ما هوا الحل في سيارات الحوادث؟؟؟

[ooso28]

اريد ان اعرف ما هي الطرقه لاعادة اصلاح سياره حادث
هل هوا تغيير نص او ربع حسب حالة الحادثه ولا ترمي العربيه
وهلي تغيير نص مثلا لازم تصريح او كده وهل هيا عملية شرعيه
وهل تؤثر علي متانة السياره
الرجاء الافاده باي معلومه حتي لو كانت بسيطه

[tamer_a7]

الحل بيعتمد علي مدي الدمار اللي حصل في العربيه يعني الموضوع غير قابل للاصلاح ولا ايه
طبعا تغيير الربع والنص بيكون فعلا فعال جدا بس برده بيعيب العربيه عيب قاتل تماما

[dr_haitham79]

سبحان الله
كنت داخل النهاردة عشان اسأل عن نفس الموضوع!

الحكاية انى سمعت عن عربية شاهين
مغيرة نص كامل
موديل تسعينات
ومطلوب فيها 18 ألف

فكنت عايز أعرف عموما
هل العربية اللى مركبة نص دى أمان ؟
هل لحام العفشة دة بيبقى جامد ؟ مظبوط ؟
واتأكد ازاى ؟

ولو كان الموضوع بيتعمل صح والعربية بتبقى تمام..
ليه تمنها بينزل قوى كدة؟؟

وباسأل أنا كمان عن موقفها فى المرور والتراخيص وكدة.

[ahmed_moeaz]

تغيير النص السمكرى بيلحم رقم الشاسية فى النص الجديد اللى راكب وان كانت عملية فعالة ولا لأ فبتعتمد على كفاءة السمكرى والنص الراكب يكون نفس الموديل والمقاسات واتفاقك مع السمكرى على التجربة ومتدلوش فلوسه كلها مرة واحدة ولا تديله حقه كامل الا ميخلص شغله تماماً وتجرب العربية بنفسك
لسه عربية واحد صاحبى كانت مقلوبة وغيرت نص بصراحة السمكرى ظبتها لكن تقفيل العربية كان سىء جداً مع انها بيجو 504
اما من وجهة نظرى الخاصة لو العربية هتغير نص وهتفتح فى المصاريف فانا ابيعها على حالتها واستعوض ربنا فيها واشترى راحة بالى وان عملية الاصلاح غير مضمون نتائجها

[cOrn]

فى ناس بتاخد عربيات الحوادث دى تشتريها وتستنفع بيها يعنى فى جميع الاحول مش هترمى العربية و هحاول اجيبلك ارقامهم وموضوع تغيير نص وربع دة لو العربية تستاهل هى نوع العربية اية؟

[al_manara]

تغيير النص السمكرى بيلحم رقم الشاسية فى النص الجديد اللى راكب وان كانت عملية فعالة ولا لأ فبتعتمد على كفاءة السمكرى والنص الراكب يكون نفس الموديل والمقاسات واتفاقك مع السمكرى على التجربة ومتدلوش فلوسه كلها مرة واحدة ولا تديله حقه كامل الا ميخلص شغله تماماً وتجرب العربية بنفسك
لسه عربية واحد صاحبى كانت مقلوبة وغيرت نص بصراحة السمكرى ظبتها لكن تقفيل العربية كان سىء جداً مع انها بيجو 504
اما من وجهة نظرى الخاصة لو العربية هتغير نص وهتفتح فى المصاريف فانا ابيعها على حالتها واستعوض ربنا فيها واشترى راحة بالى وان عملية الاصلاح غير مضمون نتائجها

تمام كدة . المهم السمكري يكون شغلة عامل ازاي خصوصا ان الشغل الكويس بيكون مكلف مش رخيص . ليا تجربة مع واحد صاحبي مغير ربع ومغير صدر . الناس مابتعرفش ان فيها حاجة . والعربية ما شاء الله عليها ممتازة

وواحد كمان اعرفة مغير نص والعربيو ولا كان فيها حاجة . بس المهم تكون مستعد لانها هاتصرف كتير اوي . وهما كانوا بيصرفوا عشان مش هايبيعوا بيحبوا عربياتهم اوي . ربنا يبارك لهم فيها . ويكفينا شر الطريق .

