمام ولكن رجعت تاني زي الأول قطعت ومش عايزة تدور . طلع ان طرمبة البنزين بتعلق تشتغل شوية وتفصل تاني
روحت مغيرها واشتريت واحدة جديدة ماركة بوش الألماني وركبها وبقت العربية تمام التمام زي الأول
فأكيد ديه طرمبة البنزين
شوف كدة وابقى قولنا ايه الأخبار عشان نطمن
مع العلم عربيتي سيات قرطبة مو97

لو طرمبه البنزين فيها حاجه العربيه مش حتشرق دى حاجه تانى حاجه نرجع للموضوع من الاول ايه اللى يخلى اى عربيه متدورش حاجه من اتنين يا مفيش بنزين يا مفيش كهرباء طيب فيه بنزين يبقى مفيش كهرباء يعنى ايه كهرباء (بطاريه-موبينه-اسبراتير-سلوك-بوجيهات-مارش)
البطاريه: سليمه لان كهربه العربيه تمام غير انها جديده
مارش: الراجل بيقول صوته طبيعى
بوجيهات: مش معقول كلها حتقطع مره واحده يعنى على الاقل تدور بس تبقى متلته مش الاربعه قطعوا
يبقى فاضل ايه حاجه من اثنين يا موبينه يا اسبراتير(ابلاتين و كندنسر) شوف ال3 حاجات دول اكيد حاجه فيهم بايظه (ابلاتين-كوندنسر-موبينه) و ربنا معاك الموضوع مش صعب سواء كانت فى اى حاجه من الثلاثه خمس دقايق عند اى ميكانيكى و خلاص

[cOrn]

انا تعبت والله و زهقت ... روحت عند العربية جربت ادور تانى النهاردة مفيش .. فكيت الكنبة الخلفية و بصيت على الطرمبة و سمعت صوتها لما باجى ادور جبت كهربائى فك خراطيم الطرمبة و جابت بنزين من خرطومين (الراجع - والداخل) كشف على الموبينة والبوجيهات والفيوزات كلها شغالة المشكلة ان العربية واقفة فى مكان مفيش فيه حد بتاع بى ام دابليو و مش عارف اعمل اية

[cOrn]

لو طرمبه البنزين فيها حاجه العربيه مش حتشرق دى حاجه تانى حاجه نرجع للموضوع من الاول ايه اللى يخلى اى عربيه متدورش حاجه من اتنين يا مفيش بنزين يا مفيش كهرباء طيب فيه بنزين يبقى مفيش كهرباء يعنى ايه كهرباء (بطاريه-موبينه-اسبراتير-سلوك-بوجيهات-مارش)
البطاريه: سليمه لان كهربه العربيه تمام غير انها جديده
مارش: الراجل بيقول صوته طبيعى
بوجيهات: مش معقول كلها حتقطع مره واحده يعنى على الاقل تدور بس تبقى متلته مش الاربعه قطعوا
يبقى فاضل ايه حاجه من اثنين يا موبينه يا اسبراتير(ابلاتين و كندنسر) شوف ال3 حاجات دول اكيد حاجه فيهم بايظه (ابلاتين-كوندنسر-موبينه) و ربنا معاك الموضوع مش صعب سواء كانت فى اى حاجه من الثلاثه خمس دقايق عند اى ميكانيكى و خلاص

العربية انجكشن... اسف انى موضحتش

[cOrn]

دلوقتى انا كشفت على ( طرمبة البنزين - البطارية - الفيوزات - البوجيهات - الموبينة - المارش صوتة طبيعى - الكهربة طبيعية - كشفت على كتاوت طرمبة البنزين وطلعت سليمة) اية الحل طيب ؟ !!! ان شاء الله فى كهربائى متخصص بى ام جايلى وهقولكو الاخبار اول بأول واللى عنده معلومة ياريت يقولها منتظر ردودكم واسف للازعاج و شكرا

[Abody1985]

ان شاء الله مليون % العربية مأخره كهربااا وحصلت معايا نفس المشكلة باللظبط من شهر

[Abody1985]

الاسبراتير مأخر كهربااااااااااااااااااااااااااااااااا

[cOrn]

الكهربائى المتخصص فى البى ام جالى و كشف على كتاوتات الطرمبة و لقى ان الطرمبة مأخرة ضخ البنزين و بتقطع ومش بتضخ بنزين كفاية مع انها شغالة وقالى اجيب طرمبة وهو هيركبهالى دلوقتى انا محتار اجيب استيراد ولا جديد عشان الناس بتقول الجديد عمره قليل حد عنده فكرة؟؟

[Zika9909]

السلام عليكم .
ملحوظة غربية حاولت ادور كذا مرة ولما نزلت من العربية كان فية رائحة بنزين ظاهرة جدا بس بصراحة معرفتش هيا منين بصيت تحت العربية مفيش اى حاجة

هناك رائحة قوية للبنزين تنبعث من العادم:

تلاحظ انبعاث رائحة البنزين من العادم. تجعلك تعتقد أن هناك تسريب للبنزين

الأسباب المحتملة:

1. هناك احتمال بتلف في نظام التحكم الإليكتروني للمحرك: أفحص نظام التحكم في المحرك بواسطة معدة الفحص (scan tool). أفحص الدوائر وقم بإصلاح أو استبدال الأجزاء حسب ما هو مطلوب.

2. هناك مشاكل في الإشعال: أفحص واستبدال غطاء الموزع, العضو الدوار(الشاكوش), أسلاك الإشعال, وشمعات الإشعال.

3. عدم نظافة البخاخات: نظف أو استبدل البخاخات.

4. المحرك قد يعاني من مشاكل ميكانيكية: قم بإجراء اختبار الضغط للتأكد من حالة المحرك.

5. في حالة وجود مغذي (كربراتير) بالسيارة, فهناك احتمال أن يكون خانق بدأ الإدارة مثبت في وضع إغلاق: قم بإصلاحه أو استبداله.

6. قد يكون هناك تسريب للتخلخل: قم بإصلاح أو استبدال خطوط التخلخل.


"منقول"


___________________________

اللون الأحمر مخصص للمداخلات الأداريه

يرجى مراجعة قواعد المنتدى


مشرف الورشه

[mo7a_mo7a]

والله لو ضامن ان الجديد الماني اصلي يبقي جديد
لو شاكك هات استيراد احسن

[cOrn]

و دة اللى انا عملته فعلا و جبت bosch المانى اصلى وتمت العملية بنجاح و العربية بقت تمام الحمدلله

[amr_paolo]

و دة اللى انا عملته فعلا و جبت bosch المانى اصلى وتمت العملية بنجاح و العربية بقت تمام الحمدلله

الحمد لله انها قامت بالسلامة وكويس انك جبت طرمبة جديدة لأنها دي نفس اللي أنا جبتها

[mo7a_mo7a]

و دة اللى انا عملته فعلا و جبت bosch المانى اصلى وتمت العملية بنجاح و العربية بقت تمام الحمدلله

الف حمد الله علي سلامة العربية
وان شاء الله تكون اخر المواقف المتعبة بس انت مقلتلناش علي الاسعار للافادة

تقبل تحياتي

[cOrn]

الف حمد الله علي سلامة العربية
وان شاء الله تكون اخر المواقف المتعبة بس انت مقلتلناش علي الاسعار للافادة

تقبل تحياتي

سعر الطرمبة ال bosch المانى اللى انا جبتها 700 جنية جديدة طبعا و بييجى معاها فلتر طرمبة وفيشة و خرطوم صغير عشان تغير القديم اللى طالع من التانك