إعـــــــلان

Collapse

.

,
See more
See less

احترس من صنايعية الحي السابع - سرقة و نهب و احتيال و كل مبئات الارض

Collapse
X
 
  • Filter
  • الوقت
  • Show
Clear All
new posts

  • احترس من صنايعية الحي السابع - سرقة و نهب و احتيال و كل مبئات الارض

    مع احترامي لساكني الحي السابع خصوصا الي بجنب منطقة ال " ميني حرفيين " دي ... دي منطقة موبوئة و الله يهدها على بورشها على المفتريين و الحرامية و النصابين الي هناك .

    انا كنت عارف انهم حرامية و غاليين ... بس اغبية و نصابين ... دي جديدة !


    اول تجربة ... في سمكري مشهور جدا هناك مش حذكر اسامي علشان لقيت ناس هنا تعرفهم ..
    عامة هو سمكري ملوش محل او ورشة هو واخد ناصية الشارع كله ما شاء الله و العربيات راكنة في الشارع وبيصلح فيها كدة ...

    المهم اول تجربة ... لية صديق .... معاه تريوس ( القديمة ) ... مقفلش الكبوت كويس و هو ماشي الكبوت فتح و رزع في الزجاج كسره .

    غيرناه في محل في شارع الطيران مش فاكر اسمه بس بصراحة ناس شغلهم تمام و سريعين جدا .

    المشكلة ان الكابوت اتحرك من مكانه و مش راضي يقفل .. محتاج يتشد للخارج كدة شوية على البارد .

    طبعا اقرب حاجة لينا كانت الحي السابع .. رحنا .. فتح السمكري الشهير الكابوت !

    وبدا الفتي !!!

    " اه يا باشا .. المشكلة عندك في الصدر ... العربية اتخبطت في الصدر فاكبوت مش حيقفل ..

    " قلتله لأ .... العربية متخطبتش ولا حاجة و حتى لو اتخبطت الكبود كان بيقل عادي لحد موضوع الازاز ده الصبح ...

    - يا بيه انا عارف انا بقول ايه ! هي دي اول عربية اشتغل فيها ...

    " لأ انت عايز تلبسنا زرجينة بس على الفاضي و تاخدلك 100 جنيه في الهواء ( بتهريج طبعا علشان متضرب وسط السابع ) .

    - ها ها... ماشي يابيه شوف انت عايز ايه !!

    - شوفلنا حد يرد الكبود على البارد ...

    - تعالي يا مش عارف مين يابن فلانة الي مش عارف مالهة !!!

    جه فولان ... خبط الكبود بايده ... اتعدل الكبود ب 10 جنيه و خلص الموضوع .

    بالمناسبة احب اعلق على صاج التريوس القديمة ... انا شفت اختها الصينية و قعدت اشتم فيها و اقول دي ورق ومش ورق .. بس واضح ان العيب مش من الصين ... العربية صاجها زبالة الزبالة ... الكبود ولا كانه بلاستيك !! ( مع احترامي برده لملاكها ) بس العربية فعلا ورق !

    دي كدة معاملة سريعة .. انا لو مركزتش او مكنش ليا اوي في موضوع الخبطات ده كنت قلتله اتفضل ... و ادفعلي 150 جنيه مثلا علشان خبطة زي دي !


    ----------------


    المشكلة التانية ... و دي حصلتلي انا شخصيا بعربيتي ...

    الحمد الله العربية تمت 85 الف كم من اسبوع .. و طبعا مينفش متعيدش عليا بمصيبة او مشكلة .. جتها القرف فيها و في الي عملها ! يحرق ساركوزي على رونالدينيو !!!!

    المهم .. و انا ماشي في امان الله ... لقيت مؤشر الحرارة عمال طـــــــــــــــــــــــــالع و بخار ماء جاي من قدام !!
    قلت ينهرا اسود !

    ركنت على جنب .. لقيت ماء الردياتير تبخر تمامممممممممممممممما كنت لسة غاسل الردياتير في بنزينة وطنية الي جنب سيتي ستازز .. ربنا ياخدهم واحد واحد هما كمان !!!

