مقلق

[mrwho1982]

السلام عليكم اولا

ثانيا انا لسه مركب النهاردة لوحة مفاتيح زجاج اللي هي 4 مفاتيح

المشكلة بقي ان الزرار بتاع السواق مكتوب عليه auto

لما اجي ادوس عليه بيفضل يرفع الازاز لوحدة او لما بدوس علية بينزل لوحدو يعني مابيقفش

انا خايف لاحسن يكون كده في حمل عالموتور بتاع الازاز

يعني الزار بيفصل ولا بيفضل محمل عالموتور


لوحة المفاتيح اللي ركبتهابتاعة كيا والعربية نوعها بروتون ويرا

رجاء افيدوني لاني خايف ومقلق لاحسن الضفيرة تتحرق

[cOrn]

زرار السواق مكتوب عليه Auto انت دوس على الزرار من النصف مش هينزل او يطلع للاخر يعنى متدوسش على الزرار من الطرف و اعتقد ان الموضوع عادى جدا ميأثرش على الضفيرة لأن كدة فيها وحدة رفع والله اعلم

[Memo_Lancer]

هو الطبيعي عندي كده في العربيه
بس اسال اللي ركبها

[A.Saad]

ما دام اوتو
يبقى لازم ينزل او يرفع او واحد فيهم للاخر
المهم ان الموتور يفصل بعد الزجاج ما يروح لاخر مشواره

[Adham]

ماتقلقش و دة العادي

لما تدوس دوسة طويلة عالزرار بيرفع الزجاج للأخر او ينزلة للأخر

انما لو دوست دوسة صغيرة سريعه الازاز بينزل شوية و يقف مع رفع ايدك عن الزرار تدوس تاني يبقى عادي, انما الدوسة الطويلة في اول المشوار(وهو فوق خالص او تحت خالص) تخلية يمشي للاخر مايقفش في النص الا لو انت دوست علية تاني

المهم انة مش حايبوظ الموتور و لا يحرقة لانة بيبقى زي فية وحدة رفع

لو انت مقلق يبقى بعد ما ينزل للاخر دوس علية دوسة سريعه في نصف ثانية خلية يادوب يطلع نص سنتي

[ahmed_h_g]

طالما المفتاح بيرجع لوضعه الطبيعى أوتوماتيك يبقى متقلقش

[yaseralshall]

ماتقلقش و دة العادي

لما تدوس دوسة طويلة عالزرار بيرفع الزجاج للأخر او ينزلة للأخر

انما لو دوست دوسة صغيرة سريعه الازاز بينزل شوية و يقف مع رفع ايدك عن الزرار تدوس تاني يبقى عادي, انما الدوسة الطويلة في اول المشوار(وهو فوق خالص او تحت خالص) تخلية يمشي للاخر مايقفش في النص الا لو انت دوست علية تاني

المهم انة مش حايبوظ الموتور و لا يحرقة لانة بيبقى زي فية وحدة رفع

لو انت مقلق يبقى بعد ما ينزل للاخر دوس علية دوسة سريعه في نصف ثانية خلية يادوب يطلع نص سنتي

الكلام ده مضبوط وجرب عندك كده ودوس ضغطة صغيرة هتلاقى الزجاج نزل شوية بس

[mmffor]

ده طبيعي لان بعد ما الازاز بيقفل بيفصل زي وحدة الرفع كده!

[mrwho1982]

شكرا لجميع الردود

[Memo_Lancer]

العفو يا كبيرنا
انت تؤمر يا جميل