هل ثروموستات 80\90 كويسة لل 128

[teto2007]

السلام عليكم ورحمة الله وبركاتة
اخوانى الكرام انا كنت مركب ثرومستات 68\82 بس غيرتها الى 80\ 90 هل دة كويس لل 128 ولا ارجع تانى للثروستات القديمة عاوز رايكم ايهما افضل وشكرا ليكم

[teto2007]

اين الرودود يا شباب

[khaled_sabry]

السلام عليكم ورحمة الله وبركاتة
اخوانى الكرام انا كنت مركب ثرومستات 68\82 بس غيرتها الى 80\ 90 هل دة كويس لل 128 ولا ارجع تانى للثروستات القديمة عاوز رايكم ايهما افضل وشكرا ليكم

هو اللى اسمعه ان موتور ال 128 الافضل ليها انها تشتغل على حراره 90 و بالتالى تركب 80/90 ... بس المشكله لاقدر الله لو حصل اى مشكله فى المروحه مثلا او اكتاوت الخاصه بيها فساعتها ممكن ماتلحقشى تاخد بالك و تلاقى الجوان ضرب

لكن ميزه 68/82 انه بيشتغل بدرى و بالتالى حيبقى قدامك فرصه اكتر تلاحظ ارتفاع درجه الحراره فى حاله عطل المروحه لأى سبب ... و بناء عليه ركب 68/82 افضل
وياسيدي درجه حراره 82 من 90 مافرقتشى كتير مع الموتور

[teto2007]

شكرا لك اخى الفاضل على الرد

[khaled_sabry]

شكرا لك اخى الفاضل على الرد

العفو يا باشا
ماتنساش بالمره حط ميه خضره بتحسن تبريد الموتور بجد

[aymansaad]

لكن ميزه 68/82 انه بيشتغل بدرى و بالتالى حيبقى قدامك فرصه اكتر تلاحظ ارتفاع درجه الحراره فى حاله عطل المروحه لأى سبب ... و بناء عليه ركب 68/82 افضل
بس خاى بالك انها حمل على البطارية لانها بتشتغل على طول ومدد اطول

[mohamed9999]

لكن ميزه 68/82 انه بيشتغل بدرى و بالتالى حيبقى قدامك فرصه اكتر تلاحظ ارتفاع درجه الحراره فى حاله عطل المروحه لأى سبب ... و بناء عليه ركب 68/82 افضل
بس خاى بالك انها حمل على البطارية لانها بتشتغل على طول ومدد اطول

+1111111111111111111111

[karimfahmy99]

لكن ميزه 68/82 انه بيشتغل بدرى و بالتالى حيبقى قدامك فرصه اكتر تلاحظ ارتفاع درجه الحراره فى حاله عطل المروحه لأى سبب ... و بناء عليه ركب 68/82 افضل
بس خاى بالك انها حمل على البطارية لانها بتشتغل على طول ومدد اطول

كلام سليم بس برضة خد فى الاعتبار انك بتجهد البطارية و اكتر انك بتجهد موتور المروحة لانها مش هتبطل نهائى طول منتا ماشى على عكس الثرموستات ال 90 . و زى محنا عارفين حرارة العربية لاحسن تشغيل بيكون فيها حرارة الميية 90 درجة

الموضوع كدة فى يد صاحب المشاركة

[i_Am_Legend]

بص يا سيدى_الحر اللى احنا فيه دة_وعربياتنا القديمة_لازم تركب ثرموستات 82_انا مركبة عندى درجة الحرارة عمرها ما بتعدى النص ابدا_بتبقى اقل من النص كمان_لأن عربياتنا_الريدياتير فيها بيبقى تعبان_واصلا مياه حنفية_فبتمسك حرارة بسرعة_تعرف _والله العظيم انا بروح من مدينة نصر لشبرا_المروحة مابتفكرش تشتغل إلا وانا بركن_تشتغل 30 ثانية وتفصل_وخليك نزيه مثلى_مشاوير وسط البلد والزحمة اركب مواصلات_انا مابركبش عربيتى ير فى الطوالى_كوبرى اكتوبر _الدائرى_لانى خلقى ضيق_وبعدين عدم إهلاك للعربية ولأعصابك.

[amrnagy]

بص يا باشا اللي اعرفه ان 68/82 حيبقي احسن بس مشكلته في الصيف ان المروحة بتشتغل بدري فبتشتغل كتير وبيبقي اجهاد علي المروحة لكن ميزته ان العربية مش بتسخن

[i_Am_Legend]

ايه يعنى مروحة_ب100 جنيه_ولا_موتور وجوان وخرط ونص عمرة.ووووو_والمروحة_مالهاش دعوة بالبطارية_هى اصلا شغالة على الدينامو.

[ayminwafay]

لا بتجهد البطارية و اليك الدليل انا مشيت بالعربية باليلل مشوار يعنى النور مع المروحة شغاله على طول تانى يوم الصبح مادورتش مارش رحت مدور زق و شايل فيوز المروحة و شغلتها بالمفتاح اليدوى من غير ترموستات لقيت البطارية ظبطت رحت شايل الترموستات و مغيره من يومها معملتهاش تانى و ربنا بستر

[karimfahmy99]

ايه يعنى مروحة_ب100 جنيه_ولا_موتور وجوان وخرط ونص عمرة.ووووو_والمروحة_مالهاش دعوة بالبطارية_هى اصلا شغالة على الدينامو.

لا بتجهد البطارية و اليك الدليل انا مشيت بالعربية باليلل مشوار يعنى النور مع المروحة شغاله على طول تانى يوم الصبح مادورتش مارش رحت مدور زق و شايل فيوز المروحة و شغلتها بالمفتاح اليدوى من غير ترموستات لقيت البطارية ظبطت رحت شايل الترموستات و مغيره من يومها معملتهاش تانى و ربنا بستر

طبعا عاملة حمل على البطارية و ان مكنش حمل يا سيدى بيضعف دايرة الشحن و اللى بيوصل البطاريةو لا حاجة و الدليل المشاركة اللى بعدك .

انا معرفش بالظبط ترقيم الثرموستات يعنى فى كام و كام و كام . بس الافضل لو مش عاوز ال 90 لو فى انة يشغل من 82 يبقى كويس و يفصل عند 75 مثلا او اذا كان مفيش يبقى يفصل 62

[teto2007]

شكرا ليكم اخوانى الافاضل على الردود وها عمل بنصيحتكم

[khaled_sabry]

شكرا ليكم اخوانى الافاضل على الردود وها عمل بنصيحتكم

انهو نصيحه بالظبط
كل واحد نصحك من وجهة نظره و تجربة الخاصه
وبالتالى النتايج مختلفه
على العموم اتمنى ان من المناقشه ده تكون كونت فكره عن مزايا و عيوب استخدامك للثرموثتات 90/82 و 68/82
و القرار فى ايدك انتا