محدش يصلح كربيرتير عند الناس دول

[horeen]

إخوانى
أنا العربيه بتاعتى كانت مش مظبوطه (شاهين كربيرتير موديل 2000)
روحت لواحد ميكانيكى ثقه قالى الكربيرتير مش مظبوط روح لحد بتاع كربيرتير يظبطه ويغير لك البيكات
سألت قالو لى مركز الصفا اللى فى جسر السويس
روحت هناك ويارتنى ما روحت
جابو جهاز ووصله بالشكمان والبطاريه وقالى العربيه دى بتاكل بنزين
أنا هخليها تشمه
وبعدين فك الكربيرتير ودخل غرفه مغلقه وبعد ساعه طلع ركب الكربرتير
وطبعا مفيش تغيير
قال نغير البوجيهات وطبعا من عندهم على الرغم إنى لسه مغيرهم من شهر
المهم إسمعو بقى الحساب
140 جنيه تغيير العوامه عشان مخرومه ليه عوامه إيه دى اللى بالسعر ده
50 جنيه طقم بوجيهات واحد شمعه ngk
20جنيه رأس بك السلانسيه على الرغم إن البيك كله ب 30جنيه
20 جنيه بيك سرعه
85 جنيه مصنعيه
الإجمالى 315 جنيه
المهم العربيه لسه العفريت ما إنصرفشى
أنا قولت محدش بيتعلم ببلاش
الدرس المستفاد
مفيش حد بيعرف يصلح كربيرتير فى مصر
أنا حبيت أنقل تجربتى لأخوتى فى المنتدى
والله على ما أقول شهيد

[hugan]

والله انا قولت قبل سابق ان مفيش حاجه اسمها تصليح كربراتير
كله نصب في نصب
الكلام بناء عن اكثر من تجربه في الشاهين حاليا
وسا بقتها125
واول عربيه 127
بعد صرف اكتر من ثمن الكاربراتير
ترسي علي واحد استيراد

[essamr]

عندى تجربة مشابهه لموضوع حضرتك مع نفس المركز تقريبا نفس الكلام هوا المركز دة كان وراء شركة الغاز فى النزهه الجديدة

لان لهم فرع اخر كما اعتقد لان مشكلتى كانت من حوالى 3 سنوات بس مش ناسيها

اشتريت بعدها كربراتير استعمال واشتريت نفسى

انا ايضا لا انصح بية لااحد

[dr-mohamed]

فيه واحد اسمه رضا في شارع المطبعة في الهرم كنت مجربه قبل كدة وشغله كويس

[horeen]

والله انا قولت قبل سابق ان مفيش حاجه اسمها تصليح كربراتير
كله نصب في نصب
الكلام بناء عن اكثر من تجربه في الشاهين حاليا
وسا بقتها125
واول عربيه 127
بعد صرف اكتر من ثمن الكاربراتير
ترسي علي واحد استيراد

ياباشا أنا هجيب واحد جديد وريح نفسى
الكربرتير ده صرف قد تمنه

[zastaffa]

ههههههههههه أنا كمان أمبارح أتعكيت في كاربيراتير الفيورا بتاعة صاحبي وفكيته حتت وعينك ماتشوف الا النور....غسلته بالفرشة والبنزين أنما لحظة ظبط العربية أنا كمان أتظبط معاها.....خصوصا بيك الهوا أبن التيت ده....وراني الويل علي بال ما أتظبط ...دي كانت معجنة

[elmkaneeki]

والله انا قولت قبل سابق ان مفيش حاجه اسمها تصليح كربراتير
كله نصب في نصب
الكلام بناء عن اكثر من تجربه في الشاهين حاليا
وسا بقتها125
واول عربيه 127
بعد صرف اكتر من ثمن الكاربراتير
ترسي علي واحد استيراد

مفيش حاجه اسمها تصليح كربراتير
اللادا بتاعة ابوية ياما حاولنا نصلحة ومفيش فايدة بجد
كله هبل

[khaled_sabry]