    طب ازاي الماء بيتبخر ... و الديراتير مقفول كويس جدا !!!!

    اتجننت ... زودت اي ماء لقيته قدامي ... و كلمت واحد صاحبي قالي بيك على راكل ملقب بال " السني " في السابع ! قلتله يابني انا مش بحب بتوع السابع دول ... قالي عيييييييييب عليك ! ده راجل برنس !

    رحت اقابل البرنس ده .. و المفاجاة الاولى انه مش سني اصلا ! ما علينا انا مالي !

    بص ياعم على العربية ...

    10 ثواني ... اه يا باشا ده عيب غطاء !! غطاء التانك ساح !

    احمدك يا رب بس كدة !

    قلت اروح اجيب غطاء التانك الاصلي بقى بالمرة !

    اكلم التوكيل !
    عايز غطاء عربية فيات باليو الخ الخ الخ ...

    ايوا يافندم ! 75 جنيه ان شاء الله !

    75 جنيه ايه يا عم بقولوك غطاء تانك واحد ... مش التانك نفسه !

    ايوا يافندم سعره 75 جنيه علشان ده اصلي !!

    قفلت السكة !

    رحت على دمشق ... لقيت نوعين ... اصلي ب 45 جنيه ... و صيني ب 20 جنيه !

    اخدت الاتنين من الراجل و قلتله حجرب و ارجع واحد فيهم .

    طلعت على الاسطة السني !!

    و طبعا مشغل التكيييييييييييف علشان المياه متتبخرش بسرعة .. في عز الشتاء و جالي برد و بلاء اسود !


    جرب الغطاء الصيني ..... نفس المشكلة ...

    جرب الغطاء الاصلي ... نفس المشكلة ...

    " بس يا بيه ... الاربة دي بايظة ... غيرها "

    ------

    ارجع تاني على دمشق ... هات الاربة .... اصلي يا عم .... 185 جنيه .. شكرا ...


    الوقت اتاخر ... ركنت العربية و رحت تاني يوم ....

    الاربة يااسطى .... ياسلام ! حتبقى زي الفل ان شاء الله ...

    ركب الاربة .... الحمار الي عنده بيفتح المحبس بتاع خرطوم الردياتير ... كسره !!! و هو عبارة عن مسمار بلاستيك مقاس 10 .. قالي احسن احسن ! احطلك واحد تيتانيوم مستورد انما ايه ! فلة !!

    استر يا رب ...

    ركبنا الاربة الجديدة ... حطينا الماء ... سخننا العربية شوية ....

    الحمد الله ... مفيش حــــ..... اده اده اده ! بخار ماء و نفس المشكلة تاني !

    " لفظ غير مهذب مني " !!!!!!!!!!! امال خلتني اجيب اربة ليه !!!!!؟؟؟؟؟؟؟؟؟؟؟

    - معلش يابيه ... حروح اصلي و اجيلك على طول !!!

    تصلي !!! ياخي يصلوا عليك ان شاء الله !!

    قتلته حروح اجيب اكل ... سبته و خدت العربية و فلسعت ! !

    لبست حوالي 250 جنيه و العيب زي ماهو ...

    واحد ابن حلال تاني ( الله يسامح الاولاني :) ) قالي في مركز فايدكو وراء السراح و ناس محترمة جدا و مش عارف ايه ..

    رحتلهم .... هو مش مركز اوي يعني .. هي ورشة كبيرة بس انضف الف مرة من كل ورش السابع !

    جه الراجل ... بص على العربية ... قالي العربية اتغسلت قريب ؟ قلتله اه ...

    قالي طيب لحظة .. جاب خرطوم ماء و حطه في الردياتير و فتح المحبس و قالي الردياتير فيه هواء مش اكتر ... 5 دقائق قفلنا تاني قالي جرب و سخن العربية ...

    اجرب .. حرقت ... المروحة اشتغلت ... و كله تمام و لا فيه بخار ولا اي حاجة ... كام يا عم ؟؟ 10 جنيه يا باشا !


    في 25 دقيقة بالظبط ! و ب10 جنيه ... بدل 250 جنيه و عك و يومين شغل ومحبس مكسور !

