تجربة عملتها بعد نصيحة أحد الأعضاء ،، و أدي النتييييجة

[smsm_nabawy]

بسم الله الرحمن الرحيم

السلام عليكم ورحمة الله وبركاته،،

بصراحة محتار أحط الموضوع ده في الأكسيسوارات ولا في الورشة ،، بس هو غالباً يليق أكتر في الورشة عشان هو صيانة للعربية

المهم كنت عايز أنضف البوجيهات ،، و طرحت الموضوع هنا ،، و نصحني أحد الأعضاء بأستخدام منظف الكاربراتير ،، "أنا عربيتي أنجيكشان" بطريقة معينة ،، و هي أني أرش عليه على البوابة و بعد كده أدور العربية على السلنسيه و أمشي بيها مشوار حلو

جربت كده الحمد لله ،، الشكر لله أولاً و أخيراً ، ثم لأخي في الله العضو "ميدو اللي نصحني "، و أثرت معايا ،، حااسيس بالفرق ،، أي نعم مش أوي ،، بس على الأقل العربية فكرتني بسحبها ،، مكنتش بتسحب خالص قبل كده ،، المهم بعد معملت كده ،، كنت راايق قوي ،، و قلت يا سلام بقى ! منضف البوجيهات بالمرة ؟! ،، و أكيد السحب حيختلف ،، مسكت البلوور و نضفت فلتر الهوا ،، بعد مركنت تحت البيت ،، و جبت المفك بتاع البوجيهات ،، و فتحت الكبود ،، و بقول يا هادي ،، شلت الكابل بتاع الكهربة بتاع البوجيه ،، و بحط المفتاح و لسة بفتح ،، نزل واحد أخو واحد جاري و بيشتغل كهربائي سيارات الحوار كالتالي ،،

عمو : ايه يا حساام عامل ايه ،، بتعمل أيه يابني ،، حيرت العربية معاك

أنا / ولا حاجة عايز أنضف البوجيهات ،،
عمو : ليه العربية بتقطع معاك
أنا / لا !!
عمو : طيب مش بتدور من أول أو تاني مرة ؟!!
أنا / لا أبدا ،،
عمو : أمال ليه حتنضفها ،،
أنا قلتله كده ،، نضافة !! و عشان أفوق العربية لأن سحبتها أتكمت خالص ،، خاااالص بجد ،، و كمان دي البوجيهات الأصلية للعربية من أول مجبناها // "شاهين أنجيكشان 2006" و متغريتش خالص ،،

عمو : يبني البوجيهات الأصلية دي مش حتلاقي زييها ،، و كمان طالما محصلش حاجة من اللي فوق ده ، يبقى سيبهم ،، عشان مش تفكهم ،، تبوظهم و يرظبوا منهم ،، فكهم بالمرة لما تيجي تغيرهم ، و مهماً غيرتهم ،، آخر اللي حتجيبه يعيش معاك سنة ، بلاش تفكهم بدل ميرطبوا منك ، و تبوظهم ، و تكون جيت تكحلها عميتها ،،

أنا / بكلل بساطة ، رجعت كبل الكهربا تاني ، و قلت أسأل أعضاء نايل موتورز " أخوااني"

أولاً : هل حكاية منظف الكاربراتير دي فيها غلط ،،

ثانياً : هل عمو إبراهيم "الكهربائي أخو جاري" عندو حق ؟!!!

ثالثاً : تنصحوني بأيه ؟!!

[blazer]

انا بس عاوز اعرف انت عملت كام الف كيلو بالبوجيهات دى؟

[smsm_nabawy]

انا بس عاوز اعرف انت عملت كام الف كيلو بالبوجيهات دى؟

هههه ،، كتيييييرررررر ،، أنا أن شاء الله ،، حشوفهم و أكتب لحضرتك بظظبط ،، سرال بقى ،، هو حضرتك بتسأل لغرض معين ،، يعني هل حاجة معينة لو عملت عدد معين من الكيلوهات ؟!!

[karimfahmy99]

اخى الفاضل

عن نفسى لما بنضف البوجيهات بنضفهم ببنزين و حتة صنفرة ناعمة او فرشة سلك صغيرة و يكون معايا فلر اظبط الفتحة تانى او كتير بظبطها بالنظر بحكم التعود

بس دا بيكون بعد عدد كيلومترات مش اى وقت . و موضوع انة بوجيهات اصلية ملهاش معنى و اى بوجيهات ممكن تشتغل اكتر من سنة دا حسب الاستهلاك .

