سؤالين بخصوص البطاريه الجافه

[marsguy]

السلام عليكم ورحة الله وبركاته،،،

أنا عندي بطاريه جافه ماركتها AC Delco.

كان لي سؤالين بخصوص البطاريه:

1- هل عدم تشغيل السياره لفترات كبيره (5 أيام أو أكثر) يؤدي إلى جفاف البطاريه الجافه وتحجر مكوناتها وبالتالي تلفها؟
2- هل مجرد تسخين السياره كافي لإعادة شحن البطاريه، أم يجب أن أقود السياره على سرعات عاليه حتى يبدأ المولد في شحن البطاريه؟


شكراً

[ahmedsrs]

انا عندى بطارية جافة وبسافر بالعربية مرة فى الأسبوع ومبشغلش الربية خالص فى خلال الأسبوع ومفيش اى مشاكل

[Ahmad Allawy]

والله انا كمان جايب نفس البطارية و مش باتحرك بالعربية خالص غير في الويك اند بس..
يغني تقريبا طول الاسبوع العربية نايمة في الجراج من غير حتي ما اسخنها..
والحمد لله بتدور من اول مرة وكله تمام..
محتاجين حد من المهندسين التقال في الموضوع يفتينا..و يكون له حزيل الشكر..

[marsguy]

يا معشر المهندسين التقال

حد يساعدنا :)

[Xpert]

الله اعلم .. عاوز اعرف انا كمان للاهميه ...

[S H @ F T]

يا جماعة
البطارية الجافة هو مصطلح أطلقه شعب مصر المتخلف على البطارية السائلة التي لا تحتوي على أغطية.
ولكن هي نفس البطارية والله
لا يوجد بطارية جافة للسيارات حتى الان في العالم. والفرق الوحيد أن هذه البطارية تم الغاء الأعطية منها منعا للفزلكة وتزويد المياه (على الفاضي والمليان) مما يلؤدي لاختلال تركيز الحمض وبالتالي تاكل ألواح الرصاص وتلف البطارية.
وأرجوكم محدش يصدق الكلام المتخلف بتاع التجار انها بطارية جافة زي الحجارة القلم بس على كبير

[sab3aawy]

يا جماعة
البطارية الجافة هو مصطلح أطلقه شعب مصر المتخلف على البطارية السائلة التي لا تحتوي على أغطية.
ولكن هي نفس البطارية والله
لا يوجد بطارية جافة للسيارات حتى الان في العالم. والفرق الوحيد أن هذه البطارية تم الغاء الأعطية منها منعا للفزلكة وتزويد المياه (على الفاضي والمليان) مما يلؤدي لاختلال تركيز الحمض وبالتالي تاكل ألواح الرصاص وتلف البطارية.
وأرجوكم محدش يصدق الكلام المتخلف بتاع التجار انها بطارية جافة زي الحجارة القلم بس على كبير

كلام صحيح الى حد كبير

فقط اضيف ان البطارية المقفلة (التى نقول عليها جافة) ,تسمى VLRAيوجد منها نوعين، نوع يعتمد على نشر الحامض خلال كمية من الياف الزجاج تملأ الفراغات بين الواح الرصاص، وتسمى AGM إختصارا ل absorbant glass matونوع آخر يعتمد على حامض مذاب فى جيل بدلا من الحامض السائل وتسمى Gell batery ، وفى كل الأحوال فإن المبدأ الأساسى لتشغيلها هو الواح الرصاص والحامض كما فى البطارية السائلة

للمزيد

http://en.wikipedia.org/wiki/VRLA

http://en.wikipedia.org/wiki/Absorbed_glass_mat

http://en.wikipedia.org/wiki/Gel_battery

[marsguy]

جزاكم الله خيراً

أنا عمري ما كنت أتخيل إن البطاريه الجافه دية مش جافه بجد، أنا كنت فاكرها فعلاً زي البطاريه القلم بس على كبير.

أفهم من كلامكم إنها عشان مش جافه فا مكوناتها الداخليه مش هاتتححجر ولا حاجه. طيب تمام بس ما حدش جاوب على السؤال:

- هل مجرد تسخين السياره كافي لإعادة شحن البطاريه، أم يجب أن أقود السياره على سرعات عاليه حتى يبدأ المولد في شحن البطاريه؟

وفي سؤال تاني جه على بالي:

- ليه أصلاً بنسخن العربيه عشان البطاريه ما تبوظش؟ يعني إيه أسباب تلف البطاريه لما العربيه تعد فتره كبيره من غير تشغيل؟


شكراً

[Ahmad Allawy]

سبعاوي باشا..
انت سيبت السؤال الاصلي وجاوبت علي او وضحت وجهة نظر اخونا بالنسبة لتكنولوجي تصنيع البطارية..
انا اقدر ذلك وانت فعلا افدتنا بمعلومة جديدة مفيدة..
بس معلش هنتقل عليك وافيدنا اكتر في السؤال الاصلي..
ربنا يكرمك يا باشا..
الف شكر..مقدما

