مشورة من أهل الخبرة

[bishoy02010]

الموضوع بإختصار بتكلم مع واحد صاحبى بيحكى انهم كانو مسافرين على 180 .. 200 طول الطريق لمدة ساعتين أو 3

فبعد مخلص كلامة بيقولى فنزلنا وسيبناها شغالة فسألتة ليه !

قالى ان الموتور بيكون سخن والعربية محتاجة تظبط التوقيت بتاعها وغلط انها تطفى على طول !!!

فالكلام ده ليه أساس علمى ولا لأ

والمفروض اول متقف تبطل العربية على طول عادى ولا ده يأثر على الموتور والمفروض أسيبها دايرة شوية على السلانسية زى مقال ؟؟؟!!!

[acceleration]

متااااااااااااااااااااااابع

[aliyehia]

انا اعرف ان الكلام ده لازم فى العربيات الديزل ,
مش كويس يطفوا المحرك و هو سخن الا بعد فتره قصيره

[bishoy02010]

انا اعرف ان الكلام ده لازم فى العربيات الديزل ,
مش كويس يطفوا المحرك و هو سخن الا بعد فتره قصيره

لأ انا مش قصدى الموتور وهوه سخن يعنى مش قصدى بعد مشوار عادى انا بتكلم على 500 كيلو سفر متوسط السرعة 180 مثلا ... 5 --- 5.5 ار بى ام واول متقف تطفيها على طول ولا لأ ؟!!!!

طيب ماهوه لو بينطبق على الديزل مهينطبق علينا ولا إيه الفرق !!!

[karimfahmy99]

اللى اعرفة انة بعد مسافات طويلة زى ما قلت بتسيب العربية دايرة شوية قبل ما تطفيها دى سمعتها كتير

و كمان حاجة تانية انك مع المسافات الطويلة دايما تغير السرعة كل فترة يعنى متمشيش على سرعة واحدة طول الطريق

[mahmoodallam]

الموضوع بإخت
قالى ان الموتور بيكون سخن والعربية محتاجة تظبط التوقيت بتاعها وغلط انها تطفى على طول !!!

انا ما بفهمش اوي في الميكانيكا
بس اللي انا اعرفه ان حرارة الموتور بتكون ابرد على السرعة من حرارته وانت واقف .

[karimfahmy99]

انا ما بفهمش اوي في الميكانيكا
بس اللي انا اعرفه ان حرارة الموتور بتكون ابرد على السرعة من حرارته وانت واقف .

الموضوع مش كدة مش عارف اوصلهالك ازاى . بس مثلا انت تقدر لو كنت بتجرى و بتنهج انك تشرب ميية علاطول غلط

او فى الخيول لو كانت بتجرى ممنوع تشربها الا لما تهدى

انت بتسيب العربية شوية قبل ما تطفيها عشان الدورة ترجع لطبيعتها تانى . انا عن نفسى بعمل اية . قبل ما باجى اقف بمور العربية و اسيبها ماشية شوية لحد مكان ما هقف و بطفيها علاطول عادى

[essamenen]

الكلام ده فى العربيات الديذل فيقوم بترك العربيه شغاله لفتره علشان تبرد بس فى البنزين لو الحراره ارتفعت نطفء المحرك فورا
هو مش هيضر بس راى مش لازم ولو ليه فايده كانوا كتبوه فى دليل المستخدم او الصيانه

[karimfahmy99]

الكلام ده فى العربيات الديذل فيقوم بترك العربيه شغاله لفتره علشان تبرد بس فى البنزين لو الحراره ارتفعت نطفء المحرك فورا
هو مش هيضر بس راى مش لازم ولو ليه فايده كانوا كتبوه فى دليل المستخدم او الصيانه

انا معاك ان فى الديزل دا الاحسن . بس مش هتخسر حاجة لو اخر 200 او 300 متر قبل ما تقف تمور العربية و تسيبها ع السلانسية قبل ما تقف و تبطل انا بعمل كدة

الاهم فى الموضوع هو انك متمشيش طول الطريق على سرعة واحدة . لازم تغير سرعتك كل فترة و دى مذكورة فى اغلب الكتالوجات

[bishoy02010]

شكرااااااااااا

[aYaBooY]

طريقة التعامل ديه بتم في الديزل علشان محركات الديزل حرارتها عالية و مش بتحتاج نظام تبريد جيد زي البنزين و لو بطل العربية الديزل بعد مشوار ممكن الموتور يقفش و ميدورش تاني غير بعد عمرة لكن في البنزين الكلام ده مش موجود و الدليل انك لو العربية بنزين و سخنت بتجيب وش سلندر لكن كل ركاب الديزل بيفضلوا ان الموتور يسخن علشان يمشي افضل

[acceleration]

فى حاجة مش فاهمها
هو يعنى ايه اساسا العربية تظبط التوقيت بتاعها هو مش كدا كدا اللى بيتحكم فى التوقيت ده عمود الكامات وسواء العربية سخنة ولا باردة ماشى ساحب بيها او لأ هوا هوا نفس عمود الكامات ؟
اومال ايه اللى بيغير التوقيت؟