ما هى اشهر محلات لبي بطاريات السيارات فى القاهرة

[mhae20032003]

السلام عليكم اعضاء المنتدى الموقر
عربيتى كيا برايد
انشغلت عن العربية كام يوم فنامت البطارية وخليت واحد صاحبى عملى توصيلة ودارت بس بعد دقيقة الموتور بيبطل تانى
قلت اشحن البطارية عند الكهربائى فلما قاس لى البطارية قالى ان فيها ربعين ساقطين
عندى استفسارين :
1- ليه العربية بتبطل بعد عمل توصية من بطارية اخرى ودوران المحرك
2- ما هى أشهر محلات لبيع البطاريات فى القاهرة عشان انا عرفت من المنتدى الجميل ده ان فيه محلات بتبقى راكنة البطاريات فترة وطبعا ده بيقصر من عمرها
يعنى ايه المحلات المشهورة والمضمونة لبيع بطاريات فارتا و ac delco
شكرا مقدما على الردود

[mhae20032003]

وكان فيه صديق ليا اقترح عليا انى اجيب بطارية 60 امبير علما بان بطاريتها الاصلية 55 امبير
بداعى ان ده احسن للعربية

[blazer]

جيب اللى مكتوب فى الكاتالوج
لان لو جبت اكتر الدينامو ممكن مش هيقدر يشحنها و هيأثر عليه

[mhae20032003]

شكرا للاخ blazer للرد ومستنى باقى الردود

[Akram]

فيه محل اولاد البيومي في ميدان الدقي , ما شاء الله شغالين تمام و اسعاهم كويسة

[mhae20032003]

مشكوووووور والله يعطيك الف عافيه

[karimfahmy99]

فيه محل اولاد البيومي في ميدان الدقي , ما شاء الله شغالين تمام و اسعاهم كويسة

+1

و عندك محل ممدوح مبروك بعد ترعة المريوطية مستورد بطارات فارتا الالمانية

و هات ال 55 امبير بس متزودش

[mhae20032003]

شكرا لمرورك على موضوعي وهذا شرف لي ووسام على صدري

[al_manara]

انا مغير البطارية عندي كانت 55 امبير جيبتها 70 والدينامو عندي كان 65 جيبتة بتاع 75 . انا ملاحظ فرق في الاضائة ولو مشغل كذا حاجة فيها نور يعني مثلا النور العالي والكاسيت والاشارات ونور الصالون منور مش هاتلاقي النور بتاع اي حاجة بيضعف خالص .

[mhae20032003]

مشكوووووور والله يعطيك الف عافيه

[Adham]

مافيش 60

بعد ال 55 فية ال 70

و بصراحه ال 70 كتير قوي على برايد

ممكن الدينامو ما يستحملش يشحنها كويس

55 كفاية قوي هات زيها

انا لما باعوز بطاريات باجيب من تاجر جملة في مدينة نصر في شارع مصطفى النحاس - في النص بالضبط بين الطيران و عباس العقاد

اسمة ابو اسماعيل

ناس محترمين قوي و أمناء

لسة جايب منة بطارية للفرونتيرا 70 امبير (كلورايد بس مش جافة) دفعت 170 جنية و اخد القديمة التالفه (كانت كلورايد جافة)

[horeen]

ممدوح عطاطى فى شارع عباس العقاد جنب جنينه مول ده توكيل فارتا 100100