    الي يروح السابع ده تاني ... زنبه على جنبه !

    وللامانة انا معرفش اي حد في المركز التاني ده ولا بعمله دعاية ولا حاجة بس صاحبه راجل ذوق جدا و الناس الي شغالة في واضح انهم شغالين في توكليلات مش صنياعية تحت السلم .

    و ارجوا اني اكون حذرتكم او جنبتكم سرقة او نهبة او خرابة من البقر الي هناك !



  • #2
    حمدا لله علي سلامة حضرتك و العربية

    و شكرا للنصيحة التي احب ان أأكد علي صحتها و مصداقيتها

    و اني كنت عطلت من سنتين بال128 و الكهرباء قطعت و الميكانيكي بتاعي - الثقة - ساكن في العبور و لأني عارف الفولة في ميكانيكيّ المنطقة

    فضلت ادعبس في العربية و جبت قطع الغيار و غيرت طقم الكهربا - ابلاتين و كوندينسر - في ساعتين لما ضهري اتقطم

    و ما رضيتش اروح لحد فيهم

    و دا طبع عندي لو العربية هاتوقف ماروحش لحد شاكك فيه ابدا او معنديش خلفية عن شغله

    اصل البني ادم ما بيتعلمش ببلاش
    و انا ياما دفعت

    Comment


    • #3
      عادي..احنا بلد الفتايين إللي ماحدش فيها بيقول ما عرفش..كان الله في العون
      لا حول ولا قوة إلا بالله..متى سيموت الإهمال في مصر

      Comment


      • #4
        شكرا" عالنصيحه
        [SIGPIC][/SIGPIC]

        Comment


        • #5
          فعلاً .... أسوأ صنايعية بنوع السابع (باستثناء رضا الكهربائى ) ,,, وبتوع الحى العاشر نصب واستهبال وقلة أدب
          لما بتحصل عندى مشكلة باروح لأى حد منهم عشان يمشى العربية بس ,, وبعدين اخذها على الميكانيكى بتاعى فى الهرم أو أخليه ييجى لى مطرح ما العربية بتتعطل
          [img2]http://i1023.photobucket.com/albums/af355/khaled_now/Awards2012-2015.gif[/img2]
          [COLOR=Blue][marq="4;right;3;scroll"]لا اله الا الله وحده لاشريك له .. له الملك وله الحمد .. يحيى ويميت وهو على كل شئ قدير[/marq][/COLOR]

          Comment


          • #6
            انا بقالي 3 سنين بتعامل مع ميكانيكي وكان الحاجه ام عشره ياخد عليها 30 وكنت بقول مش مشكله طالما شاطر ونظيف
            لحد مادخلت المنتدي وبدات اعرف واتعلم واروح اساله الاقيه بيفتي

            ومره كان عندي صوت في الفرامل ولناس هنا قالو صوابع الكاليبر وكانت هيا فعلا والميكانيكي ده فضل 3 اسابيع ومعرفش يعمل فيها حاجه لدرجه انه كان بيوزعني لمااروحله

            من اسبوع اتعاملت مع ميكانيكي اول مره اشوفه بس بصراحه واد لقطه اسمه احسن من السيوف بس فاتح عندنا في كفرالدوار بس بصراحه جامد
            كان بيحاول يستعرض عليا في موضوع فيشة الاوكتيين بس اديتهمله وبقي مش مصدق اني عارف الحاجات دي لدرجه انه سالني انا عاملها عند مين وانا بشتغل ايه

            اخر حاجه الميكانيكي القديم خسرهالي هي الماستر لان الفرامل كانت وحشه قوي وغيرت ماستر ب 365 جنيه وهو هو الحال وفي الأخر غالبا العيب هيكون من الطنابير لانها اتخرطت مرتيتن

            Comment


            • #7
              المشاركة الأصلية كتبت بواسطة khaled_nowaihy مشاهدة المشاركة
              فعلاً .... أسوأ صنايعية بنوع السابع (باستثناء رضا الكهربائى ) ,,, وبتوع الحى العاشر نصب واستهبال وقلة أدب
              لما بتحصل عندى مشكلة باروح لأى حد منهم عشان يمشى العربية بس ,, وبعدين اخذها على الميكانيكى بتاعى فى الهرم أو أخليه ييجى لى مطرح ما العربية بتتعطل
              حضرتك قصدك الى فى شارع أسمة الثلاثى دة أنا مرة رحت الشارع دة و قولت توبة من دى النوبة هو دة الى قصدك علية شارع كبير كدة و كلة ورش