زى ما سال الاخ العربية عاملة كام كيلو ؟ و هل فكيت البوجيهات قبل كدة ؟؟

[smsm_nabawy]

أنا مفكتش بجيهات العربية دي قبل كده ،، ولا نضفتها ،، بالنسبة لطريقة التنظيف أ،ا عارفها الحمد لله ،، بس مش جربتها قبل كده ،، غير في عربية جاري ،، و هو كان معاه أداه عجيبة كده ،، كنت بظظبط بيها تاني المسافة بين سن البوجيه و حتة الحديدة دي ،،

و مش عارف هل لما أفكهم أرميهم ولا ينفع أنضفهم ، خاصة أن أكيد حالتهم باااايظة ،، أنا خايف أفكه ألاقيه أتاكل ،، أو دااب :)) و السيولة اللي معايا حالياً مش تكفي أشتري بوجيهات جديدة بأسلاكها :((

و كمان معنديش خبرة في شراء البوجيهات ،، ولا تركيبها ،، أخاف يضحك عليا و أشتري حاجات ضاربة ،، خاصةً اني أتلسعت جااامد أوي من بوجيهات عربيتي القديمة ال 128 و كنت بغيرها بمعدل كمرة كل شهر عشان كل مشتري واحدة تتطلع مرطبة :(((

لحد مبعت العربية بعد مزهقت منها :(

و بالنسبة للأداة دي مش عارف أجيبها منين عشان لو فكيت البوجيهات "ده أن جبتها حالياً" أعرف أظبط المسافة تاني حسب البوجيهات اللي عندي ؟؟؟

و شكراً لردكم و أهتمامكم :)

[blazer]

هههه ،، كتيييييرررررر ،، أنا أن شاء الله ،، حشوفهم و أكتب لحضرتك بظظبط ،، سرال بقى ،، هو حضرتك بتسأل لغرض معين ،، يعني هل حاجة معينة لو عملت عدد معين من الكيلوهات ؟!!

اصل حضرتك بتقول العربيه موديل 2006
يعنى البوجيهات بقالها حوالى 4 سنين او 3 سنين فى العربيه واكيد مش هتكون مشيت بيها اقل من 60 الف كيلو
كتير اوى !
غيرها هيكون افضل
دا غير ان اللى بتكون جايه مع العربيه نوع اقتصادى يعنى لو غيرتها هتديلك أداء افضل

[smsm_nabawy]

ياا مسهل ،، ألف شكر لتعاونكم معي أخواني ،، ربنا يديم المحبة يا رب على طول ،، و شاكر ليكم جداً ،، ممكن بس نبذة من أي حد منكم على أسعار البوجيهات ،،

و كمان ممكن الأجابة على حكاية
"هل تنظيف البوابات بمنظف الكاربراتير كده تمام ولا ؟!! "

[karimfahmy99]

اصل حضرتك بتقول العربيه موديل 2006
يعنى البوجيهات بقالها حوالى 4 سنين او 3 سنين فى العربيه واكيد مش هتكون مشيت بيها اقل من 60 الف كيلو
كتير اوى !
غيرها هيكون افضل
دا غير ان اللى بتكون جايه مع العربيه نوع اقتصادى يعنى لو غيرتها هتديلك أداء افضل

كلام سليم و لو حتى 40000 كم كفاية عليهم .

طبعا انت لما هتفك هيبان اذا كان السن متاكل و لا لا بس طبعا هتلاقية خلصان .

الاداة اسمها فلر و تجيبها من بتوع بيع العدد و الالات او محل بيع مفاتيح و عدد و مش غالية

هات بوجيهات ngk اليابانى ممتازة اعتقد ب 27 جنية

و على فكرة هتفرق معاك جامد فى الدوارة الصبح عن تجربة و خبرة

[blazer]

Ngk فى علبه واحده مع بعض لونها اصفر و اتأكد ان عليها العلامه المائيه
مركبهم عندى وممتازين والحمد لله العربيه بتدور علطول
جايبهم تقريبا فى حدود 25-28 جنيه

[smsm_nabawy]

الهله يجزاكيم خير يا جماعة ،، و هل البوجيهات دي يا أستاذ كريم لازملاها سلوك و كده ،، ولا عادي على السلوك القديمة ؟!! و هل دي في منها 2 شعلة ،، بفكر لما أجيب أجيب 2 شعلة ،، و أرجع و اقول تنصحوني بأيه ؟!! :) :) :))))

[karimfahmy99]

الهله يجزاكيم خير يا جماعة ،، و هل البوجيهات دي يا أستاذ كريم لازملاها سلوك و كده ،، ولا عادي على السلوك القديمة ؟!! و هل دي في منها 2 شعلة ،، بفكر لما أجيب أجيب 2 شعلة ،، و أرجع و اقول تنصحوني بأيه ؟!! :) :) :))))

شوف اقولك حاجة عاوز تجيب 2 شمعة عادى شغال بس اغلى طبعا بحوالى 60 تقريبا .