بصراحه اسمحلى اقولك تجربتى
انا عندى كانت العربيه ددايما بتاكل بنزين ( بس مش معدل كبير) و دايما البوجيهات بتطلع مهببه
لغايه لما روحت مركز الصفا ده فكلى الكاربراتير و غيرلى الجوان و بيك السرعه و حاجتين كمان مش فاكرهم
المهم العربيه بقيت ممتازه و بقيت بتعمل 240 فى الصفيحه و البوجيهات بقيت بتحرق كويس - و بصراحه عجبنى انهم شغالين باجهزه مش زى الباقى بيفتو و فيه اعضاء كتير بيشكرو فيهم
هو الحاجه الوحيده اللى ماعجبتنيش هناك انهم بيشدو الكربراتير على اخره لدرجه ان rpm عندى وصل للريد زون و كان ممكن الموتور يفوت
و كان فيه موضوع احد الزملاء عمله ( و كان معاه شاهين برضه) انه اشترى كاربراتير جديد و طلع مش مظبوط نهائى و فيه بيك كهرباء بايظ
للاسف الموضوع ده كان معمول قبل ما المنتدى يقع بفتره قليله

هو على فكره ممكن تكون مشكلتك مش مشكلة كاربراتير اصلا

[M.Elgergawy]

في ناس كتير جربته وقالت المركز كويس ممكن يكون العيب عندك مش في الكربراتير

[zastaffa]

طب معلش يا جماعه أنا عندي سؤال بخصوص كاربيراتير فيورا موديل 84 ودي عربية صاحبي وكل يوم الصبح تجننه في الدوران لدرجه أنه بأه ماشي يكلم نفسه في الشارع......غيرنا طلمبة البنزين بواحده جديدة أيطالي وغيرنا الخراطيم والفلتر بتاع البنزين،،،بالأضافة للأبلاتين والكوندنسر والبوجيهات وكابل الارضي كمان...وبرضه مافيش فايدة!!!!!!!! بس في الأخر طلع أنه لو جينا الصبح بدري حطينا شوية بنزين في الكاربيراتير من فوق ودورنا تقوم دايرة من أول مرة بعد مكانت بتقعد نص ساعة علي بال ماتدور......السؤال اللي مجنني دلوئتي هو أزاي نمنع رجوع البنزين من الكاربيراتير الي التنك أثناء ركن السيارة ساعات طويلة بالليل.....وطبعا ده اللي بيخليها تغيب في الدوران علي بال مالطلمبة ترجع تجيب البنزين تاني من التنك للكاربيراتير بالتالي بتاخد وقت........هل ألغيله خرطوم الراجع اللي رايح من الكاربيراتير للتنك ولا أعمله أيه...عشان ده صاحبي أوي والميكانيكية مظبطينه ع الاااااااااااااااااااااااااااااااااااااااااااااخر

[lada2010]

طب معلش يا جماعه أنا عندي سؤال بخصوص كاربيراتير فيورا موديل 84 ودي عربية صاحبي وكل يوم الصبح تجننه في الدوران لدرجه أنه بأه ماشي يكلم نفسه في الشارع......غيرنا طلمبة البنزين بواحده جديدة أيطالي وغيرنا الخراطيم والفلتر بتاع البنزين،،،بالأضافة للأبلاتين والكوندنسر والبوجيهات وكابل الارضي كمان...وبرضه مافيش فايدة!!!!!!!! بس في الأخر طلع أنه لو جينا الصبح بدري حطينا شوية بنزين في الكاربيراتير من فوق ودورنا تقوم دايرة من أول مرة بعد مكانت بتقعد نص ساعة علي بال ماتدور......السؤال اللي مجنني دلوئتي هو أزاي نمنع رجوع البنزين من الكاربيراتير الي التنك أثناء ركن السيارة ساعات طويلة بالليل.....وطبعا ده اللي بيخليها تغيب في الدوران علي بال مالطلمبة ترجع تجيب البنزين تاني من التنك للكاربيراتير بالتالي بتاخد وقت........هل ألغيله خرطوم الراجع اللي رايح من الكاربيراتير للتنك ولا أعمله أيه...عشان ده صاحبي أوي والميكانيكية مظبطينه ع الاااااااااااااااااااااااااااااااااااااااااااااخر

