العربيه بتترعش وهيا واقفه

[dado_256]

السلام عليكم يا جماعه انا عندى مشكله فى عربيتى سكودا فيليشا 96 العربيه وهيا واقفه على المور بتترعش رعشه مستفزه لدرجه تخنق ممكن حد يساعدنى فى حل المشكله دى
ومعلش عندى كمان استفسار ؟؟

العربيه كانت جايبه ديسك واسطوانه وكانت بترجرج جامد اوى فى الطلعه وكانت ساعات بتعمل صوت صويت كدهلما كنت بخنق الدبرياج
المهم عملت الموضوع ده وجيبت ديسك واسطوانه جداد وبليه دبرياج وغيرتهم طبعا صوت الصويت ده راح بس برضو فى رعشه خفيفه فى الطلعه ولما بسيب الدبرياج بس عشان العربيه تتحرك المفروض تتحرك من غير رعشه بس برضو بتترعش كده اكنها عايزه اسطوانه جديده انا مش عارف اعلم ايه

مع انى جايب ديسك واسطوانه وبليه جداد ونفسى اعرف حل ياريت تقولولى رايكم يا جماعه وشكرا اوى اوى على لامنتدى الجميل ده

[Abdo_Eldesokey]

أولاً يا باشا الكتابة باللون الأحمر ممنوع لغير الإدارة

وموضوع الرعشة في السلانسيه أول حاجة المفروض تتأكد منها ظبط الكهرباء ، وممكن عادي الديسك والاسطوانة الي راكبين يكونوا مضروبين ، بس ده هيبان في الطلعة زي ما حضرتك بتقول

[dado_256]

أولاً يا باشا الكتابة باللون الأحمر ممنوع لغير الإدارة

وموضوع الرعشة في السلانسيه أول حاجة المفروض تتأكد منها ظبط الكهرباء ، وممكن عادي الديسك والاسطوانة الي راكبين يكونوا مضروبين ، بس ده هيبان في الطلعة زي ما حضرتك بتقول

انا اسف جدا جدا جدا انى كتبت باللون الاحمر وسورى والله ما كنت اعرف بس اصل انا بحب الاحر جدا بس ما علينا


المهم المفروض ان الميكانيكى بيقول ان الكهربه مظبوطه

طيب وايه الحل فى موضوع الديسك والاسطوانه ده ؟؟

وشكرا اوى اوى اوى لردك واهتمامك

[karimfahmy99]

موضوع الرجرجة و انت طالع اما اسطوانة و دسك نوعهم وحش اما الدبرياج عندك عالى زيادة عن اللزوم عاوز يوطى شوية

اما موضوع السلانسية و الرعشة دا اما كهربا بس انت بتقول الكهربا مظبوطة يبقى فى حاجة فى الخليط . لو العربية انجكشن جرب تحط على البنزين منظف انجكشن stp

[dado_256]

موضوع الرجرجة و انت طالع اما اسطوانة و دسك نوعهم وحش اما الدبرياج عندك عالى زيادة عن اللزوم عاوز يوطى شوية

اما موضوع السلانسية و الرعشة دا اما كهربا بس انت بتقول الكهربا مظبوطة يبقى فى حاجة فى الخليط . لو العربية انجكشن جرب تحط على البنزين منظف انجكشن stp

تقريبا كده بدأت اقتنع بالكلام ان الاسطوانه والديسك نوعهم وحش

اما الرعشه العربيه كاربراتير عادى وبحطلها بنزين 90 وساعات 80 فا هل ده يكون مأثر على حاجه ؟؟

[karimfahmy99]

تقريبا كده بدأت اقتنع بالكلام ان الاسطوانه والديسك نوعهم وحش

اما الرعشه العربيه كاربراتير عادى وبحطلها بنزين 90 وساعات 80 فا هل ده يكون مأثر على حاجه ؟؟

طبعا فرق ال 80 و ال 90 بيفرق فى السحب و اهم حاجة ان ظبطة الكهربا لل 80 تختلف عن ال 90 اثبت على نوع و ظبط الكهربا عليها

و شوف الكاربيراتير اذا كان بقالة مدة متنظفش يتفك و يتنضف كويس و راجع على الجوانات لان ممكن الكاربيراتير يكون واخد هوا و برضة الميكانيكى يبص على الاكس و الباب

موضوع الدبرياج دا اذا كنت جبت الدسك و الاسطوانة نوع واحد لازم يتغيرو . و لو جايب اسطوانة نوع و دسك نوع ممكن يكون العيب الاكبر فى الدسك مش الاسطوانة سوستة الدسك ضعيفة و ممكن تكون اتشرخت و دا هيبان لما تفك

[Abdo_Eldesokey]

انا اسف جدا جدا جدا انى كتبت باللون الاحمر وسورى والله ما كنت اعرف بس اصل انا بحب الاحر جدا بس ما علينا


المهم المفروض ان الميكانيكى بيقول ان الكهربه مظبوطه

طيب وايه الحل فى موضوع الديسك والاسطوانه ده ؟؟

وشكرا اوى اوى اوى لردك واهتمامك

يا باشا ولا يهمك .. نورت المنتدى

بالنسبة لموضوع الدسك والاسطوانة حاول تشوف عفشجي تاني كويس يكشفلك على العربية ، وأكيد هيعرف إذا كانوا الدسك و الاسطوانة ولا لأ

[dado_256]

طيب اوكى يا جماعه والف شكر


بس انا عايز اشوف كذا راى ولو حد كان عنده نفس المشكله عمل ايه ؟؟ وشكرا اوى للتفاعل

[dado_256]

شكرا يا جماعه على التفاعل

بس انا عايز اشوف كذا راى ولو حد كان عنده نفس المشكله وعمل فيها ايه وازاى حلها وشكرا للتفاعل

[rompo6]

روح لكذا ميكانيكي الاول

[dado_256]

اوكى حشوف حد تانى واعرف رايه برضو