الماتور سحب زيت الباكم من السيرفو هل في ضرر ؟!

[hemalotfy]

اولا دي كانت مشكلتي

http://www.nilemotors.net/Nile/182994-a.html

دلوقتي الخزنة كانت مسربة زيت في السيرفو ولما دورنا العربية الموتور سحب الزيت ده وطلع على هيئة دخان كتتتتتير من الشكمان هل ليه ضرر على الموتور ؟!!

[karimfahmy99]

مقدرش افيدك بنسبة قاطعة . بس اكيد اكيد لازم تغير الفلتر و زيت العربية . و يفضل تعمل غسيل زيت مش فلاش . يعنى حط 2 كيلو زيت و دور العربية شويتين ع السلانسية و بعدين نزل الزيت تانى و حط زيت جديد مرة تانية . دا رد اجتهادى . شوف باقى الاعضاء الافاضل اذا حد عندة اضافة تانية

طبعا دا بعد علاج العيب الموجود . و طبعا حاول متمشيش بالعربية بالزيت اللى فية . مظنش فى اضرار لو عملت اللى قلتة ان شاء الله

[tamer_a7]

معلش خليني اقول انا بافكر معاك بصوت عالي
المفترض ان الماتور سحب هوا فيه زيت باكم صح
يعني الهوا دخل غرف الاحتراق واتحرق وغالبا الدخان الابيض طلع علشان كان في زيت في المزيج بتاع الاحتراق
يبقي مبدئيا الموضوع ما جاش ناحيه الزيت بتاع الماتور ولا الفلتر لانه دي دوره ودي دوره وطبعا برده ولا ناحيه المايه ودورت التبريد
لانه الماتور فيه 3 دورات اساسيه زيت و مياه تبريد وهواء وبنزين (خليط الاحتراق)
كل واحده منفصله عن التانيه تماما (معلش انا باشرح بتفصيل علشان اطمنك)
يعني اقصي شيء تعمله علشان تطمن اغسل الكاريراتير بالاسبري ولا اكثر ولا اقل وربنا يسهل انشاء الله وطالما ما حصلش حاجه وقتها ولا بعدها بفتره قصيره يبقي انشاء الله مش هيحصل حاجه

[hemalotfy]

مقدرش افيدك بنسبة قاطعة . بس اكيد اكيد لازم تغير الفلتر و زيت العربية . و يفضل تعمل غسيل زيت مش فلاش . يعنى حط 2 كيلو زيت و دور العربية شويتين ع السلانسية و بعدين نزل الزيت تانى و حط زيت جديد مرة تانية . دا رد اجتهادى . شوف باقى الاعضاء الافاضل اذا حد عندة اضافة تانية

طبعا دا بعد علاج العيب الموجود . و طبعا حاول متمشيش بالعربية بالزيت اللى فية . مظنش فى اضرار لو عملت اللى قلتة ان شاء الله

انا لسه مغير الزيت من اسبوع وبصيت عليه لقيته كويس ومش زايد(انهارده الصبح) والميكانيكي قلي متخفش ملوش دعوة بدورة الزيت بس حبيت اطمن منكم وشكرا ليك

معلش خليني اقول انا بافكر معاك بصوت عالي
المفترض ان الماتور سحب هوا فيه زيت باكم صح
يعني الهوا دخل غرف الاحتراق واتحرق وغالبا الدخان الابيض طلع علشان كان في زيت في المزيج بتاع الاحتراق
يبقي مبدئيا الموضوع ما جاش ناحيه الزيت بتاع الماتور ولا الفلتر لانه دي دوره ودي دوره وطبعا برده ولا ناحيه المايه ودورت التبريد
لانه الماتور فيه 3 دورات اساسيه زيت و مياه تبريد وهواء وبنزين (خليط الاحتراق)
كل واحده منفصله عن التانيه تماما (معلش انا باشرح بتفصيل علشان اطمنك)
يعني اقصي شيء تعمله علشان تطمن اغسل الكاريراتير بالاسبري ولا اكثر ولا اقل وربنا يسهل ان شاء الله وطالما ما حصلش حاجه وقتها ولا بعدها بفتره قصيره يبقي ان شاء الله مش هيحصل حاجه

تفكير وكلام منطقى وده اللي كنت بفكر فيه وكده انت طمنتني اكتر وشكرا ليك

[SAMEH_FOUAD]

ماتقلقش مافيش مشكلة من ناحية الماتور نهائى

بس دلوقتى المشكلة كلها هتبقى فى السيرفو لان كدة الطبلة بتاعة السيرفو هتبقى تقيلة من زيت الباكم فشوف كدة اخبار الفرامل معاك اية

[MMamdouh]

مفيش مشاكل

MMamdouh

[hemalotfy]

سمسم باشا ومهندسنا محمد شرفني مروركم واسعدني جدا وزاد اطمئناني اكتر