التكييف بيصفر

[kh_talaat]

إلى أخواني أعضاء المنتدى عندي مشكلة غربية في التكييف وهي إني لما أشغلة بيطلع صوت زي الصفارة كدة سسسسسسس ، والصوت دة بيختفي لما أفصل زرار التكييف وأشغل المروحة بس

يا ريت لو حد يعرف حل للمشكلة دي يدلني على الحل لأن الصوت دة بيعملي صداع طول ما أنا مشغل التكييف خصوصا وإن الصيف دخل والحر إبتدى وكل سنة وأنتم طيبين ، مع العلم إن عربيتي هيونداي فيرنا والتكييف بيبرد بشكل جيد يعني المشكلة في الصوت بس

[ahmedsrs]

رمان بلى الكباس ممكن يعمل تصفير وتكييف ممكن يبرد عادى بس ممكن يقفش مع الوقت

[sab3aawy]

الفسسسسسسسسسسسسسس دى لا تقلق نهائيا، هى بتكون صوت منخفض جدا له نفس نغمة صوت جنزير الدراجة لما بنكون راكبينها وماشيين بيها بقوة الإندفاع من غير ما نبدل ، ودى نتيجة لمرور الفريون من فتحة بلف التمددexpansion valve الضيقة، وبتكون مسموعة لو بلف التمدد مكشوف او قريب من السائق او كلاهما، وهو عيب تصميمى فى بعض السيارات مثل الفيكترا التسعينات والشاهين ، ويظهر كذلك فى التكييفات المتركبة، لكن اول مرة اعرف انه موجود فى الفيرنا ، بس عموما ما تقلقش منه نهائيا لأن الخطأ ليس فى وجود الصوت لأنه موجود فى كل تكييفات الدنيا لكن فى عدم عزله عن ودنك

[kh_talaat]

بس إللي قالقني إن الصوت دة مكنش موجود قبل كدة وبدأ يظهر في نهاية الصيف الماضي ، وليا واحد صاحبي كان عندة نفس الصوت دة في عربيته اللانسر وكانت لسه في الضمان وراح التوكيل وصلحوها وإختفى الصوت ..بس لم يقولوا له عملو إية بالظبط ، بس هو بيقولي إنهم تقريبا نضفوا المجرى بتاع التكييف

[sab3aawy]

بس إللي قالقني إن الصوت دة مكنش موجود قبل كدة وبدأ يظهر في نهاية الصيف الماضي ، وليا واحد صاحبي كان عندة نفس الصوت دة في عربيته اللانسر وكانت لسه في الضمان وراح التوكيل وصلحوها وإختفى الصوت ..بس لم يقولوا له عملو إية بالظبط ، بس هو بيقولي إنهم تقريبا نضفوا المجرى بتاع التكييف

بص، لو الصوت من الصالون ومش مسموع نهائيا من حوض المحرك او من خارج السيارة يبقى زى ما انا وصفتلك ، لو الصوت ظاهر من خارج السيارة او من الحوض يبقى دور على البلى والسيور والكلام ده

ولو كان الصوت مش موجود من الأول وظهر قريبا ممكن يككون ده له سببين، إما ان العربية مكملتش معاك سنة كاملة وبالتالىانت مجربتش التكييف فى الجو اللى مش حر أوى، لأن عادة الصوت ده بيظهر لما يكون التكييف شغال على حمل خفيف، وبالتالى مفروض الصوت يروح مع ارتفاع حرارة الجو

وممكن يكون بسبب نقص الشحنة وفى هذة الحالة اقترح عليك انك تكشف اذا كان التكييف شحنته كاملة وللا محتاج شحن

[MoMohsen]

انا فى رأيى قبل ما تعملها مشكله كبيرة و تقلق نفسك روح الاول اعمل صيانة تكييف و لو فية فلتر هواء فكة و نضفة و خلى بتاع التكييفات يشدلك السير بس
لان العيب دة كان عندى و طلع السي كان مرخى بس و نفس العيب كان مع واحد صحبى معاة لانسر و طلع فلتر الهوا كان عاوز ينضف بس.