بس بصراحة الميكانيكى بتاعى قالى خلليك فى شمعة واحدة احسن بتكون مركزة و حامية و بصراحة بقيت اعمل كدة و كبرت دماغى . منتا بقالك 4 و لا 5 سنين شغال بشمعة واحدة حصل اية شغال بس طبعا انت مقصر فى الصيانة بتاعتهم و كمان حتى فى مدة استهلاكهم . انت تجيب بوجيهات بس من غير سلوك و تركب على السلك اللى عندك

[smsm_nabawy]

طيب أن شاء الله ،، بس خوفي من البوجيهات المرطبة و المواويل اللي مريت بيها في الكرنك ،، قصدي ال 128 ،، اللي كانت معايا ، هو اللي كان مخوفني يا أستاذ كريم والله مش تقصير مني ،، و مكدبش عليك،، لسة حتى الأن متخوف من الحكاية دي ،، كده مش ناقصني غير أني أعرف حد نضيف أو توكيل نضيف لأي ماركة بوجيهات نضيفة "زي ال ngk" و أروح أشتريهم ،، بس يا ترا فيه طريقة أعرف بها البوجيهات مرطبة ولا ؟!!

[ahmed elsherif]

يباشا اعتقد كده كتير اوي علي البوجيهات ولازم يكون السحب عندك مش تمام والعربيه موديل 2006 انا 2007 وغيرتهم من زمان بس لازم تجيب الاصلي بتاع العربيه عشان الكمبيوتر بتاعها انا جبت ngk في الاول والعربيه كانت بتبطل وهي ماشيه بص ده نوع البوجيهات من الكاتلوج عندي ودول اللي انا ركبتهم
Champion RC7YCC

[karimfahmy99]

يباشا اعتقد كده كتير اوي علي البوجيهات ولازم يكون السحب عندك مش تمام والعربيه موديل 2006 انا 2007 وغيرتهم من زمان بس لازم تجيب الاصلي بتاع العربيه عشان الكمبيوتر بتاعها انا جبت ngk في الاول والعربيه كانت بتبطل وهي ماشيه بص ده نوع البوجيهات من الكاتلوج عندي ودول اللي انا ركبتهم
champion rc7ycc

99% ممكن تبطيل العربية كان عشان فتحات البوجية كانت مش صح او اتخبطط و قفل السن زيادة . ال ngk من انضف الانواع الحالية و الخوف فى الشامبيون لان السحب عليها بقى قليل هوا اللى ممكن يكون مرطب . المهم فى الموضوع انك تشترى من محل بيبيع و علية زباين لانة اكيد البضاعة عندة بتكون طازة و مش مركونة و موضوع البوجيهات المرطبة اعتقد بطل من زمان و ذلك لسهولة المعاملات الجمركية و سرعتها عما سبق فمتقلقش من الموضوع دا

[smsm_nabawy]

يباشا اعتقد كده كتير اوي علي البوجيهات ولازم يكون السحب عندك مش تمام والعربيه موديل 2006 انا 2007 وغيرتهم من زمان بس لازم تجيب الاصلي بتاع العربيه عشان الكمبيوتر بتاعها انا جبت ngk في الاول والعربيه كانت بتبطل وهي ماشيه بص ده نوع البوجيهات من الكاتلوج عندي ودول اللي انا ركبتهم
Champion RC7YCC

سبحان الله ، انت حصل معاك زي اللي حصل مع واحد شوفنه في الضمان ،، و قاللوله ان البوجيهات كانت حتبوظ العربية و كارتة الكمبيوتر ،، ة أضطر انه يغيرها بلأصلي من الضمان ،، فأنا الصراحة مش عارف الكمبيوتر اللي بيدلع ده ،،و عمال ستفذني كل مدى ،، :))

أزاي مش عارف يشتغل على بوجبهات تاني ،، يمكن كان عايز يتظبط أكتر ؟!!

99% ممكن تبطيل العربية كان عشان فتحات البوجية كانت مش صح او اتخبطط و قفل السن زيادة . ال ngk من انضف الانواع الحالية و الخوف فى الشامبيون لان السحب عليها بقى قليل هوا اللى ممكن يكون مرطب . المهم فى الموضوع انك تشترى من محل بيبيع و علية زباين لانة اكيد البضاعة عندة بتكون طازة و مش مركونة و موضوع البوجيهات المرطبة اعتقد بطل من زمان و ذلك لسهولة المعاملات الجمركية و سرعتها عما سبق فمتقلقش من الموضوع دا

استاذ كريم ،حضرتك عضو بجد غاية في الذوق ، و شكراً لرد حضررتك و متابعتك معي في موضوعي ،، بس مش عار انا كده قلقت بقى عشان دي تاني حالة تغير البوجيهات في العربية الدلوعة دي :)) و يحص كده
ططبعا العربية مش دلوعة ولا حاجة دي حمالة أسسية :) بس التعديلات فيها مقرفة شوية كتييييير خالص آخر حاجة ،،

بس كده أنا ححاول أدور أكتر اليومين دول عن هل ممكن أركب ال "ngk" عشان نفس السبب اللي حضرتك قلت عليه يا أستاذ كريم ،، و في نفس الوقت أحذر من اللي حصل مع الأخ "الشريف"