كيف اخافظ على البرابيز - الزجاج الامامى

[rasim]

السلام عليكم
انا لسه مغير الزجاج الامامى بتاع العربية
وعاوز اعرف كيف احافظ عليه يعنى ميجيرش بعد فتره
يعنى يقعد فرته اطول كويس ورايق

[hosar]

متابع بإهتمام

[samihanwar]

مترنكنهاش فى الشمس مده طويله
وابعدها عن الحته اللى فيها عيال مؤذيه عشان الطوووووووووووووب اللى بيحدفوه
وربنا يسترها على الجميع

[karimfahmy99]

شوف اقولك حاجة . الحافظ هو الله و مهما عملت من نصايح دا مكتوب

بس برضة اقولك شوية حاجات . طبعا موضوع انك تقف فى الشمس و لا الضلة دا مش فى ايدك و كل العربيات بتركن فى الشمس فدى نقطة مفروغ منها بس المهم يفضل انك مترشش مية على الزجاج و هو سخن دى مهمة . حاجة تانية ابعد عن عربيات النقل اللى شايلة ظلط . و كمان لو ماشى فى طريق فى حصى او طوب صغير ابعد عن العربية اللى قدامك متلزقش فيها لان دى حصلت معايا و الباشا بالكاوتش الخلفى لافانى حصوة علمت فى الزجاج و عملت نقرة صغيرة . وربنا يسترها معانا يارب

[grumby78]

حاجه مهمه كمان ماتمسحش الفزاز بفوطه وهوا عليه تراب عشان العمليه دي مع الوقت بتعمل تجريح لسطح الزجاج والافضل واللي انه يتغسل بالميه مباشرة عشان تزيل التراب ده وبعدين تمسح .

[MoOoD]

لما يكون الإزاز عليه تراب او طينه جامده متشغلش المساحات عشان هتخربش الإزاز برده
ولو قربه المساحات مفيهاش مياه متشخلش المساحات ابداً
هتعملك مشاكل فى البربريز...وإسأل مجرب هههههه

[Adham]

ماتسوقش بسرعه في عاصفة رملية

حاتصنفر قزاز العربية

[Ahmed Nasser]

جميلة النصائح دى ياشباب

[BLOODY_STONE]

النصايح دي تنفع لجسم العربية برضو