حد يدلنى على محل قطع غيار نضيف فى الاسكندرية

[teto2007]

سلام عليكم كل سنة وانتم طيبين
ممكن حد يدلنى على حد يكون عندة قطع غيار اصلية للفيات 128 فى شارع صلاح الدين او اى مكان اخر بس يكون حاجتة نضيفة وشكرا ليكم

[smsm_nabawy]

متابع بأهتماام ،،

أنا كمان من أسكندرية ،، و عايز حد يكون بتاع فيات نضيف

[thegoodhacker]

عندك محل قطع غيار مشهور جدا في منطقة ( عزبة سعد ) اسمه ( سعيد نصار ).... قطع غياره مضمونة عن تجربة و بيبقي عنده كذا نوع لقطعة الغيار الواحدة يعني عنده قطع الغيار الايطالي و الصيني و لو فيه انتاج تاني وعنده اكيد حيقولك عليه ...
هو موجود في الشارع الواصل بين كوبري الابراهيمية و ميدان عزبة سعد

[smsm_nabawy]

عندك محل قطع غيار مشهور جدا في منطقة ( عزبة سعد ) اسمه ( سعيد نصار ).... قطع غياره مضمونة عن تجربة و بيبقي عنده كذا نوع لقطعة الغيار الواحدة يعني عنده قطع الغيار الايطالي و الصيني و لو فيه انتاج تاني وعنده اكيد حيقولك عليه ...
هو موجود في الشارع الواصل بين كوبري الابراهيمية و ميدان عزبة سعد

أيوه ، أيوه ،،

عارفه يا فندم ،، بس والله جربت من عنده حاجات بالهبل ،، و ولا أصلية ولا حاجة ،، أشتريت من عنده دريكسون شاهين ،، قاللي أصلي و مش أصلي و دفعت فيه 170 جنيه بعد عناء معاه ،، و طلع مش أصلي ولا حاجة ،،

و أشتريت من عنده شماسات اللي بتتحط على الجنب ،، و بعد مأخدتها للسروجي ،، أكتشفت أن واحدة لونها سوده ، و اتنين لونهم عسلي و الرابعة فحلققي

و رحت قبل كده ليه عشان زوور شاهين ،، قاللي معندوش و بعتني لواحد في صلاح الدين ،، و الزور بعد ماشتريته و رجعت سيدي بشر تاني أحطه ،، لقيت الزور بيلللق بالطارة السبور الجديدة اللي جبتها ،، جبت تارة سببوور جديدة مخصووص عشان اللي أشتريتها منه مكنتش أصلية و مكنش الكلاكس بيشتغل ،، و حالتها بلا

بجد
حسبي الله هو نعم الوكيل ،،
على العموم يمكن هو كده معايا انا بسس،، لأن اللي غاظني أن كل مجمع المستلزمات بتاعت العربيات اللي في منظقة عزبة سعد كله بيشكر فيه ، و مجرد مقلو شاهين أو فيات ،، يقولي سعيد نصار

مش عارف بقى ،، ربنا يسهل و نلاقي حاجة تانية

أديني حالياً ماشي بالتارة القديم الأصلية و لسة موديها من كام يوم التوكيل و الحمد لله صلحوا الحاجة اللي فيها ،، و سألت على الطارة الأصلي قاللولي ب 300 و حاجة

[teto2007]

شكرا للاخوة على الرد والاهتمام ولو فية حد عندة ناس يعرفها يا ريت ميبخلش علينا ويقولنا مكانة فين وشكرا ليكم

[mo7a_mo7a]

في محل يتاع فيات في فلمنج علي الترام .. انا مبتعاملش معاه بس حبيت اساعد
وفي واحد تاني في شارع عبد الناصر عند تقاطع محمد نجيب وده اسعاره جملة

[smsm_nabawy]

وفي واحد تاني في شارع عبد الناصر عند تقاطع محمد نجيب وده اسعاره جملة

اها ،، ده بشوفه كتير ،، عشان جنب بيتي ،، لو كده الاستاذ صاحب الموضوع الأصلي عايز يسأل عن حاجة ،، و المكان بعيدعنه ،، انا ممكن أسأل لحضرتك على القطع اللي عايزها ،، و أشوفلك ايه النظام و كده

[teto2007]

اها ،، ده بشوفه كتير ،، عشان جنب بيتي ،، لو كده الاستاذ صاحب الموضوع الأصلي عايز يسأل عن حاجة ،، و المكان بعيدعنه ،، انا ممكن أسأل لحضرتك على القطع اللي عايزها ،، و أشوفلك ايه النظام و كده

شكرا اخى على تعاونك معى كنت عاوز اسال على طقم الدبرياج بس الايطالى الاصلى ويا ريت حضرتك تقولى عنوانة بالظبط واكون شاكر لحضرتك

[ahmed_moeaz]

المهندس على ايدك الشمال وانت فى صلاح الدين فى اتجاه الدومبسكى وفيه النونو برضو
وعن تجربة ناس محترمة وفيه حاجات بتاخدها على تجربة وشوف مبدأ فى الشراء عامة انزل اسأل ودور كويس فى صلاح الدين وشوف الاسعار والانواع وقرر بنفسك اختيارك

[smsm_nabawy]

هو نظام عربية حضرتك ايه ؟!!

128
بس موديل سنة كام ؟!

[mohamed2002]

بص انت تنزل تبص علي الانواع والاسعار في صلاح الدين وتاخد فكرة كويسة وعلي اساسها تقدر تشتري
وكمان في ابوطبل في الساعة عنده طقم الماني لل 128 في علبة برتقالي

[teto2007]

هو نظام عربية حضرتك ايه ؟!!

128
بس موديل سنة كام ؟!

موديل العربية 91 جراند لوكس

[smsm_nabawy]

موديل العربية 91 جراند لوكس

أوك
انا بكرة أسأللك أن شاء الله ،، و اجاوب عليك بكرة او بعده بالكتير أوي ان شاء الرحمن

[teto2007]

أوك
انا بكرة أسأللك أن شاء الله ،، و اجاوب عليك بكرة او بعده بالكتير أوي ان شاء الرحمن

شكرا اخى الكريم وكل عام وانت بخير

[mo7a_mo7a]

اها ،، ده بشوفه كتير ،، عشان جنب بيتي ،، لو كده الاستاذ صاحب الموضوع الأصلي عايز يسأل عن حاجة ،، و المكان بعيدعنه ،، انا ممكن أسأل لحضرتك على القطع اللي عايزها ،، و أشوفلك ايه النظام و كده

هو ده التعاون يا رجالة مداخلة تستحق الاشادة