ملوش حل !!!؟

[THE_HERO2005]

نا جبت عربية من حوالى اسبوع كدا
وكان المكانيكى والعفشجى كشف عليها وقال كويسه هيا بولونيز مو 1987.
المهم من يومين كدا كان الفتيس لما اجيبو على الاول ..بعد ما اخد مطب ولا امشى شوية الاقيه راح ممور (يعنى الفتيس بينطر من مكانو) بس الحوار دا مش على طول ممكن امشى بيها كتير ميحصلش اى حاجة.

رحت للميكانيكى لاقيته بيقولى القنطرة بتاعت الفتيس ملحومة فى الشاسية وهى المفروض تكون مثيتة بمسامير

فارجو من الخبراء حد يقولى اعمل ايه فى حوار الفتيس دا .... اغيرو ولا اصلحو مع العلم انو هوا مكلف .
وحوار لحام الشاسية دا ايه نظامو ؟ فهل دا خطر على العربية ولا ايه ؟
انا جيبتها ب 13.500 العضم كويس و القوايم تمام والموتور كفاءة 80% ومعرفش ايه حوار الشاسيه دا ... هل انا كدا اضحك عليا ولا ايه ؟
معلش طولت عليكم

[aYaBooY]

انت بتتكلم اكيد على 128 او 127 صح؟
لو صح يبقي عادي زي ما القنطرة اتلحمت في الشاسيه تتفك منه عند اي سمكري و لما تفك يعملك مكان للمسمار ال تتركب فيه القنطرة موضوع عادي و حكاية لحام الشاسيه هاتعملة كل فترة في العربيات ديه

[karimfahmy99]

انا مليش خبرة اوى بس هرد على قدم فهمى . موضوع اللحام يفضل اذا كان فى طريقة عند الميكانيكى انة يحاول يرجعة لاصلة او اصلاح مكان المسامير و اعادة ربطة زى الاصلى . موضوع الفتيس هو هل هناك رجلاش للعصاية و لا لأ ؟ و يمكن اما تظبط القنطرة كلة حاجة تتظبط معاة . اما ممكن تكون غويشة الغيار الاول عاوزة تتغير و هتحتاج لفك الفتيس برة . حاول تمشى بالتسلسل و خللى فك الفتيس اخر حاجة

[kantoosh]

يا باشا الموضوع ده ما تقلقش منه الغيار ما باتش فى الحارة بتاعتة كويس وده من ايدك انت مش من الفتيس وكمان بص على قواعد الموتور والقنطرة علشان لو الموتور مش مرتاح هيعوج الفتيس شوية وهيخلى الغيار ما يبقاش فى حارتة تمام ولو كان الموتور قاعدة سليمه ومظبوط تمام انت بس ابقى بيت الفتيس فى حارة الغيار كويس طالما الموضوع ده مش بيحصل فى كل الغيارات يبقى الفتيس زى الفل والف مبروك يا غالى انا معايا بولونيز برضه ةتحت امرك فى اى حاجه

[emam]

السلام عليكم يا جماعة
انا بفكر اشترى عربية بولونيز للاعمال الشاقة معروض على عربية موديل 90 دواخل فبريكة ثانى يد بحالة كويسة ومطلوب فيها 16 الف جنيه اية رايكم السعر دة معقول ولا مبالغ فيه - كمان عاوز اسالكو العربية تستحمل مشوار 100 كيلو يوميا للشغل ولا هتسخن وهتعطل معاى خاصة وانى بمشى على الدائرى يوميا - وشكرا يا رجال البولونيز على تفاعلكم مقدماً

[Esam Mosaad]

على فكره يا باشا العربيه ديه ادى انا برضوا مواليد 1987 ههههههههههههه
وان شاء الله المشكله تتحل

[aYaBooY]

انت بتتكلم اكيد على 128 او 127 صح؟
لو صح يبقي عادي زي ما القنطرة اتلحمت في الشاسيه تتفك منه عند اي سمكري و لما تفك يعملك مكان للمسمار ال تتركب فيه القنطرة موضوع عادي و حكاية لحام الشاسيه هاتعملة كل فترة في العربيات ديه

انا اسف جدا مخدتش بالي انك كاتب نوع العربية
و موضوع القنطرة الملحومة في فردت الشاسيه ديه هنا برده مش مشكلة و محدش ضحك عليك
النصيحة الي اقدر اقولهالك حاول تظبط الحتة ديه زي ما قالك الاخ مالك البولونيز علشان ممكن متكونش غويشة فتيس و ممكن يكون الموضوع عوجة بس