لمبة الزيت بتنور وتطفى؟

[teto2007]

السلام عليكم ورحمة الله وبركاتة
اخوانى الكرام اعضاء المنتدى الموقر من حوالى يومين لقيت لمبة الزيت بترعش كدة تنور وتطفى قلت اغير الزيت اكيد كفائتة قلت لانة بقالة حوالى 2700 كيلو وهو بيتغير على 3000 غيرتة بس بصراحة مغيرتش الفلتر لانى لسة مغيرة المرة اللى فاتت والميكانيكى قالى غسلتة وركبة تانى بس برضة اللمبة رجعت ترعش تانى تنور وتطفى برعشة كدة مش عارف هل دة عيب فى الكهربا ولا الزيت ولا اية اية بالظبط ارجو الافادة وشكرا ليكم

[i_Am_Legend]

2 مالهمش 3_طرمبة زيت ضغطها قل_او تعبانة_الفلتر مسدود_او كهرباء ملمسة_وبص على الترملة الواصلة بساعة الزيت ممكن تبقى سايبة اوملمسة.

[kamalsalem]

ممكن تكون كهرباء.. انا مرة لمبة الزيت نورت عندي وبعد ما مشيت حسبة 15كيلو على الصحراوي طلعت بس بتهرج معايا

[M.Zaher]

2 مالهمش 3_طرمبة زيت ضغطها قل_او تعبانة_الفلتر مسدود_او كهرباء ملمسة_وبص على الترملة الواصلة بساعة الزيت ممكن تبقى سايبة اوملمسة.

+111111111111111
كده بقوا تلاته

بص على الاسهل الاول وبعدين خش على الصعب

1- غير الفلتر

مجابش نتيجة يبقى
2- ساعة الزيت
او
3- طرمبة الزيت

بس طبعا اتاكد الاول من مستوى الزيت

[teto2007]

شكرا للرودود اخوانى الكرام وانا فعلا شاكك فى الكهربا وممكن يكون الفلتر لانى مغيرتوش المرة دى طيب واية انسب زيت للموتور بالنسبة لل 128 هى موديل 91 وشكرا ليكم

[karimfahmy99]

اللى اسمع عنة انة كويس زيت فيسكو . بالنسبة للعربية اعتقد اللى اسمة فيسكو 2000 كويس

على فكرة خد بالك ان ممكن الزيت نفسة يعمل كدة و ميكنش عندك اى مشكلة فى حاجة . غير الزيت و الفلتر الاول و شوف

[samirayad]

أبدأ أولا بتغيير الزيت والفلتر قبل أى شىء

فقد يكون الفلتر محملا بالملوثات

[teto2007]

اولا شكرا لردود حضراتكم ما هى المشكلة كانت من كام يوم قبل ما اغير الزيت رحت ما غيرة برضة نفس المشكلة بس انا مغيرتش الفلتر انا مغيرة المرة اللى فاتت بس غيرت نوع الزيت كنت بحط امارات مصر حطيت المرة دى مصر للبترول الجركن الرصاصى مكتوب علية api sf والميكانيكى قالى الفلتر كان فية زيت متسخ وانا غسلتهولك وركبة تانى هل كدة فى مشكلة من الفلتر ولا اغيرة احسن وينفع اغيرة بعد ما حطيت الزيت الجديد وشكرا ليكم

[karimfahmy99]

عادى غيرة بعد ما حطيت الزيت مفيش مشكلة بس طبعا هيكون وسخ الزيت الجديد خلاص . بس متنساش تزود الزيت ربع كيلو و اكتر شوية على حسب مقاس الفلتر

[nice_bird]

انا حصل معايا موقف زي كدا وكانت جلدة المقاس مهوية شوية بتخلي المقاس يتحرك مع الزيت والموتور

[jojajo]

بس من خبرة فى موضوع اللمبة دة هتلاقى الهواء بتاع العربية قليل خلى الميكانيكى يظبته من الكاربراتير او انت ظبطه لغاية لما تلاقى عداد ال rpm وصل مابين الصفر وبين ال 10 هى دية اللى بتعمل مشكلة اللمبة عندك وشكرا

[teto2007]

شكرا لجميع الاخوة اللى قامو بالرد والمشاركة والمشكلة اتحلت وكانت مشكلة كهربة البطارية كانت قياس الشحن بتاعها ضعيف التوكيل اللى اشترتها منة من سنة شحنها ربع ساعة فقط والكهربائى قالى لا مينفعش كان لازم يشحنها ساعتين او تلاتة المهم اشتريت بطارية جافة تركى كويسة 350 جنية وشكرا ليكم مرة اخرى

[nicegypt]

شكرا لجميع الاخوة اللى قامو بالرد والمشاركة والمشكلة اتحلت وكانت مشكلة كهربة البطارية كانت قياس الشحن بتاعها ضعيف التوكيل اللى اشترتها منة من سنة شحنها ربع ساعة فقط والكهربائى قالى لا مينفعش كان لازم يشحنها ساعتين او تلاتة المهم اشتريت بطارية جافة تركى كويسة 350 جنية وشكرا ليكم مرة اخرى

متابع مشكلة حضرتك .. ومستغرب جدا ان المشكلة من البطارية
لان لمبة الزيت هى اللى بتنور .. مش لمبة البطارية
عموما الحمد لله ان مشكلتك اتحلت
وياريت لو تغير الفلتر اول بأول .. انا احيانا والله بنزل الزيت بعد فترة قصيرة وبغير فلتر اول بأول
لان الفلتر ممكن يتسد بسهولة بجاتب ان تمنة عشرة ج .. مقابل انة بيحافظ على اهم حاجة ف السيارة وهى الماتور
ولما يحصل حاجة مش هتفكر ابدا ف الفلتر يبقى قللنا الاحتمالات .. عموما نصيحة منى غير فلتر اول بأول مع كل غيار زيت .

[teto2007]

متابع مشكلة حضرتك .. ومستغرب جدا ان المشكلة من البطارية
لان لمبة الزيت هى اللى بتنور .. مش لمبة البطارية
عموما الحمد لله ان مشكلتك اتحلت
وياريت لو تغير الفلتر اول بأول .. انا احيانا والله بنزل الزيت بعد فترة قصيرة وبغير فلتر اول بأول
لان الفلتر ممكن يتسد بسهولة بجاتب ان تمنة عشرة ج .. مقابل انة بيحافظ على اهم حاجة ف السيارة وهى الماتور
ولما يحصل حاجة مش هتفكر ابدا ف الفلتر يبقى قللنا الاحتمالات .. عموما نصيحة منى غير فلتر اول بأول مع كل غيار زيت .

اخى الفاضل شكرا لرد حضرتك البطارية هى كانت عاملة مشكلة فى الكهربة لان قياسها وشحنها خلص وتقريبا انتهت فهى دى اللى كانت عاملة مشكلة فى الهربة طبعا مش بتدى كهربة للعربية كويس وغيرتها والحمد لله بقت تمام بس فعلا انا مغيرتش الفلتر بس الميكانيكى قالى انا غسلتة فعل دة ينفع ولا اغيرة احسن بس العربية مشيت بالزيت الجديد حوالى 100 كيلو وشوية ينفع اغيرة ولا لازم يكون مع الزيت الجديد وشكرا ليك مرة اخرى وارجو الافادة