[sab3aawy]

سبعاوي باشا..
انت سيبت السؤال الاصلي وجاوبت علي او وضحت وجهة نظر اخونا بالنسبة لتكنولوجي تصنيع البطارية..
انا اقدر ذلك وانت فعلا افدتنا بمعلومة جديدة مفيدة..
بس معلش هنتقل عليك وافيدنا اكتر في السؤال الاصلي..
ربنا يكرمك يا باشا..
الف شكر..مقدما

يسرى على البطارية الجافة ما يسرى على السائلة

يعنى لابد من شحنها لفترة كافية مرة كل اسبوعين على الأكثر وهى جديدة تقل هذة المدة الى اسبوع عندما تقدم البطارية

عدم الشخن والتفريغ يؤدى الى تآكل مكونات البطارية وتلفها

[ecybrarian]

البطارية لا تفقد شحنها إلا إذا كان هناك تهريب أو استخدام لها والموتور مطفي (مثل إنذار شغال عمال على بطال أو نور متساب منور...إلخ)
أما " ليه أصلاً بنسخن العربيه عشان البطاريه ما تبوظش؟" الفكرة إن الدينامو هو إلي بيشحن البطارية والدينامو مبيشتغلش إلا والموتور شغال..يبقى لازم نشغل الموتور علشان نرجع ما يمكن أن تكون فقدته البطارية من شحن نتيجة الاستخدام اثناء طفي الموتور.....مش عارف ليه عاسس ان كلامي ده مش مفهوم :-)
خلوني أضرب مثل:
الموتور مطفي..والكاسيت شغال..يبقى الكاسيت واخد الباور (الكهربا) بتاعته من البطارية..يبقى البطارية بتفقد بعضا من شحنها تدريجيا (يمكن قياسها بأجهزة قياس الكهربا)...يتم تشغيل الموتور..الدينامو يشتغل ويعيد للبطارية ما فقدته من شحن (نقيس مرة اخرى)
الحالة الثانية:
الموتور مطفي.. ونور العربية منور..النور ياخد كهربا من البطارية...البطارية تفقد شحنها تدريجيا حتى تصبح غير قادرة على تشغيل المارش وبالتالي العربية لن تدور والدينامو لن يعمل...الحل إعادة شحن البطارية عن طرق أخرى (التونجر مثلا أو توصيلة من بطارية أخرى Jump أو زفة وترمي عالتاني) مع العلم الزقة لا تعيد شحن البطارية بل تسمح بتشغيل الموتور وبالتالي الدينامو الذي هو إللي يقوم بشحنها..

والله أعلم

[ecybrarian]

نسيت أقول إن استهلاك البطارية (أي التفاعلات داخلها) يؤدي إلى تآكل الرصاص والمواد الموجودة بالداخل وبالتالي عدم قدرة البطارية على شحنها لأخر طاقتها. زي ما قال أخونا واستاذنا سبعاوي (كما نحسبه عند الله)

[Ahmad Allawy]

بيتهيألي كده مفيش حاجة تانية ممكن تتقال..
الف شكر يا جماعه علي المشورة والمعلومة..

[marsguy]

الف شكر يا جماعه على المعلومات المفيده بجد

بس أنا لي إستفسار أخير وما حدش رد عليه

- هل مجرد تسخين السياره كافي لإعادة شحن البطاريه، أم يجب أن أقود السياره على سرعات عاليه حتى يبدأ المولد في شحن البطاريه؟

أصل أنا محتار؟

أنا قرأت هنا في المنتده إن لما الواحد يسخن الموتور أو لما الموتور بيدور على عدد لفات قليله لفتره كبيره ده بيؤدي إلى تكون أحماض تؤدي إلى تلف وتآكل الموتور.

طيب إذا كات تسخين الموتور مش كفايه إنه يشحن البطاريه، وإني لازم أطلع بالعربيه وأمشي بسرعات عاليه إلى حد ما عشان البطاريه تشحن، يبقى كده المفروض ما أسخنش العربيه خالص بهدف المحافظه على البطاريه، مش كده؟؟؟؟؟

لكن لو مجرد تسخين العربيه كافي لشحن البطاريه أو لإعادة تعويض الشحن المفقود لسبب أو لآخر فا ده معناه إن تسخين العربيه شئ مجدي؟؟؟؟


شكراً

[MMamdouh]

مش لازم سرعات عالية يدوبك مشوار فى الرفيع بتاع 200 او 300 كيلو كدة :D

مش شرط فعلا سرعات عالية بس لو مشوار 10 او 15 دقيقة يبقى كويس عشان تحافظ على البطارية و الموتور

MMamdouh