ضبط الزوايا و الترصيص

[shady_elkady]

مين احسن حد ياجماعة بتاع زوايا و ترصيص انا كنت بسمع عن واحد فى المنيل بس عموما عاوز حد كويس و مضمون لانى ضبط زوايا كذا مرة و لسة فى حتفة بس يارات العنوان بالتفصيل شكرااااااااااااااا

[أبو_حمزة]

فى ناس كتير كويسين و أولهم درش معانا هنا فى المنتدى
المهم انت ساكن فين
لو فى مدينة نصر يبقى مركز بريدجستوب فى بنزينة كالتكس عباس العقاد انا مجربهم و ممتازين بس غالى حبه

[shady_elkady]

فى ناس كتير كويسين و أولهم درش معانا هنا فى المنتدى
المهم انت ساكن فين
لو فى مدينة نصر يبقى مركز بريدجستوب فى بنزينة كالتكس عباس العقاد انا مجربهم و ممتازين بس غالى حبه

شكرا لردك انا ساكن فى الهرم بس مش مشكلة اروح اى مكان (مركز بريدجستوب فى بنزينة كالتكس غال شوية يعنى كام)

[MMamdouh]

مين احسن حد ياجماعة بتاع زوايا و ترصيص انا كنت بسمع عن واحد فى المنيل بس عموما عاوز حد كويس و مضمون لانى ضبط زوايا كذا مرة و لسة فى حتفة بس يارات العنوان بالتفصيل شكرااااااااااااااا

اوعى تروح لبتاع المنيل

الراجل خرب عربيتى و النوبيرا ال2000

الاول قال ان العربية ماخرة من ناحية العجلة الشمال و قام قالب البطاحة و بقت العربية ماشية مسطرة بس اول ما تدوس فرامل العربية تحود شمال... مش تحدف... تحود تماما... رحت للميكانيكى قاللى دة تخريف و هبل و عدل البطاحة و ضبط زوايا عند محطة موبيل اللى فى باب اللوق فى وش وزارة الاوقاف و بقت تمام

لما اتعرفت على مصطفى بتاع النوبيرا و كان بيغير مساعدين ورا اكتشفنا ان برضة الراجل بتاع المنيل لسبب يعلمة الله لحم الركبة فى الشمعدان و طلع عين الميكانيكى عشان يفك اللحام و يحل المساعد

الراجل بتاع المنيل اونطة و منظر على الفاضى... تحجز قبلها بيوم ولا اكنك رايح لجراح و فى الاخر بيهدل الدنيا

MMamdouh

[shady_elkady]

انا بردة عملت ترصيص عند علا الدين الى فى المريوطية ومن ساعتها العربية بتترج اكتر من الاول انا عاوز حد مضمون و يكون الاجهزة الى عندة معيرها كويس و السوفت وير بتاع جهاز الزوايا نازل فية الابدات بتاع الافيوا

[MMamdouh]

درش و fit & fix عندهم هارد وير حديث بيضبط زوايا بالليزر

MMamdouh

[shady_elkady]

طيب معلش عنوانهم اة

[MMamdouh]

درش فى جسر السويس... اعتقد العنوان بالتفصيل فى قسم الخدمات

fit & fix فى محطة كالتكس ناصية عباس العقاد و النحاس

MMamdouh

[shady_elkady]

درش فى جسر السويس... اعتقد العنوان بالتفصيل فى قسم الخدمات

fit & fix فى محطة كالتكس ناصية عباس العقاد و النحاس

MMamdouh

شكرا لردك----------

[أبو_حمزة]

على ما اذكر الزوايا فى كالتكس عباس العقاد كانت ب40 أو 30
بس افضل مكان شوفته ( انا ما جربتش درش)

[mazdawy]

والله أنا كانت معلوماتى ان الراجل بتاع المنيل كويس بناء على عدة شهادات من سائقين محترفين لكن تجربتى معه أن سيارتى ذهبت بها للتعرف على متطلبات العفشة فقال أنها تحتاج بيض مقصات وجلب مقصات فقط ، وعندما ذهبت بالسيارة للعفشجى المعتمد لدى وهو خبير عفشة وشاسيه وفى ذات الوقت صديق لبتوع زوايا المنيل استغرب من تقريرهم وقال أن العربية محتاجة شغل فى العلب وتغيير الأربع مساعدين وووشغل كتير عن اللى قاله بتاع المنيل ونصحنى انى قبل ما أروح لبتاع المنيل أرتب مع المدعو هشام اللى هناك لأنه بيروح المحل 3 أيام فى الأسبوع !! وبقية الأيام يتواجد الصنايعية الغير محنكين !! فقلت له أننى لا أعتقد أن هناك محل كويس يشتغل نص الأسبوع كويس والنص الباقى وحش . لكن هما فعلاً بيقولوا ان هشام اللى هناك ده كويس .
المهم قام العفشجى بتاعى بالذهاب بالسيارة للمنيل وعرضها على هشام فأعطى تقرير بان العفشة كلها تحتاج تغيير من الأمام للخلف وعلبة الدركسيون والباور بايظة ومحتاجة شغل فى علب الشاسيه بعد أن كان التقرير الأول بيض وجلب فقط .
وأرى أن نجرب درش لكنه بعيد عنى جداً.

[someone]

بما انك فى الهرم فى واحد انا مرجبتهوش وانا باكد على كدة مجربتهوش بس كل الناس شكرت فيه جدا وقالوا عنة كلام حلو اوى الراجل دة فى الطوابق فى شارع الصفا المروة اول ما بتدخل شارع الصفا والمروة من بعد بنزينه الغاز حتفضل ماشى لغايم لما تلاقى صيدليه على شمالك ادخل فى الشارع اللى على نصيته الصيدليه وعشان تتاكد حتلاقى فى اول الشارع دة ورشه سمكرة كبيرة جدا وجنب الصيدليه فيه محل قطع غيار بيجو
المهم الورشه ديه حتلاقيها على الشمال وانت داخل وانت حتعرفها من الزحمه اللى قدمها
بس انا بقولك انا مجرتهوش