              Comment


              • #8
                مش عارف اسم الشارع والله يا هشام باشا ... بتوع الحى السابع دول اللى بعد ابو رامى على الشمال (لو جاى من عند انبى)
                وبتوع العاشر فى منطقة مساكن صقر قريش والمساكن الشعبية اللى أمامها (أطلس تقريبا)
                [img2]http://i1023.photobucket.com/albums/af355/khaled_now/Awards2012-2015.gif[/img2]
                [COLOR=Blue][marq="4;right;3;scroll"]لا اله الا الله وحده لاشريك له .. له الملك وله الحمد .. يحيى ويميت وهو على كل شئ قدير[/marq][/COLOR]

                Comment


                • #9
                  المشاركة الأصلية كتبت بواسطة khaled_nowaihy مشاهدة المشاركة
                  مش عارف اسم الشارع والله يا هشام باشا ... بتوع الحى السابع دول اللى بعد ابو رامى على الشمال (لو جاى من عند انبى)
                  وبتوع العاشر فى منطقة مساكن صقر قريش والمساكن الشعبية اللى أمامها (أطلس تقريبا)
                  بص هية كانت بعد سوق السيارات تقريبا الشارع على ناصيتة جامع كبير تقريبا تدخل يمين و الشارع الموازى هو الى فية الصتايعية عموما دول مش تمام و عكاكين جدا جدا جدا أنا و أنا واقف كنت بعمل حاجة بسيطة فى العربية ال 127 و شوفت واحد معاة تمبرا أحنا كنا عند بتاع مفاتيح و كوالين و تصليح مكن زجاج السيارات الاخ الى معاة التمبرا صعب بجد عليا و تكلمت معاة و قولت لة انا معايا تمبرا و حافظها صم الى الراجل بيعملة فى العربية عندك دة شغل واحد جاهل و فعلا بوظ لة شوية حاجات فى الباب بغباءة و تعرفت على الراجل و بقى بيكلمنى دايما لما يكون عندة مشكلة فى التمبرا بتاعتة

                  Comment


                  • #10
                    المشاركة الأصلية كتبت بواسطة heshamzaky مشاهدة المشاركة
                    بص هية كانت بعد سوق السيارات تقريبا الشارع على ناصيتة جامع كبير تقريبا تدخل يمين و الشارع الموازى هو الى فية الصتايعية عموما دول مش تمام و عكاكين جدا جدا جدا أنا و أنا واقف كنت بعمل حاجة بسيطة فى العربية ال 127 و شوفت واحد معاة تمبرا أحنا كنا عند بتاع مفاتيح و كوالين و تصليح مكن زجاج السيارات الاخ الى معاة التمبرا صعب بجد عليا و تكلمت معاة و قولت لة انا معايا تمبرا و حافظها صم الى الراجل بيعملة فى العربية عندك دة شغل واحد جاهل و فعلا بوظ لة شوية حاجات فى الباب بغباءة و تعرفت على الراجل و بقى بيكلمنى دايما لما يكون عندة مشكلة فى التمبرا بتاعتة
                    أيوه هم دول !!! دا اسمها محطة المثلث فعلاً
                    أنا عاصرت مهازل فى السمكرة والميكانيكا فى المنطقة دى
                    آخرها واحد ميكانيكى ركب لى ملعقة الفيتيس فى ال128 بالمقلوب !!!
                    [img2]http://i1023.photobucket.com/albums/af355/khaled_now/Awards2012-2015.gif[/img2]
                    [COLOR=Blue][marq="4;right;3;scroll"]لا اله الا الله وحده لاشريك له .. له الملك وله الحمد .. يحيى ويميت وهو على كل شئ قدير[/marq][/COLOR]

