عربيتى آخرها 120

[Khellooo]

السلام عليكم ورحمة الله وبركاته

السيارة هى شاهين 1400 موديل 99

نفسى أعرف فيه ايه

ناس كتير بتحكى عن انها جابت سرعات أكبر بالشاهين او حتى 128

أنا العربية عندى آخرها 120 وببقى عاصر الاكسلاتير تحت رجلى

أفيدونى

[midomizo]

ضبط زوايا وكهربا

ومتابع معاكم

[karimfahmy99]

اتاكد ان سلك الاكسيراتير مافهوش بوش كتير . لو فى بوش كتير مش هيفتح بوابة البنزين للاخر

[Memo_Lancer]

نضف الكربورتير
عامل صيانه ؟
نضف فلتر الهو
راجع علي الكهرباء
نظف دوره البنزين

[seade]

ميمو جابلك من الاخر وان شاء الله تقفل العداد :)

[Memo_Lancer]

جبيبي
قولي انت عايز تبيع الاكسنت ولا ايه ؟
دي جميله ماشاء الله

[karimfahmy99]

نضف الكربورتير
عامل صيانه ؟
نضف فلتر الهو
راجع علي الكهرباء
نظف دوره البنزين

فلتر البنزين كمان لو مركب فلتر للبنزين قبل الكاربيراتير

[aYaBooY]

العربية عاملة كام الف
و اخر مرة غيرت طقم الدبرياج امتى
و ها هيا مكتومة ولا بس بتوصل لل 120 و تقف

[Khellooo]

متشكر جدا ياجماعة على ردودكم الجميلة

هى العربية ماشية كتير بس الحمد لله فى خلال أقل من سنة أنا مغير طقم الدبرياج بالكامل

وفلتر البنزين نضيف وفلتر الهوا كمان والزوايا بظبطها من فترة للتانية و سلك الاكسلاتير كويس

دا غير انى وريتها لاتنين ميكانيكية ومحدش منهم قدر يفيدنى

وفلتر البنزين عندى راكب قبل الكربيراتير ومتهيألى مكانه مش ممكن يتغير

المشكلة ان العربية بتوصل ل 120 وبعد كدا مفيش الا لو فى منحدر ممكن تجيب 140 بالكتير قوى

وقبل كدا الميكانيكى طلع جربها معايا على الدائرى مش عارف ظبط ايه كدا فى دقيقة وجاب 140 بكل سهولة

ومن ساعتها ماجابتهاش تانى بس هو بيحرق على الغيار جامد

وهل ممكن يكون الكربيراتير ؟ أنا مانضفتهوش خالص بس مافيش منه مشاكل بالنسبة لى خالص سواء انه بياكل بنزين أو كدا

منتظر ردودكم

[karimfahmy99]

طبعا ممكن يكون الكاربيراتير . دا اكيد . فى سدد فى مجارى الهوا خانق العربية . و كمان البكات تتنضف و الحوض . يا راجل حد يعمل كدة ويسيب الكاربيراتير كل دا من غير تنضيف ؟؟ يعنى من نضافة البنزين اوى عندنا

[m_adeleid]

يا فندم إنت عندك الكاتينه مأخره

[Khellooo]

كاتينة ولا كربيراتير

ولو الكاتينة مأخرة أغيرها ولا أعمل ايه؟

مع العلم انى مغير سير الكاتينة والبلية و العربية هى هى قبل التغيير زى بعده

[samirayad]

راجع برضه على فرامل العربيه وتأكد من أن مفيش فرده قافشه أو محمله

أو فيه مشكله فى بلى عجله أو أكثر

[kantoosh]

السلام عليكم ورحمة الله وبركاته
موضوع السرعه ده ممكن تكون اسبابه هى:
1 - لو انت بتدوس على الدواسه وصوت الموتور بيعلى ومفيش استجابة يبقى دبرياج او اسطوانة
2 - لو بتدوس والصوت ما بيعلاش يبقى كابراتير مكتوم شويتين او السير بتاع الاكسلاتير مش مشدود كويس وده تعرفه لو رجعت برجليك الدواسه ولقيت فيها بوش يبقى السير مش مشدود كويس وعاوز يتشد
وده على حد علمى والله اعلم

[nice_bird]

علي فكرة انا عندي نفس المشكلة لان العربية كانت بتاكل بنزين فروحت اظبط كاربيراتير راح الميكانيكي ركب فواني اصغر 110 و115 بعدها العربية بقي اخرها 120 انا قدام شوية هجيب الفواني الاصلية 110 و 130 لان نعدل السحب والتسارع بيهم احسن