صعوبة فى الدوارة والعربية ساخنة

[northy]

ازيكم يا احلى شباب
عندى مشكلة غريبة شوية فى عربيتى ال 128
بلاقى صعوبة فى الدوارة لما تكون العربية سخنة ولازم ادوس جامد عشان تدور وبعد اكتر من محاولة
الكلام ده بيحصل لما اسيب العربية اكتر من 10 دقايق بعد اى مشوار انما لو طفيتها وشغلتها تانى علطول او بعد دقيقة او دقيقتين مفيش اى مشكلة وبتدور عادى من اول تكة
يعنى الفكرة ان العربية تكون سخنة وسايبها لمدة من 10 دقايق لربع ساعة كده فما فوق
الاغرب بقى ان العربية لما تكون باردة بتدور من اول تكه يعنى الصبح مبلاقيش اى مشكلة فى الدوارة
يا ترى يا جماعة ايه الحل؟
وشكرا

[karimfahmy99]

بص انا هقولك حاجة كانت مشابهة لحلتك كدة كانت بتحصل معايا زمان ايام السيات المشهورة بالسخونية . نفس اللى بيحصلك و اكتشفت ان من السخونية البنزين فى الماسورة الجديد اللى جاية من التنك البنزين مش بيعدى منها من السخونة او يمكن بيتبخر و اللى اكدلى الكلام دا ان كل مرة تحصل الحركة دى ارش ميية على الماسورة ابردها تدور العربية علاطول . عشان اخلص من الموضوع دا قصيت الماسورة لورا اد 20 سم تقريبا و حطيت بدالها خرطوم دبل تقوية يعنى تقوية خارجية و تقوية داخلية . و الحمد لله بطلت تعمل الحركة دى حتى لو مولعة من السخونة و سبتها ربع ساعة تدور علاطول . يمكن دا يكون نفس المشكلة دى

[jojajo]

بص يا باشا دية مشكلة فى المارش بيبقى فى حاجة اسمها الترس وبتتغير عادى روح لاى كهربائى وهو هيعرف على طول

[karimfahmy99]

بص يا باشا دية مشكلة فى المارش بيبقى فى حاجة اسمها الترس وبتتغير عادى روح لاى كهربائى وهو هيعرف على طول

بصراحة كلامة مش واضح . بيقول صعوبة فى الدوارة !!!! يعنى المارش بيعتل و لا المارش شغال بس العربية مبتلقطش ؟؟؟؟؟

[northy]

يا جماعة المارش بيدور عادى خالص
بيبقى عامل زى ما تكون العربية شرقانه ومش بتدور غير لما تدوس بنزين جامد وتقضل ضاغط على الكونتاكت لحد متلقط

[jojajo]

اه هى بص ممكن يكون عيب طرمبة البنزين او الكاربراتير مسدود على الاخر والله اعلم برضوا انت لو بتعذبك اوى روح للميكانيكى احسن

[aYaBooY]

ده عيب سببه رداخ طرمبة البنزين بيتمدد مع الحرارة و الطرمبة متبقاش بتحدف بنزين للكاربراتير

[aboomar22]

اقول سبب كمان ممكن سكون الموبينة بتسخن جرب تحط عليها فوطة مبلولة مية وتجرب تدور لو لقيت الموبينة كانت سخنة ودارت بعد حط الفوطة المبلولة يبقى غير الموبينة

[elsherif_2000]

لو عندك بطارية جافة يبقى هية السبب لان الحوار دة كان عندي بالظبط

[ahmadhussein]

انا كان عندى مشكلتك دى لما العربية كانت بتسخن واجى ابطلها واقعد دقيقة واجى ادور الاقيها بتعتل اما الصبح بتكون زى الفل

طلع فى الاخر ظبط كهرباء الاسبراتير وغيرت معاه كمان طقم الكهرباء وسلك البوجيهات لانه طلع بيهرب وبعد كده اختفت الحكاية دى تماما وريحت دماغى .

فانصحك تكشف على كهربة العربية لو فيها ابلاتين وكوندنسر وتشوف البوجيهات والسلك بتاعهاوربنا يكون فى عونك ويوفقك يارب.

[khaled_sabry]

ياجماعه خدو بالكم من كلام الراجل

بلاقى صعوبة فى الدوارة لما تكون العربية سخنة ولازم ادوس جامد عشان تدور وبعد اكتر من محاولة
الكلام ده بيحصل لما اسيب العربية اكتر من 10 دقايق بعد اى مشوار انما لو طفيتها وشغلتها تانى علطول او بعد دقيقة او دقيقتين مفيش اى مشكلة وبتدور عادى من اول تكة
يعنى الفكرة ان العربية تكون سخنة وسايبها لمدة من 10 دقايق لربع ساعة كده فما فوق
الاغرب بقى ان العربية لما تكون باردة بتدور من اول تكه يعنى الصبح مبلاقيش اى مشكلة فى الدوارة

كل الردود مع احترامى ليها مفترضه ان العربيه مش بتدور و هى سخنه
لا العربيه بتدور و هى سخنه مشكلته لما بتبقى العربيه سخنه و يطفيها و يدورها بعد 10 دقايق فاكثر

[aYaBooY]

ده عيب من طرمبة بنزين

[aboelseed]

انا عندي نفس المشكله ممكن تقولي حلتها ازاي و شكرا

[wael saed abdo]

حل المشكلة

من فضلك ممكن تقول حليت المشكله ازاى؟