ما هي اعراض حاجة الفتيس الاوتوماتيك للصيانة ؟؟؟

[Dr_Smart]

السلام عليكم

لو سمحتو يا جماعة عايز اعرف امتى احتاج اني اعمل صيانة للفتيس الاوتوماتيك ؟

يعني هيحصل ايه في العربية يقول ان الفتيس فيه حاجة بايظة ولازم اكشف عليه ؟

وسؤال اخر وهو في سيارات الدفع الخلفي ... هل ال propellent shaft ( اللي هو عمود الكردان بس مش متاكد من الاسم ) ممكن يبوظ برضو ويحتاج تصليح ؟ او هل توجد له صيانة دورية ؟

ونفس الكلام على الكرونة والdifferentials ... اعرف منين انها محتاجه صيانة ؟

الاسئلة كتير بس ثقتي في اخواني كبيرة ... قدها وقدود يعني :) جزاكم الله خيرا

[Xpert]

الفتيس الاوتوماتيك غدار ... مش هايقولك انه عاوز صيانه غير لما تلقاه وقف بيك و عطل في وسط السكه كده ....(مش عارف ليه انا باحس بيه ... يمكن علشان عربيتي و عارفها) ....اول ما تدي الغيار بتاع اللقت و تدوس اكسراتير و ماتلاقيش العربيه بتتحرك من اساسه ... اعرف انه باظ و تقوم مغير مركب مانوال و تشتري دماغك ...
بالنسبه للكردان مابيبوظش .. الا اذا كان فيه رفه جامده (هاتجيله منين و هوه راكب ؟ هيا بتيجي لو اتخبط و كده)
الكرونه هاتعرف انها محتاجه صيانه لما تلاقي اصوات غريبه بدأت تطلع من ورا .. و الاصوات دي متمثله في ونه او خشونه ...
بس اشمعني بتسال ؟

[Dr_Smart]

الفتيس الاوتوماتيك غدار ... مش هايقولك انه عاوز صيانه غير لما تلقاه وقف بيك و عطل في وسط السكه كده ....(مش عارف ليه انا باحس بيه ... يمكن علشان عربيتي و عارفها) ....اول ما تدي الغيار بتاع اللقت و تدوس اكسراتير و ماتلاقيش العربيه بتتحرك من اساسه ... اعرف انه باظ و تقوم مغير مركب مانوال و تشتري دماغك ...
بالنسبه للكردان مابيبوظش .. الا اذا كان فيه رفه جامده (هاتجيله منين و هوه راكب ؟ هيا بتيجي لو اتخبط و كده)
الكرونه هاتعرف انها محتاجه صيانه لما تلاقي اصوات غريبه بدأت تطلع من ورا .. و الاصوات دي متمثله في ونه او خشونه ...
بس اشمعني بتسال ؟

الف شكر يا Xpert انت كل يوم بتثبت انك استاذ :)

بص يا سيدي ... 1- لما برجع R واجي اطلع D بسمع صوت خبطة ( كانك خبطت كباية بمعلقة ) غالبا
2- العربية صوتها بقى عالي بس مش قادر احدد من فين . دايما
3- لما بحول من ال N الى ال D ال RPM بيقل جامد . ( من 1000 الى 600 تقريبا ) وبالتالي بيحصل رعشة . دايما
4- فيه رجه او تقطيع على السرعات البطيئة ( جبت كاوتش جديد ورصصت ومازالت موجودة ) والرجه دي موجودة برضو وانا واقف على الD . احيانا
5- لقيت زيت عالعربية من تحت لما كنت بغير زيت الماتور والعامل قالي الزيت ده من الفتيس .
6- بالنسبة للنقل حلو مافيهوش مشكلة .

