العربية بتنتش

[thedeveloper87]

السلام عليكم ورحمة الله وبركاته

أنا رحت فولت بنزين 80 (عادي زي كل مرة) وبعدها بفترة بسيطة بدأت تظهر نتشة خفيفة قوي بين الغيارات. ومع الوقت ابتدت النتشة تزيد لحد مابقت بزيادة قوي.. أنا قلت الكاربيراتير اتسد ونظفته بالمنظف ومفيش فايدة..
ملحوظة: أنا مغير طقم الأبلاتين والكوندنسر من أسبوع والبوجيهات مغيرها من 6 شهور.
ملحوظة أخرى: لو دست بنزين وأنا واقف مفيش تقطيع.. بس لو أنا ماشي بتيجي عند سرعات معينة وتبتدي تنتش غالبا مع بداية أي غيار وتختفي أحيانا في نهاية الغيار

دلوقتي فيه 3 احتمالات:
الأول: مشكلة بنزين مغشوش
الثاني: البوبينة مش شغالة كويس
الثالث: الأبلاتين لدع (ولو إني مستبعد كده لأن العربية بتدور بكل سهولة ومن أول تكة حتى لو في وقت الفجر)

ايه الحل؟

[teto2007]

متهيقلى كدة والله اعلم ان البنزين علية مية وهو اللى بيعمل النتشة دى

[hemalotfy]

ازيك يا محمود باشا وكل سنة وانت طيب

ممكن تستنى لحد ما البنزين يقرب يخلص ومون من بنزينه محترمة وجرب كده ممكن يكون بنزبن مغشوش وبص على الفلتر عندك كده ممكن يكون فيه حاجة
لو متحلتش ممكن تعمل زي احيانا بشفط للكربراتير :

بشيل غطى العمه وازود بنزين جامد واروح كاتم الكربراتير بعملها كذا مره ورى بعض لحد ما الاقي تعريقه كده على ايدي بعدها بحس العربية سحبها اتحسن شوية((بعملها مش علشان نتشة او حاجة بحس اني بتفوق الكربراتير ومعرفش ان كان ليها ضرر ولا لا ))

[Adham]

غير فلتر البنزين

قيس ضغط الطلمبة لأن دي ممكن بوادر طلمبة بنزين

[thedeveloper87]

متهيقلى كدة والله اعلم ان البنزين علية مية وهو اللى بيعمل النتشة دى

في الحالة دي ، هل لازم أستنى لحد مالبنزين يخلص واغير فلتر البنزين؟

ازيك يا محمود باشا وكل سنة وانت طيب

ممكن تستنى لحد ما البنزين يقرب يخلص ومون من بنزينه محترمة وجرب كده ممكن يكون بنزبن مغشوش وبص على الفلتر عندك كده ممكن يكون فيه حاجة
لو متحلتش ممكن تعمل زي احيانا بشفط للكربراتير :

بشيل غطى العمه وازود بنزين جامد واروح كاتم الكربراتير بعملها كذا مره ورى بعض لحد ما الاقي تعريقه كده على ايدي بعدها بحس العربية سحبها اتحسن شوية((بعملها مش علشان نتشة او حاجة بحس اني بتفوق الكربراتير ومعرفش ان كان ليها ضرر ولا لا ))

هيما باشا! وانت بالصحة والسلامة وكل عام علينا وعلى جميع الأمة اإسلامية بخير.
أنا هستنى لحد البنزين مايخلص واغير فلتر البنزين واشوف كده. بس المشكلة اللي قلقاني إن النتشة غالبا بتيجي في أوقات ثابتة مش عشوائي ، بمعنى مع الطلعة تروح ناتشة كده ، في التاني على 30 تروح ناتشة وهكذا ، فأنا خايف لتكون البوبينة هي السبب.

غير فلتر البنزين

قيس ضغط الطلمبة لأن دي ممكن بوادر طلمبة بنزين

أقيس ضغط الطلمبة فين وازاي ياباشا؟

[Adham]

الميكانيكي بيقيسها

لو عربية انجكشن و الطلمبو كهرباء بيتقاس من بلف في مسطرة الأنجكشن بعداد بيركب عليها

لو عربية كاربراتير و طلمبة ميكانيكية زي عندك بيفك خرطوم البنزين و يشوف بيجيب بنزين كفاية و للا لأ (يدوي كدة) غالبا

[thedeveloper87]

الميكانيكي بيقيسها

لو عربية انجكشن و الطلمبو كهرباء بيتقاس من بلف في مسطرة الأنجكشن بعداد بيركب عليها

لو عربية كاربراتير و طلمبة ميكانيكية زي عندك بيفك خرطوم البنزين و يشوف بيجيب بنزين كفاية و للا لأ (يدوي كدة) غالبا

بالنسبة لعندي فيه طريقة أحسن من اليدوي؟ يعني ممكن الميكانيكي بتاعي تقديره مش هيبقى مظبوط قوي.

