لمبه الزيت

[stif]

بعد اذنكم لمبه الزيت عندي بتنور في التبلوه بعد ما ادور العربيه
وبتفضل منوره وكمان بيخرج من الشكمان عادم اسود عاوز اعرف
المشكله من ايه وشكراَ

[samirayad]

1- أكشف على مقاس الزيت ولازم تكون متابع جيد لتغيير الزيت والفلتر فى موعدهما

2- لو كله تمام من ناحية الزيت والفلتر

يبقى ممكن تكون ساعة الزيت محتاجه التغيير

ولو تغيير الساعه مجبش نتيجه

يبقى حتحتاج تلقى نظره على مصفة الطلمبه بالكرتير وقد تحتاج أيضا لتغيير طلمبة الزيت

بس خللى موضوع الطلمبه فى نهاية المطاف

[mo7a_mo7a]

1- أكشف على مقاس الزيت ولازم تكون متابع جيد لتغيير الزيت والفلتر فى موعدهما

2- لو كله تمام من ناحية الزيت والفلتر

يبقى ممكن تكون ساعة الزيت محتاجه التغيير

ولو تغيير الساعه مجبش نتيجه

يبقى حتحتاج تلقى نظره على مصفة الطلمبه بالكرتير وقد تحتاج أيضا لتغيير طلمبة الزيت

بس خللى موضوع الطلمبه فى نهاية المطاف

[stif]

انا فعلاً كشفت علي مقاس الزيت لاقيته كويس لاني لسه مغير
زيت كامل للعربيه من حوالي 15 يوم
بالنسبه ساعة الزيت محتاجه التغيير دي مكانها فين بالضبط
وممكن انا اغيرها ولا محتاجه اروح تاني للميكانيكي وشكراً لاهتمامك

[karimfahmy99]

اضافة هامة

ممكن يكون عيب زيت نفسة كثافتة رديئة و الحساس مبيحسش بية . انت متاكد من نوع الزيت اللى حطيتة جديد و المشكلة دى كانت موجودة قبل تغير الزيت و لا ظهرت بعد تغير الزيت . و السؤال التانى المهم انت مغير فلتر الزيت امتى ؟؟؟ يعنى عامل كام الف بالفلتر اللى راكب ؟؟؟؟ الفلتر لو مخنوق يخللى اللمبة تنور نتيجة لقصور فى دورة الزيت

و لو كل دا سليم 100 100 يبقى زى ما قال الاخ سمير اما الحساس او المصفة مع انى استبعدها و الارجح ضعف فى طلمبة الزيت و يلزم تغيرها

[stif]

شكراً علي الردود
انا كنت عند الميكانيكي النهارده ومن صبحيه ربنا وهو بيشتغل فيها وغير طرمبه البنزين
ولسه العطل موجود وغير فلتير البنزين ولسه العطل موجود وغير البوجيهات وهكذااااا
لغايه لما اتخنئت وبعدين خدها يكشف كمبيوتر وقاله انا شاكك في الاسبيراتير وغيره
وجبت واحد تاني مستعمل وركبه ولسه العطل موجود يدوبك تدور وتمشي بيها 100 متر وتبطل ومتدورش وانزل زق يا باشا ..........
واخيراً وديتها لمحل كشف اعطال كمبيوتر في فيصل ده غير الاولاني طلع العطل في حاجه اسمها حساس الميه ده غلبني علشان اجيبه وياريت لقيته بعد لف 3 ساعات مابين الدقي وفيصل والتوفيقيه وفي الاخر ملئتهوش خليته خرط واحد والحمد لله اشتغلت
ودارت وبطلت تقطع معلش اسف علي الاطاله بس حبيت اشرح كل المشكله وشكراً

[karimfahmy99]

شكراً علي الردود
انا كنت عند الميكانيكي النهارده ومن صبحيه ربنا وهو بيشتغل فيها وغير طرمبه البنزين
ولسه العطل موجود وغير فلتير البنزين ولسه العطل موجود وغير البوجيهات وهكذااااا
لغايه لما اتخنئت وبعدين خدها يكشف كمبيوتر وقاله انا شاكك في الاسبيراتير وغيره
وجبت واحد تاني مستعمل وركبه ولسه العطل موجود يدوبك تدور وتمشي بيها 100 متر وتبطل ومتدورش وانزل زق يا باشا ..........
واخيراً وديتها لمحل كشف اعطال كمبيوتر في فيصل ده غير الاولاني طلع العطل في حاجه اسمها حساس الميه ده غلبني علشان اجيبه وياريت لقيته بعد لف 3 ساعات مابين الدقي وفيصل والتوفيقيه وفي الاخر ملئتهوش خليته خرط واحد والحمد لله اشتغلت
ودارت وبطلت تقطع معلش اسف علي الاطاله بس حبيت اشرح كل المشكله وشكراً

ياريت لو توضحلنا اكتر دا اية و مكانة فين و بيعمل اية

[stif]

فصد حضرتك علي مكان الكشف بالكمبيوتر علي الاعطال
ولا علي ايه بالظبت لاني مش فاهم السؤال سامحني