إعـــــــلان

Collapse

.

,
See more
See less

مشكلة سن البوجيه معوج فى الموتور الإستيراد- أرجوا النصيحة

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    مشكلة سن البوجيه معوج فى الموتور الإستيراد- أرجوا النصيحة

    انا كنت جايب مكنه استيراد
    وبعد ما حطيناها فى العربيه وقبل ما ندور طلبت من الميكانيكى انو يتمم على الكاتينه
    وطلبت منو انو يفكلى البوجيهات عشان ابص عليها ووجدت البوجيهات زى الفل بس فى بوجيه واحد لأيت سن الشمعه متنى لفوق
    وانا خايف ليكون الصبابات فيها حاجه ويكون اللى فى البوجيه دا من صباب فيه حاجه......

    ارجو الافاده
    الكلمات الدلالية (Tags): 20, 2008, 50, engine, أرجوا, الإستيراد, البوجيه, التوكيل, الموتور, النصيحة, تركيب, جولف, حساسات, زيت, سعر, سير, شئ, صيانه, عربيه, غيار, فتيس, في, قطع, قطع غيار, قلب, كرسي, كل, مساعدين, مشكلة, مع, معني, من, مواتير, موتور, ميكانيكى
  • #2
    ايه علاقة البوجيه بالصباب ؟؟؟ على العموم ركب بوجيه جديد نفس طول السن اللى راكب و جرب و لو قيه حاجة حايبقى اعتقد البستم و يمكن دا متنى لسبب مقصود يمكن السلندر ده فيه مشكلة
    [CENTER][SIZE=6][COLOR=darkslateblue] [/COLOR][/SIZE][/CENTER]

    Comment

    • #3
      it could be a piece of carbon was trapped in the engine

      Comment

      • #4
        المشاركة الأصلية كتبت بواسطة gemino مشاهدة المشاركة
        ايه علاقة البوجيه بالصباب ؟؟؟ على العموم ركب بوجيه جديد نفس طول السن اللى راكب و جرب و لو قيه حاجة حايبقى اعتقد البستم و يمكن دا متنى لسبب مقصود يمكن السلندر ده فيه مشكلة
        انا عارف طبعا ان الصباب ملوش علاقه بالبوجيه بس فى نفس الوقت البستم عمرو مايطول البوجيه
        الا لو البستم ضارب فى الوش وساعات كتير البستم بيضرب فى الوش وما بيطولش البوجيه
        بس فى حاجه وانا شوفتها قبل كده عن تجربه يعنى
        ساعات البوجيه مش بيكون طالع من جنب الغرفه زى ماهو موجود فى عربيات كتير ..ساعات بكون فى منتصف الغرفه بالظبط وانا شفت عربيه كان سير الكتينه اتقطع وهى ماشيه وجابت صبابات ولما طلعنا الوش كان فى بوجيهين فيهم نفس الحركه اللى ابلتنى بيتهيألى الصباب وهو فاتح اتنى لدرجة انو حمل على الشمعات
        وكانت البلوكه زى الفل هى والبساتم
        دا اللى خلانى افكر فى الحوار ده نضرا لان البلوك بمحتوياته زى الفل....
        طب ولو قولنا البوجيه سنو طويل طب ما بقيت الطقم نفس النوع ومفهوش حاجه !!!!!!!!!!!
        على العموم الف شكر ياباشا على ردك وارجو منك التعليق على الكلام دا....

        Comment

        • #5
          المشاركة الأصلية كتبت بواسطة paladin مشاهدة المشاركة
          it could be a piece of carbon was trapped in the engine
          +1111111111111111
          انا قولت كده بردو والميكانيكى قال نفس التخمين ..
          على العموم انا هغير البوجيهات وهتكل على الله وهدور بكره الصبح وربنا يقدم اللى فيه الخير