[mohamedshawky230]

انا مع موضوع طلمبة البنزين دة خلي الميكانيكي يشوفلك الضغط بتاعها

[ofaashash]

بك السلانسية مسدود

[thedeveloper87]

النتشة قلت بس بقت موجودة بانتظام دلوقتي...
يعني على الأول بتنتش جامد
وبتنتش في أول الغيار التاني...
وبتنتش خفيف في الغيار الثالث..
وتقريبا مابتنتشش في الغيار الرابع...

كده ايه اانظام؟؟؟
أبلاتين ولا كوندنسر؟
بوبينة؟
بوجيهات؟
سلوك بوجيهات؟

ملحوظة: لما بدور العربية لأول مرة وهي باردة بيبقى فيه تقطيع ونتش في السلانسيه وبتختفي تدريجيا لحد ماتسخن خالص.

[Adham]

مافيش علاقة مباشرة بين الغيار و النتشة

اعتقد النتشة ليها علاقة بار بي ام معين

يعني لو انت بتقرص شوية عالاول و على التاني في اولة مثلا


ممكن فية سدد في بخاخ الكاربراتير او ممكن بيسيل زيادة و بيعمل شرقة صغيرة

و ممكن من الاسبراتير

انما لو عالرابع و عالسرعه زي ما وضحت دلوقتي مش بتنتش مش حايبقى طلمبة بنزين

انما استبعد بك السيلانسية لانة مش حايأثر عالعربية و هي ماشية و انما و هي دايرة سيلانسية و بس

[thedeveloper87]

مافيش علاقة مباشرة بين الغيار و النتشة

اعتقد النتشة ليها علاقة بار بي ام معين

يعني لو انت بتقرص شوية عالاول و على التاني في اولة مثلا

صح كده ، وده اللي لاحظته النهاردة ولما جيت أجرب أجري بيها. طبعا أنا معنديش عداد rpm بس في الغالب بتقعد تنتش لحد 2.5 مثلا وبعد كده تفوق لما أقرص عليها.

ممكن فية سدد في بخاخ الكاربراتير او ممكن بيسيل زيادة و بيعمل شرقة صغيرة

و ممكن من الاسبراتير

انما لو عالرابع و عالسرعه زي ما وضحت دلوقتي مش بتنتش مش حايبقى طلمبة بنزين

انما استبعد بك السيلانسية لانة مش حايأثر عالعربية و هي ماشية و انما و هي دايرة سيلانسية و بس

أنا نظفت الكاربيراتير كويس أوي وماتوصيتش بيه. بس اللي أنا شاكك فيه هي مشكلة كهربة (خاصة البوبينة).

بالنسبة للبوجيهات: أنا هغيرها إن شاء الله وبالنسبة لطقم السلوك فهو بقاله سنة تقريبا (حوالي 10 آلاف كيلو).
وبالنسبة للبوبينة: أنا مغيرها برضه من سنة بس بنوع كده مش مضمون (ب 50 جنيه) والأصلي تقريبا أغلى من كده.

نفسي أعرف ازاي أكشف على البوبينة؟

[Adham]

لو البوجيهات و حشة تعمل كدة

غيرها فورا"


و بالمرة و الميكانيكي بيغيرهم خلية يشوف الاسبراتير , الشاكوش يتصنفر و فحمه الاسبراتير تتغير لو تآكلت

عندك ميكانيكي كويس ؟؟

كمان خلية برضة يشوف الكاربراتير و تحديدا الباب الثاني (باب السرعه) وبخاخ السرعه كذلك ربما فيه تسييل بنزين

[miso8489]

فى احيان كتير بيكون سبب النتشه الكوندينسر

[thedeveloper87]

الحمدلله غيرت البوجيهات والعربية بقت تمام دلوقتي، بس حاسس إن فيه نتشة بسيطة جدا يمكن ماتكونش ملحوظة. أبص على الكاربيراتير؟