المية الخضرة . هل مستحيل تغلي ؟

[nicegypt]

السلام عليكم
قمت بشراء مية خضرا بسعر 15 ج من كارفور مكتوب عليها " لا تخفف بالماء " يعنى تستخدم فوراَ
طبعا كنت جبت مية خضرا من عند بتاع الريداتير مركزة ولقيتة حاطط مية عادية خف بيها الجركن وخف بيها اللى ف الرداديتر
وكان رأي اعضاء المنتدى انة كدة بوظها

فقررت افضى الريداتير من المية اللى حضرتة بوظها وهحط المية دى وسؤالى تحديداَ :
هل المية دى فعلا مش بتغلي على درجة 100 ؟ يعنى هل لو المروحة فصلت مثلا لقدر الله المية مش هتغلي
يعىن فيها مادة كيماوية تمنعها من الغلايان ومن النقصان ؟ ولا هتغلي عادى ؟

بفكر اجيب شوية مية من الجركن واحطهم ف حاجة ع البوتجاز واجرب ولا اية رأيكم ؟
ولا اخلي المية الخضرة المخففة بالماء العادى ف الريداتير زى مهية ؟

[cOrn]

هتغلى عادى بس ابأ من المياة العادية و من اهم مميزات المياة الخصرا انها مش بتصدى و بتمنع الصا جوا الردياتير

[yarisawi]

الللى انا اعرفه ان درجة غليان الميه الخضراء درجة غليانها عاليه يعنى اعلى من المياه العاديه
وانشاء الله حد يفيدك

[A.Saad]

الللى انا اعرفه ان درجة غليان الميه الخضراء درجة غليانها عاليه يعنى اعلى من المياه العاديه
وانشاء الله حد يفيدك

+++++11111

[nicegypt]

انا جبت الجركن من العربية قلت اقرا اللى علية تانى مكتوب الاتى :
للحفاظ على الريداتير ضد الصداء ومقاومة للسخونة ولا تغلى كالمياة العادية
للاداء افضل للسيارة وللحفاظ على الريداتير .

اخدتم بالكم من نقطة لا تغلي كالمياة العادية دى ؟ مش عارف دى كاتبنها للدعايا فقط ام فعلية دة سؤالى

[kamal_adly]

المياه الخضرا فعلا بتغلى بس درجة الغليان اعلى من المياه العادية لانها خالية من الاملاح و مضاف اليها ايضا مواد كيماوية وانا لسه شارى مياة خضرا مركزة العلبة الصفيح 440ملى و دى فعلا بتتخفف بس تتخفف بميه مقطرة مش ميه عادية و التركيبة دى فعلا فعالة و سرعة التبريد اعلى و فترة تشغيل المروحة اقل بس اهم شيء متابعة مستوى الميه و الصيانة الدورية لدورة التبريد كل موسم.

[د.محمود صلاح]

اللي أعرفه أنها لا تتجمد ( في الدول ذات الأجواء المتجمدة )

[nicegypt]

اللي أعرفه أنها لا تتجمد ( في الدول ذات الأجواء المتجمدة )

كلام حضرتك مظبوط 100 % , دى من ضمن وظائفها الاساسية فى استخدمها فى الدول الاوربية

[karimfahmy99]

المواد المضافة للمية الخضراء تأجل عملية الغليان كام درجة و لكن فى النهاية هتغلى برضة . الاساس انها تمنع الصدا و تحافظ على دورة المياة

لو بتاع الردياتيرات حط العبوة و زود بمية عادية يبقى غير المية دى كلها

[nicegypt]

المواد المضافة للمية الخضراء تأجل عملية الغليان كام درجة و لكن فى النهاية هتغلى برضة . الاساس انها تمنع الصدا و تحافظ على دورة المياة

لو بتاع الردياتيرات حط العبوة و زود بمية عادية يبقى غير المية دى كلها

هو فعلا الجركن اللى فات كان 40 % درجة التركيز راح حضرتة حط مية عادية زود بيها الجركن
وحط مية عادية زود بيها الريداتير .. يعنى بوظ الاتنين فناوي ارمى الاتنين واستخدم الجركن الجديد اللى اشترية امبارح
علما انة غير مركز ومكتوب علية لا يضاف ماء ابداَ هو 4 لتر
هل هحس بأختلاف بين المية المتخففة بماء صنبور وبالجركن دة ؟ من وجهة نظر الجميع

[karimfahmy99]

الفرق اعتقد ان بقى فى نسبة املاح موجودة فى الميية نتيجة تزويد ميية العربية بيها . و دا غلط

الاختلاف مش هيبان فى يوم و ليلة . هيبان على المدى البعيد

غير الميية صح كدة

[yoko]

المياه الخضرة دي إسمها إيثيلين جليكول ودي ميزتها عن الكياه العاديه إنها بتتجمد في درجات حرارة أقل من الصفر وبتغلي أكتر من 100 درجة
وبتفرق الدرجات بحسب نسبة التركيز
والمياه دي بتبقى إيثيلين جليكول مع مياه مقطرة

للإستزادة Ethylene glycol - Wikipedia, the free encyclopedia

[ahmedsamir5edr]

بس المشكله ان معظم الموجود مغشـــــــــــــوش !!
الواحد مش عارف يجيب انهي نوع مضمون

[karimfahmy99]

بس المشكله ان معظم الموجود مغشـــــــــــــوش !!
الواحد مش عارف يجيب انهي نوع مضمون

انا اسمع عن ايدا مستورد و الى حد ما اسمع انة كويس

و حتى لو مصرى همة هيغشوا فى اية ؟ هيحطوا ميية عادية ؟ يعنى الميية المقطرة مشكلة للمصنع او الاضافات و انة يدخل فى طائلة الغش التجارى مظنش

[A.Saad]

ايديا
او

موبيل