          Comment

          • #6
            بص .. انا هاقولك حاجه .. اجيبلك من الاخر ...
            اولاً بالنسبه لموضوعك ان شاء الله مافيش حاجه في المكنه و هاتقفل تمام التمام ..
            ثانياُ انا شفت مواتير اكلت من الصبابات (الصباب طبقه اتبري و اتكسر منهم حتت )
            ثالث حاجه بقي و دي الاهم ... بص يا سيدي .. انا كنت مستورد قطع غيار .. و حاجتي كانت نمره واحد و عارفها (مواتير سويسرا صيانه اجباريه و سموج تست و صيانه دوريه في التوكيل و شغلانه يعني ...) المهم ... انا بطلت انزل شغل من بالظبط 4 سنين ..عمي لسه بينزل شغل من بره و دكان بورسعيد ده بتاعه ... جات العربيه اللي معايا (البي ام 735) شرخت البلوك اليومين دول .. ازنقت في بلوك .. عمي قاللي الكونتينر اللي جاي قدامه شويه .. ابويا مستعجل .. المهمقصر الكلام تزلنا جبنا مكنه استيراد من واحد معروف في القاهره .. شغله نضيف .. حليت المكنه من علي نص كامل ..جيت اركب عندي .. اتفرج بقي (منهم لله التجار .. ده فعلاً حقيقي مش باشكر في نفسي .. بس اللي كان بيجي ياخد مكنه كان بيشيل المكنه بفتيسها بمستلزماتها و باعمل سعر لليله كلها..)
            الماتور بسعر .. الفتيس بسعر.. عمه الهواء بسعر .. حساسات الفتيس بسعر .. حتحتلي المكنه .. و الفاتوره عدت .. جيت اركب : الكارتيره مشروخه , المارش بايظ ,الانجكشن سلوكه بتقع لوحدها (اول مره اشوف اجه زي كده) , ملزقه سيليكون علي وش التقسيمه و الكارتيره , قاعده الافوميتر مش موجوده , الحساسات مش موجوده , قاعده الفتيس بسعر .. لسه ممرور فيها لحد دلوقتي .. و يا دارت يا مدارتش .. و الواحد بقت نفسيته في الحضيض .. (الله يحرقهم و اللي بيعملوه في الناس ده والله حرام) ...
            خلاصه الكلام .. ماتشتروش مواتير الا من واحد مضمون (اهه ده مضمون علي كده بس لسه ماكلمتوش) ... و مش مضمون بس كمان .. لاء لازم يكون معرفه شخصيه ... و غير كده .. اما تلاقي مكنه بتلمع و بحاله الزيرو اكشف عليها و شيلها لو هاتدفع قد ثمنها مرتين ....
            دي بقت حاجه تقرف ..
            انا عن نفسي خلاصه الكلام و انصحك تعمل زي مانا ما هاعمل كده ... انا هاسقط المكنه و ادور .. دارت .. كان بها .. مادارتش .. شيل و رجع ...
            دارت : بعد مل تدور .. فك الكارتيره و فك كرسي الكرنك و اكشف علي لقمه السبيكه ... فك الوش و راجع عليه و ظبط المكنه .. و تمم علي حاجتك و بعد كده قفل المكنه تاني و كل عام و انتم بخير ..
            بس خلاص ..

            Comment

            • #7
              يا باشا العفو
              مادام باقى البلوك زى الفل يبقى السلندر ده فيه حاجة و مش لازم تركبه ممكن تجرب المكنة على الارض الاول بعد تركيب بوجيه جديد بنفس المواصفات و لو حصل نفس المشكلة يبقى شيل و رجع زى ما الاخوة قالوا
              [CENTER][SIZE=6][COLOR=darkslateblue] [/COLOR][/SIZE][/CENTER]

