العربية بتبطل وأنا ماشى .. يا أستاذ سمير !

[hobakora]

السيارة إكسيل 97 1500 سى سى الماتور خفيف سنه بسيطه

أنا عندى مشكلة أكثر من مرة وأنا ماشى على الرابع مثلاً وعلى عزم شديد

ألاقى العربية بطلت وفصلت وأنوار التبلوه تنور، أروح مشغل وأنا ماشى تانى

مش عارف من إيه

أنا لسه مغير بوجيهات وكابلات .. وزيت فيسكو 2000 .عامل 800 ك حتى الأن
بالنسبة للزيت كان اول 500 ك الماتور هادى وبعد كده بدأ الصوت يعلى تانى

هل فى عيب فى الكهربا ( بطاريه - أبلاتين - كوندنسر -موبينه ) ولا البوجيهات ولا الزيت ( كنت بحط موبيل 1)

ولا فلتر البنزين ولا إيه .. يا أستاذ سمير حبيب الملايين

[hobakora]

ماحدش بيرد ليه ؟؟ رمضان كريم

[Adham]

[size=3]
هل فى عيب فى الكهربا ( بطاريه - أبلاتين - كوندنسر -موبينه ) ولا البوجيهات ولا الزيت ( كنت بحط موبيل 1)

ولا فلتر البنزين ولا إيه

طالما العربية بتفصل انوار يبقى في عيب في كهرباء السيارة قفلة في الضفيرة

دي غالبا حاتلاقي سلك معين عريان و مدلدل من العربية و لما السرعه بتزيد السلك دة بيتطوح لوراء مع الهواء و يلمس البودي او الموتور و يعمل قفلة

الموضوع دة خطر و شوف كهربائي بسرعه

واعتقد الاكسيل مافيهاش لا ابلاتين و لا كوندنسر

[karimfahmy99]

ممكن فبرة الكونتاكت هى اللى بتعمل كدة . من الخطأ الشائع انك تلاقى الناس حاطة مفتاح كونتاكت العربية مع مفتاح البيت و المكتب و ....................... يعنى مدالية تهمة و اللى شايل دا سرة الكونتاكت و دا من اثارة مع الوقت تلف فبرة الكونتاكت

[hobakora]

طالما العربية بتفصل انوار يبقى في عيب في كهرباء السيارة قفلة في الضفيرة

دي غالبا حاتلاقي سلك معين عريان و مدلدل من العربية و لما السرعه بتزيد السلك دة بيتطوح لوراء مع الهواء و يلمس البودي او الموتور و يعمل قفلة

الموضوع دة خطر و شوف كهربائي بسرعه

واعتقد الاكسيل مافيهاش لا ابلاتين و لا كوندنسر

شكرا يا باشا على الرد

ولكن العربية بترجع تشتغل تانى بعد لما ادوس بنزين أوى
زى ما تقول الكهربا بتوطى أوى ثم ترجع تانى لما أدوس بنزين

[hemalotfy]

شوف يمكن كبلات البطارية فيها حاجة او مملحة

[Adham]

لو البطارية اتشالت من العربية وهي دايرة العربية حاتفضل شغالة عادي

لان الموتور بيشتغل على كهرباء الدينامو

[tamer_a7]

لا انا محتاج افهم شويه حاجات الاول
العربيه بتفصل تماما يعني بتظلم ميه ونور ولا الحاجه تبقي شغاله يبقي كده في حاجه بتفصل ممكن يكون الكونتاكت ممكن تكون البطاريه عاليه وبتلمس في الكبوت ارض مع كهرباء(العربيه تفصل ميه ونور)
اما لو الموضوع ان العربيه بتبطل بس من غير ما الدنيا تظلم يعني بتبطل عادي وانوار التبلوه تشتغل يبقي الحاله دي المتهم الاول هو طرمبه البنزين لانها الحاجه الوحيده اللي تخنق العربيه وهيه ماشه علي سرعه وتبطلها كمان علي الاكتر رداخ ضعيف اقولك علي حاجه والعربيه بتتخنق الخانق اللي انت بتقول عليها قبل ما تبطل اقعد كارك كده وشوف لو ما بطلتش يبقي طرمبه يا باشا

[Adham]

الطلمبة ماتخليش العربية تبطل مرة واحدة

الاول تخنق و تتكتم كأنها بتقطع بنزين و ماتسحبش و تبتدي تنتش

[tamer_a7]

زى ما تقول الكهربا بتوطى أوى ثم ترجع تانى لما أدوس بنزين
طيب ما هو دا اللي بيحصل معاه
اعتقد كده تبقي طرمبه لانها كمان في المشاركه بيقول ان الانور بتكون شغاله يبقي كده مش قفله

[samirayad]

ممكن تكون مشكله فى دورة البنزين

غالبا فلتر بنزين أو طلمبة بنزين

وياريت تبقى تعمل دور نظافه للكربوراتير

[tamer_a7]

ممكن تكون مشكله فى دورة البنزين

غالبا فلتر بنزين أو طلمبة بنزين

وياريت تبقى تعمل دور نظافه للكربوراتير

منور والله يا هندسه ايه اخبارك ليك وحشه والله

[zenger]

الفصل النهائى ده جرب الموبينة شوف لمس منها سلك على الصاج شوفة بيطلع شرارة ولا لا لو مطلعتش تبقى قطعت
راجع على القواطيش بتاعت البطارية ممكن يكون فى واحد منهم مش مربوط كويس فبتفصل مرة واحدة كده بيبقى من القطاش بتاع البطارية غيرهم او اربطة كويس لكن الابلاتين و الكوندنسر مش على السرعات العالية اوى بس شيك عليهم برضو ممكن يكونوا خلاص بيسلموا يعنى و فى نوع حلو الفرنساوى ابو ورقة زرقا ب 18جنيه بس تمام يعنى
لو بطلت منك و انت بتدوس فرامل و العربية كربراتير نضف بكات الهوا هتلاقى واحد فيهم مسدود تنضف الكربراتير يعنى