سؤال محير فى الموتور

[moudy2002]

اخوانى الكرام .
كنت من اسبوع حكيت مشكلتى مع الموتور وموضوع الدخان الابيض الى سعات بشوفة بيخرج من الشكمان لما اكون مشبع الغيار وبيجرى شوية
وبلاقى ان الزيت بينقص بستمرار . ممكن الينك دة علشان تشوفوا مشكلتى بالضبط

http://www.nilemotors.net/Nile/showthread.php?t=17223

المهم رحت عند اتنين ميكانيكية علشان يكشفو على العربية وكان الرد واحد وهو
ان العربية مش محتاجة طقم شمبر دلوقتى لان المكنة كويسة . ونصحونى انا اغير الزيت السوبر الى بحطة وحط زيت عادى الى بيتغير كل 1000 او 1500 ك واستمر على كدة غيرين زيت ولا حاجة وارجع بعد كدة احط زيت سوبر تانى ..
على اساس ان الزيت التقيل بيملا الفرغات الى ممكن تكون موجودة فى الشمبر ..

مش عارف كدة صح ولا اية ...

كمان لما الزيت بيبقى ناقص( تقريبا فى نص العلامتين ) مش بلااحظ دخان ابيض خالص والعربية سحبها كويس ولما بزود الزيت لغاية المقياس FULL احس ان العربية تقلت و لاحظ الدخان الابيض يطلع تانى لما اقرص على الغيار و شبعة ... ؟
مش عارف اية العيب بالضبط
ارجو المساعدة واسف على الاطالة ..

[sab3aawy]

اعتقد يا اخ مودى من خلال كشفك على السيارة بالمحطة ومن خلال كل الردود السابقة ان احنا محصورين حاليا فى كاوتش الصباب

انا بس عايز أسألك انت جربت تجربة خرطوم الفايظ؟ (فك خرطوم الفايظ ومتابعة خروج بخار منه مع كبس الإكسراتير)

لو الخرطوم مش جايب بخار او بخار خفيف جدا يبقى مشكلتك كلها فى كاوتش الصباب

لو الخرطوم مبخر يبقى احنا لازلنا عندنا مشكلة مع الشمبر

[moudy2002]

شكرا سبعاوى باشا على الرد والاهتمام
على الععموم انا هروح لميكانيكى النهاردة وخلية يفك خرطوم الفايظ وهشوف بنفسى اذا كان فى بخار ولا لا ومش هعمل حاجة غير لما ارجع اقولك النتيجة وهاخد برأيك حضرتك ( دا اذا سمحت لى )
وربنا الموفق ..
اخوك
محمد