              Comment

              • #8
                المشاركة الأصلية كتبت بواسطة Xpert مشاهدة المشاركة
                بص .. انا هاقولك حاجه .. اجيبلك من الاخر ...
                اولاً بالنسبه لموضوعك ان شاء الله مافيش حاجه في المكنه و هاتقفل تمام التمام ..
                ثانياُ انا شفت مواتير اكلت من الصبابات (الصباب طبقه اتبري و اتكسر منهم حتت )
                ثالث حاجه بقي و دي الاهم ... بص يا سيدي .. انا كنت مستورد قطع غيار .. و حاجتي كانت نمره واحد و عارفها (مواتير سويسرا صيانه اجباريه و سموج تست و صيانه دوريه في التوكيل و شغلانه يعني ...) المهم ... انا بطلت انزل شغل من بالظبط 4 سنين ..عمي لسه بينزل شغل من بره و دكان بورسعيد ده بتاعه ... جات العربيه اللي معايا (البي ام 735) شرخت البلوك اليومين دول .. ازنقت في بلوك .. عمي قاللي الكونتينر اللي جاي قدامه شويه .. ابويا مستعجل .. المهمقصر الكلام تزلنا جبنا مكنه استيراد من واحد معروف في القاهره .. شغله نضيف .. حليت المكنه من علي نص كامل ..جيت اركب عندي .. اتفرج بقي (منهم لله التجار .. ده فعلاً حقيقي مش باشكر في نفسي .. بس اللي كان بيجي ياخد مكنه كان بيشيل المكنه بفتيسها بمستلزماتها و باعمل سعر لليله كلها..)
                الماتور بسعر .. الفتيس بسعر.. عمه الهواء بسعر .. حساسات الفتيس بسعر .. حتحتلي المكنه .. و الفاتوره عدت .. جيت اركب : الكارتيره مشروخه , المارش بايظ ,الانجكشن سلوكه بتقع لوحدها (اول مره اشوف اجه زي كده) , ملزقه سيليكون علي وش التقسيمه و الكارتيره , قاعده الافوميتر مش موجوده , الحساسات مش موجوده , قاعده الفتيس بسعر .. لسه ممرور فيها لحد دلوقتي .. و يا دارت يا مدارتش .. و الواحد بقت نفسيته في الحضيض .. (الله يحرقهم و اللي بيعملوه في الناس ده والله حرام) ...
                خلاصه الكلام .. ماتشتروش مواتير الا من واحد مضمون (اهه ده مضمون علي كده بس لسه ماكلمتوش) ... و مش مضمون بس كمان .. لاء لازم يكون معرفه شخصيه ... و غير كده .. اما تلاقي مكنه بتلمع و بحاله الزيرو اكشف عليها و شيلها لو هاتدفع قد ثمنها مرتين ....
                دي بقت حاجه تقرف ..
                انا عن نفسي خلاصه الكلام و انصحك تعمل زي مانا ما هاعمل كده ... انا هاسقط المكنه و ادور .. دارت .. كان بها .. مادارتش .. شيل و رجع ...
                دارت : بعد مل تدور .. فك الكارتيره و فك كرسي الكرنك و اكشف علي لقمه السبيكه ... فك الوش و راجع عليه و ظبط المكنه .. و تمم علي حاجتك و بعد كده قفل المكنه تاني و كل عام و انتم بخير ..
                بس خلاص ..
                اولا الف شكر ياباشا على اهتمامك وردك.....
                فعلا انت عندك حق فى كل اللى قولتو الواحد دلوقتى عشان يشترى مكنه استيراد
                عايزلو كونسولتو فنيين ومحترفين كمان:D عشان يقدرو يقيمو المكنه
                انا هؤلكو حاجه ومش هتسدءونى بس مش هءول اسم التاجر دلوءتى لحد ما اشوف هيغير المكنه لصاحبى ولا لأ غير كده هفضحو علنى
                صحبى لسه جديد فى الكار بتاعنا:D
                راح اشترى جولف 3
                ونزل عشان يشترى جوز مساعدين بس لعربيتو فشاف عند التاجر مكنه vr6
                طلعت من عنيه وكان معاه فلوس راح مخلص فيها من غير ما يستشير حد مننا او ياخد حد يبص عليها
                وراح شاحن المكنه وفضلت 3 ايام عند الميكانيكى قبل ما يعمل فيها حاجه
                روحت انا فى اليوم الرابع وبصراحه شكل المكنه ماطمنيش .سليكون فى كل حته الكارتيره ملحومه
                ترشيح زيت فى كل حته......المهم طلبت من الميكانيكى انو يفتحها عشان نبص عليها...
                الميكانيكى قال ..ياباشا دى مكنه استيراد حرام تتفتح والجوان بالشىء الفولانى..المهم اصريت انو يفتحها
                ماسكين نفسكو كويس
                ...المكنه مافهاش بساتم اصلا....
                هسيب التعليق ليكو