[Dr_Smart]

يا ريت توضحلي اكتر موضوع الونه او الخشونة بتاعت الكرونه

وشكرا جزيلا على مساعدتك يا باشا

[Xpert]

بص .. اختصر المشوار علي نفسك ... فتيس مانوال و كرونه جديده (كده كده هاتجيب بتاعه الفتيس) ..
عاوز تعرف صوت الونه ازاي ... اركب تاكسي من المضروبين بالنار دول و انت تعرف :d ... دي مافهاش شرح ... تحس زي ... اقولك زي ايه ...زي ما يكون فيخ حاجه شغاله علي بلي و بلف بسرعه جداُ و مش متشحمه ولا فيها زيت ...

[cobco]

طب يا جماعه هوا تكلفه تركيب فيتيس مانيوال وكرونه جداد كام
انا حبيت اسأل من باب العلم بالشئ

[Xpert]

حسب
هاتحتاج بدالات - كردان لو العربيه جر خلفي - كرونه - قواعد الفتيس ...
فيه فتيس ب 400 جنيه و فيه فتيس ب 7000 جنيه حسب الموديل و الموتور و العربيه و الحوارات دي .... تختلف باختلاف العربيه و الموديل ...

[Dr_Smart]

الف شكر يا باشا ... على كلامك ماعتقدش ان عندي مشاكل :)

[sab3aawy]

الف شكر يا Xpert انت كل يوم بتثبت انك استاذ :)

بص يا سيدي ... 1- لما برجع R واجي اطلع D بسمع صوت خبطة ( كانك خبطت كباية بمعلقة ) غالبا
3- لما بحول من ال N الى ال D ال RPM بيقل جامد . ( من 1000 الى 600 تقريبا ) وبالتالي بيحصل رعشة . دايما
4- فيه رجه او تقطيع على السرعات البطيئة ( جبت كاوتش جديد ورصصت ومازالت موجودة ) والرجه دي موجودة برضو وانا واقف على الD . احيانا .

بالنسبة لصوت المعلقة دى يا إما صليبة كردان او كورونا ، وغالبا بتكون صليبة كردان، اكشف عليها، ولو لقيتها مبوشة غيرها، لو الصوت بيجى من الكورونا طنش عليه، ممكن تعيش معاك 20 سنة كدا، الكورونا تغيرها لما تعمل ونة(صوت التاكسيات ال 125 واللادا القديمة جدا زى ما بيشو قا ل لك، هو صوت عامل زى ما يكون بيقول ععععععععععععع وعالى جدا بيجيب آخر الشارع)

بالنسبة للتحويل من Nالى D ال RPM ينزل فدة طبيعى جدا لأنك بتحط حمل على الموتور وخصوصا لو كان الموتور كاربراتير، ده حتى فى العربيات الحقن الإلكترونى بتزل شوية، لكن طبيعى جدا انها تنزل جامد فى عربية كاربراتير، ممكن تكون محتاجة ظبط كاربراتير

بالنسبة للرجة والتقطيع فواضح ان دى مالهاش علاقة بالكاوتش لكن من الموتور نفسه وغالبا هتكون ظبط كماربراتير لو الموتور بكاربراتير

[mina_opel]

سيارتي اسكودا اوكتافيا a5 موديل2007
امبارح كنت مسافر بالعربيه وماشي علي ١٦٠- ١٨٠ ومشيت بتاع نصف ساعه علي ٢٣٠
بعد مادخلت القاهره لقيت الفتيس بيهيس يوصل للنقله السادسه واهدي القي العربيه ثقيله ومش بتسحب ببص لقيته معلق علي السادس والعربيه هيست في النقلات خالص
المشكله اني اتطريت امشي بيها كده لحد ما وصلت وريحتها ساعتين رجعت كويسه وانا راجع حصلت نفس المشكله
ارجو الافاده يا اعزائي
بس مافيش رزعه في العربيه او حاجه
ولما مشيت بالاستبترونك كانت كويسه وعلي الوضع s برضوا كويسه
لما بمشي علي ال d كانت بتهيس
بس لما العربيه بردت رجعت كويسه وكله تمام

بعض الناس افدوني لما الزيت بيسخن لازم تعمل كده ده عادي ومن ضمن عيوبها
وناس قالولي انت كده عندك مشكله في حساس الفتيس او مشكله في الفتيس ده مش طبيعي