                    Comment


                    • #11
                      المشاركة الأصلية كتبت بواسطة khaled_nowaihy مشاهدة المشاركة
                      أيوه هم دول !!! دا اسمها محطة المثلث فعلاً
                      أنا عاصرت مهازل فى السمكرة والميكانيكا فى المنطقة دى
                      آخرها واحد ميكانيكى ركب لى ملعقة الفيتيس فى ال128 بالمقلوب !!!
                      ههههههههههههههه أيوة شارع اسمة المثلث دول مع أحترامى شوية صبيان و عملو اسطوات و ما عندهومش فكرة عن البطيخ أنا رحت فقط لانى كنت مركب زجاج كهرباء فى السوبر فيورا و كنت عاوز أفك المكن الكهرباء و اركب الزجاج العادى مرة أخرى بس كدة و طبعا قعد يجى 3 ساعات لما عملة و لماركب المكن اليدوى الزجاج مكنش بينزل للأخر بيبقى مرفوع نص سنتى كدة قولت لة أظبط المكنة لتحت قالى هو دة اخرها أتجننت علية و قولت لة بص يا أسطى انا راكب العربية دى من سنة 90 يعنى حافظها قولى كلام اعقلة و موزون و جة الاسطى الكبير لما لقى ان الزبون الى ادامة فاهم عدلها بس كان متافف من الاخر كانت أول و اخر مرة

                      Comment


                      • #12
                        بتوع السابع دوول عن تجربة مفيهمش غير رضا الكهربائي و اشرف بتاع الريدياتير غيير كدة شوية عالم ...................................... بلاش نكمل
                        يجب تعديل حجم الصورة

                        Comment


                        • #13
                          ممكن حد يوصفلي مكان رضا الكهربائي بالظبط فين في السابع ؟ يعني من الشارع اللي على ناصيته ابو رامي وقهوة سي عمر على شمالي مثلا مكان ورشته فين من هناك ؟
                          سبحان الله وبحمده ... سبحان الله العظيم
                          تحياتي ,,,
                          أحمد مجدي

                          Comment


                          • #14
                            حتخش من عند ابو رامي وتمشي في الشارع وتلف وترجع تاني
                            بقت ابو عمر علي يمينك كده
                            كمل لحد ما تلاقي قهوه
                            قبلها فتحه خش يمين
                            حتلاقي علي شمالك محل اسمه الاصدقاء بتاع كاسيت واكسسوار وجمبه محل بيبيع قطع غيار سكودا وفيات وبطاريات

                            اسأل علي الاسطي رضا الكهربائي هناك الف مين يدلك
                            تخش هناك هوا اللي يبصلك علي العربيه بنفسه
                            وبعدين هوا حيقول يافلان تعالي اشتغل فيها

                            للاسف سيد اللي معاه مشي
                            كان استاذ

                            معاه واحد دلوقتي اسمه هاني تقريبا والباقي كله صبيان
                            سلكه وفيشه وتهتهه
                            :) :)

                            Comment


                            • #15
                              المشاركة الأصلية كتبت بواسطة funnymickey مشاهدة المشاركة
                              حتخش من عند ابو رامي وتمشي في الشارع وتلف وترجع تاني
                              بقت ابو عمر علي يمينك كده
                              كمل لحد ما تلاقي قهوه
                              قبلها فتحه خش يمين
                              حتلاقي علي شمالك محل اسمه الاصدقاء بتاع كاسيت واكسسوار وجمبه محل بيبيع قطع غيار سكودا وفيات وبطاريات

                              اسأل علي الاسطي رضا الكهربائي هناك الف مين يدلك
                              تخش هناك هوا اللي يبصلك علي العربيه بنفسه
                              وبعدين هوا حيقول يافلان تعالي اشتغل فيها

                              للاسف سيد اللي معاه مشي
                              كان استاذ

                              معاه واحد دلوقتي اسمه هاني تقريبا والباقي كله صبيان
                              سلكه وفيشه وتهتهه
                              :) :)
                              +111111111111

                              و سلكة افضلهم و فيه واحد تاني اسمو محمد اسمراني كدة و طولو متوسط
                              يجب تعديل حجم الصورة

                              Comment

                              Working...
                              X