                Comment

                • #9
                  المشاركة الأصلية كتبت بواسطة gemino مشاهدة المشاركة
                  يا باشا العفو
                  مادام باقى البلوك زى الفل يبقى السلندر ده فيه حاجة و مش لازم تركبه ممكن تجرب المكنة على الارض الاول بعد تركيب بوجيه جديد بنفس المواصفات و لو حصل نفس المشكلة يبقى شيل و رجع زى ما الاخوة قالوا
                  المشكله يا حبيب قلبى ان المكنه كومبلكس جدا ومستحيل تدور على الارض لازم الظفيره كلها تتقفل وبعدين تدور عشان كده انا حطيتها فى العربيه خلاص
                  2- المكنه جايه من بره:( هى ممكن ترجع بس هتاخد وقت وهيروح عليا طبعا مصاريف شحن رايح جاى اد كده
                  يعنى لو فيها حاجه بسيطه هضطر انى اعملها وامرى لله
                  بس انا خايف ادور لا ابهدل الدنيا انا خلاص حطيتها وءفلت الضفيره كمان مش فاضل غير انى أسمى
                  واتكل على الله وادور
                  عشان كده انا كنت عايز اعرف بالظبط ايه العيب اللى ممكن يعمل كده فى البوجيه عشان اعملو قبل ما ادور
                  ولا اصلا مفيش عيب والبوجيه ممكن يكون اتخبط او وقع وهما بيحطو
                  او ساعات المكنه بتكون من غير بوجيهات وبيحطلها اى بوجيهات وخلاص عشان مافيش حاجه تدخل جوه
                  زى الميكانيكى ما قال
                  على العموم الف شكر ومستنى ردكو النهائى

                  Comment

                  • #10
                    مع اني عارف ان مشاركتي ملهاش لازمه لاني معنديش خبره بالميكانيكا اوي يادوب عارف انتو بتتكلمو في ايه
                    لكني متابع مشروعك من ساعه ما بداته و نشرحته علي المنتدي و اتمني لك التوفيق
                    سمي و توكل علي الله وكل شئ هيبقي تمام باذن الله

                    Comment

                    • #11
                      المشاركة الأصلية كتبت بواسطة storm_unleashed مشاهدة المشاركة
                      مع اني عارف ان مشاركتي ملهاش لازمه لاني معنديش خبره بالميكانيكا اوي يادوب عارف انتو بتتكلمو في ايه
                      لكني متابع مشروعك من ساعه ما بداته و نشرحته علي المنتدي و اتمني لك التوفيق
                      سمي و توكل علي الله وكل شئ هيبقي تمام باذن الله
                      الف الف شكر على ردك وعلى اهتمامك
                      وفعلا انا لو فضلت متردد مش هعمل حاجه
                      انا هظبط اللى هقدر عليه
                      وهعمل زى ما ؤلتلى و هتوكل على الله وهدور
                      واللى فيه الخير يقدمو ربنا

                      Comment

                      • #12
                        والف الف شكرلادارة منتدانا الهايله
                        على اعادة صياغة العنوان

                        Comment

                        • #13
                          و ابقى طمنا يا باشا !!!!

                          هوة المحرك دة ال 300 و حاجة حصان ؟
                          [CENTER]الحمد لله[/CENTER]
                          [CENTER] [/CENTER]
                          [CENTER][sor2]http://farm3.static.flickr.com/2639/3939929853_4547d6e150.jpg[/sor2][/CENTER]

                          Comment

                          • #14
                            هو بعينو بغباوتو:D 354 H.p
                            ادعيلى وربنا يستر
                            الغلطه فيه بفوره:(

                            Comment

                            • #15
                              مكنه من غير بساتم .. طمنتني يا خويا .. مش بعيد مالاقيش قلب المكنه موجود عندي هههه
                              بالنسبه لاي مكنه انجكشن يا اخ جيمينو لازم تتقفل في العربيه و بعد كده تدور .. عشان فيه حساسات و حوارات و بلاوي .. انا باعاني منها انا كمان .. و علي فكره انا باقيلي تظبيطات خفيفه و ادور انا كمان .. ادعولنا بقي يا رجاله هههههههه

                              Comment

                              السابق 1 2 template التالي
                              Working...
                              X