[ooso28]

العربيه افيو موديل 2008 دي لو اتباعت علي حالتها تعمل كام؟؟؟

[ooso28]

لون العربيه اسود هل ينفعلها نص ابيض ؟؟؟

[al_manara]

العربيه افيو موديل 2008 دي لو اتباعت علي حالتها تعمل كام؟؟؟

لو تحط لنا صورة يكون احسن
حجم الخسائر اد اية عشان الي بيفهم في الحاجات دي يفيدك من حيث سعرها لو هاتبيعها او تكلفت تصليحها
وربنا يعوض عليك . المهم تكون بخير

لون العربيه اسود هل ينفعلها نص ابيض ؟؟؟

اة ينفع لانة هايترش .

[dr_haitham79]

طيب لو أنا اللى بشترى عربية غيرت نص بالفعل
اتأكد من ايه؟
واخللى بالى من ايه؟
هل فيه خطورة من ان مكان اللحام ينفصل اسهل من العادى؟
معلش أنا بسأل عشان دة اللى سمعته قبل كدة

[ahmed_moeaz]

وليه تشترى عربية معيوبة ومغيرة نص حضرتك عارف الشغل حصل فيها ازاى ومناطق اللحام فين وكفاءة اللحام نفسه
وعامة على حد معلوماتى البسيطة لو العربية اتلحمت واتظبت على ماشة كويسة فيه اختبار بتعملة بعد مترصص العجل وتظبت الزوايا كويس على الكمبيوتر
تطلع بالعربية وتمشى بيها فى طريق طوالى تجيب بيها مثلاً 60 وتسيب الدركسيون والعربية ماشية وشوية وتزود ل70 وتسيب وهكذا لغاية متجيب سرعة مناسبة وتشوف العربية فيها شدة او بتحدف جامد يبقى كده العربية مش مظبوتة كان ليا جاى عنده تويوتا مقلوبة وكان فيه عصرات فى الشاسية والسقف وغيرت قايم وعملت الاختبار ده لحد 160 وما شاء الله العربية مظبوتة
انما كفاءة اللحام دى العلم عند الله

[ashohdy]

انا ليا رأى مع مراعاة (اللى ايده فى المياه مش زى اللى ايده فى النار ) واحد صاحبى اتقلب بالعربية من سنتين ، الحمد لله انه طلع سليم منها العربية دى وقتها كانت تعمل (قبل الحادثة طبعا ) 45 الف ( رينو كليو 2004 او 2003 مش فاكر بصراحة ) وبعد مااطمنا على صاحبنا وفوقنا عملنا جلسات عمل والحقيقة واحد من اصحابنا كان ليه رأى وطلع صواب فى الاخر .. ان العربية طبعا ترجع زى الاول واحسن لكن احنا افندية ومش هانعرف نعملها كويس واغلب العروض جاتلنا انها تتصلح ب 25 الف .. المهم قررنا اننا نجيب اعلى سعر لبيعها على حالتها ونصبر عليها تتصوروا جابت 25 الف !!! ده معناه ان اللى اخدها وهو طبعا مش عبيط مش هايصرف اكتر من 15 الف عشان يبيعها ب 45 ويكسب خمسة .. اسف انى اطلت لكن اللى عاوز اقوله ان افضل الحلول تكلم الناس اللى بتاخد سيارات الحوادث وتجيب افضل العروض وبيعها افضل .. فى حلوان فيه واحد متخصص ومشهور جدا جدا اسمه السنديونى وعنده مركز كبير للاصلاح وهو اللى استرى مننا الرينو وقتها .. لو حضرتك حابب تروحله ابعتلى وانا اوصفلك مكانه وربنا يسترها معانا جميعا