دى مشكلة كرباريتر وهات واحد استيراد هتلقى العربية ضبطت معكم

[karimfahmy99]

طب معلش يا جماعه أنا عندي سؤال بخصوص كاربيراتير فيورا موديل 84 ودي عربية صاحبي وكل يوم الصبح تجننه في الدوران لدرجه أنه بأه ماشي يكلم نفسه في الشارع......غيرنا طلمبة البنزين بواحده جديدة أيطالي وغيرنا الخراطيم والفلتر بتاع البنزين،،،بالأضافة للأبلاتين والكوندنسر والبوجيهات وكابل الارضي كمان...وبرضه مافيش فايدة!!!!!!!! بس في الأخر طلع أنه لو جينا الصبح بدري حطينا شوية بنزين في الكاربيراتير من فوق ودورنا تقوم دايرة من أول مرة بعد مكانت بتقعد نص ساعة علي بال ماتدور......السؤال اللي مجنني دلوئتي هو أزاي نمنع رجوع البنزين من الكاربيراتير الي التنك أثناء ركن السيارة ساعات طويلة بالليل.....وطبعا ده اللي بيخليها تغيب في الدوران علي بال مالطلمبة ترجع تجيب البنزين تاني من التنك للكاربيراتير بالتالي بتاخد وقت........هل ألغيله خرطوم الراجع اللي رايح من الكاربيراتير للتنك ولا أعمله أيه...عشان ده صاحبي أوي والميكانيكية مظبطينه ع الاااااااااااااااااااااااااااااااااااااااااااااخر

المسؤل الاول عن عدم رجوع البنزين هو الرداخ الطلمبة يعنى . و انت غيرتها يبقى مفهاش مشكلة كدة .

راجع على الحاجات دى : سلك الشفاط راكب كويس و بيقفل البوابة صح دى مهمة جدا فى الشتا عشان لما بتقل البوابة بتزود نسبة البنزرن للهوا . فك عمة الكاربيراتير و شد سلك البنزين المفروض تلاقى بنزين بينزل من الرشاش العلوى اكنك بتحط بنزين فى العمة زى مبتعمل لو الرشاش مش بيجيب بنزين يبقى فى غلط فى الكاربيراتير دا لانك المفروض انك بتدى دوستين ع الفاضى قبل ما تدور يقوم البنزين يشبع الغرفة و تدور علاطول

[zastaffa]

شكرا جزيلا لكل من عبرني ورد عليا......أما بخصوص العربية فأنا الصبح بدري في عز البرد أديتها 10دوسات بنزين قبل ماأدورها ونص دوسه وأنا بدور وراحت دايره من أول لفة مارش ....بس قبل ماعمل كل ده بصيت علي فلتر البنزين وكان فعلا فيه بنزين وده يخلينا نستبعد فكرة رجوع البنزين من الكاربيراتير للتنك أثناء ركن السيارة ليلا.... ويرجح بقوة فكرة (karimfahmy99) وهي أن السيارة فعلا تحتاج تركيب سلك شفاط لها وذلك لقفل بوابة الهواء أثناء التدوير صباحا فيصبح خليط غني جدا بالبنزين فقير جدا بالهواء......وع العموم أنا رايح أركب سلك الشفاط النهاردة وأنشالله بكره هقولكم دارت الصبح بسرعة ولا لأ......شكرا مرة اخري لكل الردود المفيدة

[sab3aawy]

مجرد ملحوظة، بيك السلانسيه عندك ب 75 جنيه مش ب 30 جنيه لأنه بيك كهربائى ، كانت معايا الشاهين وغيرته لها قبل كدة

[horeen]

مجرد ملحوظة، بيك السلانسيه عندك ب 75 جنيه مش ب 30 جنيه لأنه بيك كهربائى ، كانت معايا الشاهين وغيرته لها قبل كدة

أخى الفاضل
المركز لم يغير بيك السلانسيه
بل قام بتغير الجزء النحاس الموجود فى مقدمه البيك
على الرغم أننى كنت مشترى البيك بالكامل من شركه النصر السيارات ب 50 جنيه
من حوالى أسبوعين
ووجدته بيتباع فى المحلات ب 30 جنيه