غيرت ماتور طرمبه البنزين

[Esam Mosaad]

الحمد لله غيرت امبارح ماتور طربمه البنزين
كان عاملى مشاكل فى السحب والحمد لله كلو اتمام
وجبت ماتور المانى كويس بالفلتر بتاعو

وانا كنت عامل صيانه كامله من شهر تقريبا بس فى حاجه عاوز اسئل فيها

لما الكهربائى فك الطرمبه وخرجها بره وجه عشان يحل الماتور
لقيت الفلتر الى راكب فى الماتور بينزل طين طين طيييين بمجرد لما بضغط على الفلتر اكنها ميه مجارى

فهل ديه هيكون ليه اثره على حاجه وده طبيعى ولا ايه

[samirayad]

يبقى ممكن يكون ماتور الطلمبه القديم سليم

والعيب فى الفلتر

شيله أحتياطى عندك ولو فيه فلاتر بتتباع لوحدها

ممكن تجيبله فلتر وتشيلهم للظروف

والطين ده رواسب متجمعه فى الفلتر من الشغل القديم

بسبب أن البنزين او تنكات التموين مش نظيفه

[karimfahmy99]

حاول انك دايما تمون العربية لما العداد يوصل لربع التنك مش اقل من كدة

[gebreel]

انا بمون لما بوصل للنص كمان مش الربع

[karimfahmy99]

انا بمون لما بوصل للنص كمان مش الربع

يبقى دا اكيد صدا من التنك مش معقول وساخة بنزين . حاول تفك التنك دا يتنضف احسن لان الفلتر الجديد هيحصلة زى اللى حصل للفات . و اكيد الموتور اللى اتفك سليم و الفلتر هو اللى كان كاتم الدنيا

[gebreel]

يبقى دا اكيد صدا من التنك مش معقول وساخة بنزين . حاول تفك التنك دا يتنضف احسن لان الفلتر الجديد هيحصلة زى اللى حصل للفات . و اكيد الموتور اللى اتفك سليم و الفلتر هو اللى كان كاتم الدنيا

هههههههههههههههه حضرتك انا مش صاحب الموضوع =)

انا بس بأيد كلام التموين بدري علشان الفلتر بس =)

[karimfahmy99]

هههههههههههههههه حضرتك انا مش صاحب الموضوع =)

انا بس بأيد كلام التموين بدري علشان الفلتر بس =)

يا سيدى مختلفناش . انا بقول النصيحة بصفة عامة . و لو صاحب المشكلة كان بيعمل زييك بيملى من نص او من ربع التنك باستمرار و لقى البلاوى دى فى الفلتر يبقى فى صدا و بلاوى فى التنك لازم يتفك . حصل خييييييييير يا مان

[mr_sameh]

ممكن تنزل التنك وتنضفو

[Magdyahassan]

لقيت الفلتر الى راكب فى الماتور بينزل طين طين طيييين بمجرد لما بضغط على الفلتر اكنها ميه مجارى
[/QUOTE]

هو الفلتر ده غير فلتر البنزين العادى اللى احنا عارفينه ولا دا غيره؟

[samirayad]

هو الفلتر ده غير فلتر البنزين العادى اللى احنا عارفينه ولا دا غيره؟

غيره

فلتر صغير شبه المخده الصغيره

بيكون موجود على مأخذ طلمبة البنزين ( اللى بنقول عليه موتورالبنزين )

وكله

أى

الموتور بالفلتر موجود داخل العلبه الفيبر اللى بتشوفها للطلمبات من النوع الكهربى (المغموره بتنك البنزين )

[Esam Mosaad]

تمام يا جامعه هوا فعلا كان مع الماتور الجديد سفنجه او فلتر زى المخده
بس على فكره الماتو ركان صوته عالى
وانا برضوا بصيت على التانك لقيت مفيش حاجه فى القاع او حاجه
وطه امر طبيعى الوساخه ديه من ساعت مجبت العربيه متغيرش طبيعى هيلم بلاوى
وان شاء الله هعمل بالنصائح الجميله ديه

شكرا لاستاذى الكبير استاذ سمير عياد انا تعبتك فى الموضوع ده
شكرا لبيقيت الناس كلها محدش قصر بصراحه ربنا يكرمكوا وبيعد عنكوا الطين